2月打後又係南半球秋季，平機票已排隊出籠。之前搶唔到廉航酷航（Scoot）超平澳洲機票嘅，佢阿媽新航又有好嘢益您：出發日期為17/2 – 10/4；28/4 – 31/5，經新加坡轉機來回墨爾本／悉尼／布里斯班HK$1,280起，飛珀斯／阿德萊德／達爾文HK$1,490起，連稅計，墨爾本HK$4,479／悉尼HK$4,592／布里斯班HK$4,594／珀斯HK$4,693／阿德萊德HK$4,719／達爾文HK$4,749，全部唔過五千，可不同城市往返（Open Jaw），比同樣要新加坡轉機嘅酷航貴HK$1K左右，但新航係傳統航空公司，呢口價已包埋行李寄艙同飛機餐，加上可以搭A380 + 5星級影音娛樂 + 免費中停新加坡，性價比贏酷航（除非您係堅背包客，唔駛行李寄艙 + 唔介意冇嘢食，又或者係去Working Holiday）！只可惜機票有效期得14日，想留1個月就要加HK$630。唔介意涼涼地去澳洲，呢隻盤絕對諗得過！最後出票日期為31/1。

網址：www.singaporeair.com

（覺得抵請記得按Like同Share俾朋友）

維珍航空又有優惠機票，航點眾多，早入貨，早享受！

飛英國（倫敦／愛丁堡／曼徹斯特／鴨巴甸）來回淨機票HK$4,880起，連稅HK$8,457起，14/12/2013前出飛。賣點係出發日期去到18/06/2014都得（01/01/2014 – 12/01/2014不適用），兼長達2個月機票有效期。

飛澳洲（悉尼／阿德萊德／布里斯本／坎培拉／黃金海岸／墨爾本）來回淨機票HK$3,300起，連稅計HK$6,119起，出發日期由11/02/2014 – 03/07/2014；04/08/2014 – 31/10/2014，20/12/2013前出飛，Check過系統，供應量充足，農曆新年後想返澳洲探親者要入手。

筆直高一啲，不如歎下特級經濟客位（Premium Economy）。

飛以上英倫四城淨機票都係HK$11,880起，連稅HK$16,502起，14/12/2013前出飛，出發日期由依家至31/12/2013；13/01/2014 – 18/06/2014。

飛以上澳洲六城淨機票都只係HK$9,380起，連稅HK$12,199起，出發日期由依家至02/07/2014；22/07/2014- 31/10/2014。

賣點：機票有效期長達1年！咁就值錢喇（移民客，留學生最Like）！Check過系統，無論飛英國或澳洲，農曆新年期間出發都仲有！要快手喇！

最後出票日期如下：
飛英國經濟客位及特級經濟客位：14/12/2013
飛澳洲經濟客位：20/12/2013
飛澳洲特級經濟客位：14/2/2014

燃油附加費及稅項如下：
飛英國經濟客位：HK$3,577起
飛英國特級經濟客位：HK$4,622起
飛澳洲經濟／特級經濟客位：HK$2,819起

網址：www.virginatlantic.com.hk

（覺得抵請記得按Like同Share俾朋友）

新加坡廉航酷航（Scoot）每逢週二早上7:00 – 9:00都會推出限時劈，今期有啲睇頭，所以特別同大家報一報：新加坡飛珀斯／黃金海岸／悉尼單程淨機票SGD9.99起（約HK$62），連稅計，珀斯SGD62.76起（HK$389），黃金海岸SGD61.15起（約HK$379），悉尼SGD76.67起（約HK$475），出發日期為27/11 – 31/12（聖誕期間不適用），回程就冇減。假設回程價錢冇變，新加坡來回珀斯SGD290.22起（約HK$1,799），黃金海岸SGD392.24起（約HK$2,432），悉尼SGD406.95起（約HK$2,523）。Check過系統，回程平機票主要集中喺12月初，中至後期就冇喇！所以聽早要小心行事，咪以為去程有平就盲目搶：航空公司都好識計數的。至於香港<->新加坡，來回連稅約HK$1K-1.4K，兩者加埋都唔駛四千，係幾抵嘅～以上價錢不包行李寄艙及飛機餐，有興趣就聽日（26/11）早上7:00上酷航官網搶喇！

