今年泰國潑水節將會喺12/4 – 14/4嘅週末舉行，之前AirAsia亦做Promo話潑水節去曼谷布吉單程連稅HK$648起，但嗰陣我哋Check過系統，發現真正踏正潑水節期間出發係冇呢個價，來回連稅起碼要HK$2.3K。點知AirAsia近日靜靜雞放番呢段期間出發嘅平飛！例如揀週五12/4晚放工去（搭FD2503 20:50/22:30），週二下午返（搭FD2502 16:30/20:15），來回連稅都只係HK$1,266，比之前平成HK$1,000（此價不含行李寄艙同飛機餐）！想四月份大濕特濕，趁唔係太多人知，搶飛啦喂！

網址：www.airasia.com

（記得按下面「讚好」Share俾Facebook朋友）

您冇睇錯！係坐商務客位，唔係經濟客位！港航近日癲劈，將飛曼谷嘅商務客位減到同經濟客位睇齊！31/1前飛曼谷，來回淨機票HK$1,250，連稅HK$2,045：再講一次，係坐商．務．客．位！2-14日機票（比一般經濟客位平機票仲多七日），官網冇得賣，佢亦冇高調宣傳，不過真旅網仲有少量機票，相信呢篇文一出，估計會好快搶光～手慢唔好怨人喎！

網址：www.travelzen.com

（記得按下面「讚好」Share俾Facebook朋友）

經過尋晚慘被AirAsia玩足成晚後（都冇說好的0分兌換香港/澳門飛吉隆坡機票！），唉算啦！都係今晚00:00乖乖入官網同AirAsia死過！今晚會公開賣一批超遠期貨：出發日期20/8/2013 – 9/2/2014，香港飛吉隆坡／沙巴單程連稅HK$598（來回連稅HK$1,075起），飛布吉單程連稅HK$678（來回連稅HK$1,316起），飛曼谷單程連稅HK$598（來回連稅HK$1,194起），以超遠期貨嚟講，真係一般劈而已，堅有需要請訂，如果係15/16者，唔訂有So，始終有時佢啲Last Minute機票間中都有驚喜價，太早預訂嘅，唔堅平唔好太衝動嘞！

網址：www.airasia.com

（記得按下面「讚好」Share俾Facebook朋友）

今晚00:00 AirAsia會開倉賣一批超遠期貨：出發日期20/8/2013 – 9/2/2014，單睇價錢，本來平平無奇：香港飛吉隆坡／沙巴單程連稅HK$598（來回連稅HK$1,075起），飛布吉單程連稅HK$678（來回連稅HK$1,316起），飛曼谷單程連稅HK$598（來回連稅HK$1,194起），以超遠期貨嚟講，只算一般劈啦！呢批機票今晚00:00會率先俾AirAsia Big卡會員認購（免費登記網址：www.tune2big.com，必須係AirAsia會員先可申請，免費登記AirAsia會員網址：www.airasia.com）。

咁邊度會有$0機票呢？查實今晚00:00 Big卡亦會做Promotion：提供1,000,000張機票俾會員以0分兌換（但仍要俾油附及機場稅），雖然AirAsia冇正式公佈呢批0分機票所包括嘅航點，但佢喺Facebook有提過包括香港同澳門嘅（估計係指吉隆坡出發，泰國出發唔知有冇），故此Big卡會員今晚可能買到返香港同澳門嘅$0機票，咁就算吉隆坡去程連稅HK$598，加埋回程$204（油附連稅），來回吉隆坡就只需HK$802，咁就抵買喇！如果趕唔切申請做Big卡會員，AirAsia公眾網站亦有可能出現$0機票！根據2/1/2013我哋報導過嘅〔大漏洞！AirAsia吉隆坡返澳門單程連稅HK$205！〕，起因正正係Big卡當時做緊0分兌換吉隆坡單程返澳門機票優惠，一陣00:00又睇下AirAsia會唔會歷史出演呢？

