X
依家諗定暑假去邊度玩都差唔多嘞！因為AirAsia已準備好靚早餐盤俾大家享受！Check過系統，去曼谷7月8月仲有大把平飛，最平單程HK$333起！來回連稅只係HK$1,187起咋！咁當然如果Weekend飛就貴少少，你預連稅HK$1.8K左右啦，但暑假喎！抵到爆啦下話！趁依家啲人仲集中火力追復活節盤，約定朋友暑假去曼谷就啱嘞。
（記得按下面「讚好」Share俾Facebook朋友）
恭喜發財！龍年第一Post，講一間我哋從未介紹過嘅航空公司優惠。馬航旗下廉航螢火蟲航空（Firefly Airlines）推出2月份機票全線8折優惠。呢間航空公司冇機飛香港，主要經營點為馬來西亞／新加坡及泰國南部地區，咁點解都要介紹呢？因為佢有一條由吉隆坡蘇邦機場飛泰國蘇梅島嘅航線，一向都做得頗平，咁你夾埋張AirAsia返香港，點都平過你揀直航嘅曼谷航空，仲可以一次過玩齊兩個城市（不過記住Firefly係飛蘇邦，AirAsia飛LCCT，雖然同係吉隆坡，但唔同機場），今次有8折就留意啦！話晒2月仲係泰國南部旅遊旺季。
留意位：
1. 最遲出票日期：29/1
2. 旅遊日期：1/2 – 29/2
（記得按下面「讚好」Share俾Facebook朋友）
又有跌破HK$1,000大關嘅曼谷機票筍盤推出（除咗廉航AirAsia）！今次係皇家約旦航空，由依家到28/2去曼谷，2人同行價減到每位HK$990（未連稅）。Check過系統，呢口價Weekend飛就冇晒啦！Weekday飛就仲有，不過兩者都只係相差HK$90：HK$1,080而已。要留意嘅係皇家約旦航空只係逢週二、四、六、日有機來回香港曼谷，去程係夜機21:25/23:25，回程15:25/19:00。呢套GV2去邊度買？Priceline啦！
（記得按下面「讚好」Share俾Facebook朋友）
新年過後，曼谷旅行價又回復正常。今次就介紹一隻國泰假期嘅曼谷超值Package，3日2夜套票2人成行，最平揀Hotel Ibis Bangkok Riverside只需HK$1,550（未連稅，下同），仲有好多酒店任你揀，大量四星五星如Pullman、JW Marriot、Centara Grand、Banyan Tree、Peninsula、InterContinental等等，都係二千頭左右，除番開酒店價，即係張2人同行機票賣緊HK$1,100俾你，同往時淡季相若。蝦！唔知遲啲國泰會唔會拆出嚟俾你地可以單買呢張GV2呢？不過既然套票都好抵，有心去不如上佢官網訂咗先，話晒係即時確認，夠晒方便。
（記得按下面「讚好」Share俾Facebook朋友）
到依家先決定新春出遊行大運？去曼谷啦！都好耐冇留意皇家約旦航空啲筍盤（有AirAsia長期頂實晒），因為佢航班唔密，一星期只有逢二、四、六先有機來回，不過今次你哋可以年廿八星期六飛，初二（24/2）或初四（26/2）返，來回都仲係HK$2,410（未連稅，稅就HK$864嘩），雖然去程夜機21:25/23:25，冇咁一日，但散飛嚟講呢個價仲係好合理，一於請1日假初四先返啦（其實好多公司初四都未開工啦下話）！
網址：www.rj.com
（記得按下面「讚好」Share俾Facebook朋友）
係人都知道，大時大節啲機票一定俾人炒到貴一貴，好就似布吉島為例，散飛直航來回你估最平要幾錢？連稅多謝HK$9,711！仲要坐零晨機呀陰公！不過同炒股票一樣，物極必反，依家就有止蝕盤掟出街鳥！Sun Travel有一隻坐泰國東方航空飛布吉Last Minute優惠，農曆新年期間飛布吉島，5日團飛（即係須指定日子出發，玩足5日）坐泰國東方航空（OX）最平可以HK$2,600（未連稅），航班時間視乎日子而定，最正就係21/1（年廿八）去25/1（年初三）返，去程早上08:10，回程下午3:35，真係早機去晚機返又唔駛請假，呢一組飛只售HK$2,900，連稅都只係HK$3,730，直頭係良心價啦！不過搭得泰東呢間嘢，你真係要諗清諗楚先好去馬喎！記得買定旅遊保險呀！
留意位：
1. 不同日子出發，票價不同：年廿七 $2,800、年廿八 $2,900、年廿九 $2,900、年初一 $2,900、年初二 $2,500（應該賣晒）、年初四 $2,800、年初五 $2,800、年初六 $2,600
2. 稅及油附：HK$830
3. 機票不能延期，5天後回港
查詢電話：2388 4003
（記得按下面「讚好」Share俾Facebook朋友）
AirAsia又有早餐盤益街坊，今次又輪番熱門地點：泰國嘅曼谷、布吉，同埋馬來西亞嘅吉隆坡、檳城，由依家到25/12前訂購明年1/4 – 30/6出發嘅機票，前者來回連稅HK$1,358起，後者來回連稅HK$1,340起，Check過系統，4月頭近復活節個陣就真係所餘無幾（除非你肯好夜去啦），之後都唔難搵呢啲平飛，上次開倉執唔到筍嘢嘅你，呢次唔駛同人搶喎！諗得過！
（記得按下面「讚好」Share俾Facebook朋友）
又係曼谷！尋晚報過一隻好筍嘅農曆新年泰航套票，仲想平啲？有！平日囉！如果可以喺19/1前出發，港航啱啱出咗隻GV2（2人同行）超平飛，一定要跟酒店當套票出，如果唔介意住啲Cheap Cheap 2星酒店，去Zuji訂套票，3日2夜都只係HK$935起（連稅就HK$1,651起）！平時齋機票都唔止呢口價啦！依家連埋兩晚酒店喎！呢隻GV2飛去程要搭12:35/14:00，回程要搭早機08:50/12:45，晨拿咁早，3日2夜梗係唔制啦！但既然呢隻飛有7日有效期，一於去埋芭堤雅或其他城市So爆佢！
（記得按下面「讚好」Share俾Facebook朋友）
X