嘩！又有暑假曼谷平飛！今次主角竟然係皇家約旦航空！10/7佢先落到HK$1,200，我哋都推介過，點知依家佢再推出Last Minute劈，出發日期為17/8 – 31/8，來回曼谷淨機票HK$900起，連稅HK$1,757起，仲平過空氣亞洲！話晒佢係傳統航空公司，呢個價包埋行李寄艙同飛機餐嘛！8月中下旬都仲有呢口靚價，認真超值！提提您：佢每逢週二／四／六／日各對飛一班，去程搭RJ183（21:35/23:25），回程RJ182（16:15/20:05），好啱週四放工出發，請週五1日大假就飛去曼谷過Happy Weekend人士（假設返五日工）。官網冇呢口價，上Priceline訂啦！Check過系統，可能剛推出，呢一刻仲有唔少位，有就快手唔好諗喇～

網址：www.priceline.com.hk

（覺得抵請記得按Like同Share俾朋友）

暑假旺季，又有一單平飛曼谷猛料，竟然全港冇人提過？就等我哋「又飛啦！」首報吧！是咁的：8月打後出發，坐斯里蘭卡航空來回曼谷，淨機票HK$1,140起，連稅HK$1,838，最值錢係機票有效期長達1個月，俾您足夠時間玩埋其他泰國城市，暑假超旺季都有呢口價，仲抵過空氣亞洲呀（況且斯里蘭卡係傳統航空公司，有免費行李寄艙同飛機餐）！美中不足係斯航只係逢週一、四、六先有航班，去程UL423（18:15/20:10），回程 UL422（13:20/17:10），不過對於學生哥嚟講，大把假期，冇所謂啦！

網址：www.srilankan.com

（覺得抵請記得按Like同Share俾朋友）

又有一家航空公司推出暑假平機票引您去曼谷！今次主角係皇家約旦航空，佢每逢週二／四／六／日各對飛一班，由依家到31/8期間出發（食正暑假），來回淨機票HK$1,200，連稅HK$2,055，機票有效期2-10日。當然相比淡季，佢唔夠港航同AirAsia平，但依家先訂暑假曼谷機票，佢都仲有呢口價，競爭力立即提升晒，值得同大家介紹。去程搭RJ183（21:35/23:25），回程RJ182（16:15/20:05），好啱週四放工出發，淨係請週五1日大假人士飛去曼谷過Happy Weekend（假設返五日工）。官網冇呢口價，上Priceline訂啦！Check過系統，可能剛推出，呢一刻仲有唔少位。暑假曼谷平機票難求，有就快手唔好諗喇～

網址：www.priceline.com.hk

（覺得抵請記得按Like同Share俾朋友）

好多Fans都想要直航蘇梅島平機票，但奈何得曼谷航空獨市經營呢？點知佢突然劈價：來回淨機票HK$1,490，連稅HK$2,163！平時淨機票都要HK$3.5K啦！出發日期為1/11 – 15/12，機票有效期7日。咁平，梗係有代價：1. 去程限坐PG806（17:05/19:20），回程限坐PG805（11:35/15:55），頭尾冇咁兩日；2. 11-12月係蘇梅島雨季，陽光唔夠，要有心理準備（淨係想留喺Resort避下靜歎下世界嘅，呢隻Fare依然值得入手），最後出票日期為31/7。

網址：bangkokair.com

（覺得抵請記得按Like同Share俾朋友）

呢幾日，港航除咗靜靜雞加推一批9月份飛台北及台中”一Click即享”平機票入系統度，其實仲有港人至Like嘅曼谷架！其中以1/9至16/9出發，來回淨機票HK$670起（非紫荊會會員HK$720起），連稅HK$1,373起（非紫荊會會員HK$1,423起）（紫荊會免費申請網址：http://bit.ly/XiCJvm），呢個價直頭連空氣亞洲也比下去。喂！港航呢個價係包免費行李寄艙同飛機餐架！當然平係有代價：主要係回程時間一般，通常有兩班揀，一班係早機HX768（08:25/12:10），適合想下午返工人士，或者超激紅眼機HX774（02:15/06:00），直頭返香港即返工，哈！幸好有少量日子會提供夜機HX766（20:25/00:25）返，當然要您俾啲心機慢慢Search。建議用”彈性旅遊日期”Search，擴大搜尋範圍，呢批平機票唔到搵到手。