查詢網址：www.airasia.com

指定訂購網址：https://loyalty.airasia.com/BIG/aa/Flight.aspx

（記得按下面「讚好」Share俾Facebook朋友）

AirAsia今晨開倉賣3月至5月出發嘅機票，好可惜，香港出發冇曼谷份！嘿～如果想依家到31/3去曼谷玩，最平嘅竟然唔係廉航AirAsia，而係Full Service嘅肯雅航空！佢做緊春季機票優惠，淨機票HK$1,038，連稅HK$1,800，1人飛都得（5/2 – 12/2出發不適用）！最正係機票有效期長達1個月，啱晒長玩泰國人士。不過平係有代價：只係逢週四／六／日三日有機，香港去程夜機KQ861（21:50/23:40），曼谷回程下午機KQ860（14:10/17:50），但當AirAsia連稅去到貼近HK$2K水平，仲要冇行李寄艙／飛機餐／機上娛樂等等，如果咁啱來回日子夾到週四／六／日，點解唔Try肯雅航空呢？

網址：www.kenya-airways.com

（記得按下面「讚好」Share俾Facebook朋友）

淡季去曼谷，不妨豪一豪佢！仲記唔記得上年12/9我哋「又飛啦！」報過嘅搭斯里蘭卡航空飛曼谷，商務艙超劈價來回$1,570起！呢！其實呢隻特價仲喺度，只係斯航加咗少少價：依家淨機票HK$1,870，連稅HK$2,630，其實以連稅價計，實際只係加HK$167，絕對可以接受！話晒坐商務客位喎！相比最平嘅對手阿聯酋航空平一半，最後出發日期到31/3。Check過系統，接近3月尾復活節假仲有位揀：當然唔係好踏正嗰隻，但起碼唔駛捱超貴假期附加費，又有得歎Flat Bed嘅商務客位，仲想點呢？

網址：www.srilankan.com

（記得按下面「讚好」Share俾Facebook朋友）

14:25 12/12 Update：漏洞已封，或是已經賣晒！

漏夜都急報一單大漏洞料！聖誕新年打算飛布吉島者，睇埋先好瞓（相信聽早一定冇）！位於Kamala Beach（距離Patong Beach 10分鐘車程）嘅一間4星渡假酒店：Kamala Beach Estate，由23/12 – 10/1期間竟然出現驚天大漏洞價！一間兩房海景套房Andaman Suite，原本賣緊HK$2,387一晚（未連稅），以聖誕新年加上年尾係布吉旅遊旺季嚟講，非常正常，但依家喺訂房網asiawebdirect.com上，如果揀23/12 – 10/1期間入住（30/12 – 2/1就賣晒），每間只係賣HK$341！連埋稅都只係HK$405！平足85%，即係打15折俾您？兩房喎！其他類型房間都賣緊千幾蚊一晚，咁99%係Bug啦！如果呢段時間有需要者，試下Book！Asiawebdirect.com有寫明只要14日前取消／更改預訂，只收取THB600（HK$150）手續費，又睇下今次酒店／訂房網認唔認數吖！

溫馨提示：玩漏洞嘅嘢，絕對睇彩數，唔好抱太大期望先好學人玩喇！

網址：http://www.asiawebdirect.com/zh_CN/thailand/phuket/kamala-beach/kamala-beach-estate/?mtxCheckIn=20121223&mtxCheckOut=20121230&cid=wg_awd2111

（記得按下面「讚好」Share俾Facebook朋友）

立即搶！依家AirAsia經已開倉！明年1/6至30/9出發，飛吉隆坡、沙巴、曼谷、布吉單程連稅$469起，來回連稅計，吉隆坡、沙巴HK$878起，曼谷、布吉同樣HK$968起，連稅通通唔駛HK$1,000，超級抵！呢個優惠必須經以下指定Link入AirAsia官網先得，就咁入去www.airasia.com係唔得架！全因呢個優惠針對國內微博Fans：咁當然唔係佢商務總裁陳凱霖Fans都可以買得啦！呢批早餐盤早喺29/10賣過，當時單程連稅飛曼谷賣HK$598，布吉HK$688，吉隆坡沙巴HK$658，檳城HK$568起，即係話今次遲買仲平！但唔好太開心住：未必日日都有架！一陣開倉時候自己發掘下啦（點解今次冇檳城嘅？一陣試下先）！優惠期只有3日，最後出票日期為14/12。

指定網址：https://booking.airasia.com/Search.aspx?culture=zh-HK&promocode=121212ID　（必須經此Link進入AirAsia官網才可見到優惠價，手機版及Chrome版不能，除非喺iPhone安裝Puffin瀏覽器啦～）

（記得按下面「讚好」Share俾Facebook朋友）