紫荊會免費申請網址：http://bit.ly/XiCJvm

港航網址：www.hongkongairlines.com

（覺得抵請記得按Like同Share俾朋友）

12:08pm 7/6 Updated：謝謝Fans Jet Pun告知原來澳門航空官網泰國站都有得賣：http://www.airmacau.co.th/

趁今早靜靜地，同大家發掘下一套幾有趣嘅暑假機票，希望可以拋磚引玉（澳門fans更需留意！）。澳門航空原來有一隻筍盤，不過唔係澳門出發，而係曼谷：曼谷飛東京，中停澳門，淨機票HK$1,053，連稅HK$2,957（下欄仲貴過張機票），出發日期7-8月都唔難搵到，由於出發地唔係香港／澳門，所以要自己另外買一張單程機票落曼谷，咁AirAsia一定最適合。Check過AirAsia系統，如果香港出發，7-8月單程連稅介乎HK$700-HK$1,000左右，澳門出發就介乎MOP640 – MOP844，兩者加埋，連稅約HK$3,600起。須知道暑假黃金檔期，用呢個價一次過玩晒兩個大家勁Like嘅地方，性價比強（東京回程仲要係下午機）！呢套機票澳門航空官網冇得賣，上ebookers.com望下啦！

溫馨提示：揀曼谷出發航班，建議揀零晨02:55嘅NX879，因為到澳門後只需等2小時40分就可轉到NX862（09:30/15:00），否則揀中NX881，返到澳門只係零晨01:15，要喺機場等8小時，如果您係澳門人當然可以返屋企瞓個覺，但如果您係香港人，除非肯瞓機場，否則住酒店都要成本，唔建議您咁做嘞！

網址：www.ebookers.com

溫馨提示：海外旅遊網站不受香港旅遊業協會監管，風險必須自負；如有服務需要，亦需親自打海外熱線／電郵聯絡，IDD費用需要自付。

（覺得抵請記得按Like同Share俾朋友）

又有一單住酒店勁So例子！今次主角係大家好Like嘅雅高Accor酒店集團，佢低調推出一隻優惠：由1/6至30/8期間，入住泰國及越南旗下指定酒店，可以獲得總房價（唔包稅）30%回贈，俾您用喺酒店內消費，例如Room Service，睇電影，食肆早午晚餐，Upgrade房間，甚至做Spa都得（由第三方提供就不適用）！當然唔用就唔會退番錢俾您。如果再經回贈網TopCashBack.com入去Accor官網訂房，可以順便食埋佢8%房價回贈（教學請睇：http://flyagain.la/?p=5933），兩頭賺，認真盞！

不過提提您：唔係每一間酒店同每種房價都可以獲得30%回贈，必須揀”CASH BACK”類別先有（如下圖）。Check過唔少酒店，呢種”CASH BACK”房價比最平嘅大約只係貴10-15%左右，所以扣番30%回贈，都仲有So，值得選購！不過請記住呢種房價係Non-refundable，即係冇得改冇得退，堅要去先好訂。既然有30%房價回贈，小弟建議大家揀啲靚酒店，因為可以趁機享受下酒店內優質服務（例如SPA啦），況且如果係白金卡會員，入住Sofitel，Pullman及MGallery酒店更可免費Upgrade房間（當然要視乎供應）。最後訂房日期為15/7。總之今個暑假飛泰國同越南，住Accor真係好So！

咁點先可以食埋TopCashBack.com俾嘅8%回贈？方法如下：

1. 申請TopCashBack.com戶口：http://bit.ly/12tfxda

2. 跟足教學步驟（請睇：http://flyagain.la/?p=5933），搵Accorhotels.com嘅回贈鍵（即係Step4嘅”Get Cashback Now”）

3. 當跳入去Accor官網後，請login您會員戶口（如果冇，請直接去下一步）

4. Copy & Paste呢個網址：http://www.accorhotels.com/gb/hotels-offers/promotion-13842-hotel-offer.shtml?xts=201912&xtor=ADC-5024-%5bas%5d-%5bcashbackthvn%5d&xtdt=22810689，進入優惠版面，有埋優惠詳情及細則條款，記得睇下

5. 再喺右邊揀國家->城市 ->入住日期 ->房間數目 ->入住人數，再按Search就去搵酒店

千萬記住：一定要揀”CASH BACK”字樣先有回贈！千祈咪搞錯！

（記得按下面「讚好」Share俾Facebook朋友）

五六月有兩個小Long Weekend（即係放週五或週一，連埋週六日合共有3日大假），一個係五月佛誕，一個係六月尾回歸假期（1/7正係週一）。佛誕太趕？咁今次就為大家搵下回雞（噢！回歸先啱）假有乜平機票玩短Trip。Check過系統，暫時以台灣及曼谷抵玩，今次先講曼谷：搭阿聯酋航空飛曼谷，週五晚放工出發（EY385 22::10/00:05），週一下午搭EY384（13:45/17:35）返香港，來回均搭A380班次，唔駛請假，來回連稅HK$2,587，商務客位來回連稅亦只係HK$4,717，同平時相若，唔炒飛算佢有良心。講真，以咁Last Minute先訂Long Weekend機票，呢個價仍屬抵玩，況且唔駛請1日假呢（假設週六不用上班）！上官網訂吧！

網址：www.emirates.com

（記得按下面「讚好」Share俾Facebook朋友）