網址：www.flyscoot.com

（覺得抵請記得按Like同Share俾朋友）

早在11月頭，我哋曾經報過國泰有一隻澳洲早餐盤優惠，當時優惠限期至15/11，依家佢宣佈Encore至20/12，咁又再睇下啦！直航悉尼／墨爾本／布里斯班／珀斯／開恩茲／阿得萊德來回淨機票HK$3,570起，連稅計，悉尼HK$6,334起，墨爾本HK$6,223起，布里斯班HK$6,342起，珀斯HK$6,225起，開恩茲HK$6,312起，阿得萊德HK$6,253起，可以Open Jaw（即不同城市往返），出發日期為11/02/2014 – 16/04/2014；22/04/2014 – 03/07/2014；04/08/2014 – 31/10/2014，機票有效期1個月。Check過系統，雖云2月已開始，但實情3月打後先有呢個價，不過當時已經係澳洲秋天，話唔定到時每個禮拜都有fanfares價呢！不過根據往績，布里斯班／開恩茲／阿德萊德就算淡季都好少出現fanfares中，所以有需要者仍可入手唔好等。ZUJI比國泰官網較易搵出呢批平機票，上ZUJI買吧！

網址：www.zuji.com.hk

（覺得抵請記得按Like同Share俾朋友）

AirAsia短途線成日有平機票，咁長途線呢？Check過系統，原來AirAsia香港飛澳洲都非常之平，尤其係明年2月農曆新年後，無論飛珀斯／墨爾本／悉尼／黃金海岸／阿德萊德來回連稅統統HK$3K左右（全部須於吉隆坡轉AirAsia X）！係來。回。連。稅呀（不過唔包行李寄艙及飛機餐）！例如珀斯HK$3,222起（來回連稅，下同），墨爾本HK$3,592起，悉尼HK$3,723起，黃金海岸HK$3,449起，阿德萊德約HK$3,107起（呢條航線AirAsia需要您拆開香港<->吉隆坡及吉隆坡<->阿德萊德兩個來回買，前者來回連稅約HK$1K，後者來回連稅HK2,107起），呢口價搭傳統航空公司，連淨機票價都唔夠俾。由於AirAsia係廉航，既不受機票有效期限制，又可以齋買單程，絕對係一眾Working Holiday／移民客／留學生恩物！

網址：www.airasia.com

（覺得抵請記得按Like同Share俾朋友）

澳洲平機票一般離不開大城市如墨爾本／悉尼，想平平哋直飛二線城市？今次澳航有好介紹：直航布里斯本來回淨機票劈到HK$2,920起，連稅HK$5,701起，比平時平足二千幾，出發日期由21/10 – 30/11，機票有效期長達1個月，玩完布里斯本，您仲有大把時間搭廉航轉飛其他城市玩餐飽。澳洲天氣剛開始回暖，11月布里斯本氣溫一般介乎18-28度，幾舒服架！官網同ZUJI同價，自己揀～最後出票日期為11/10。

網址：www.zuji.com.hk

（覺得抵請記得按Like同Share俾朋友）

自酷航正式宣佈來港，飛澳洲東岸可以非常抵，就好似佢呢隻限時劈：新加坡飛悉尼單程淨機票SGD$188起（HK$1,167），來回連稅SGD$405.47起（HK$2,518）。由於酷航香港<->新加坡做緊超低價來回連稅HK$763，兩個來回加埋連稅只需HK$3,281起（不包行李寄艙及飛機餐，行李寄艙費：香港/新加坡寄15kg每程HK$90；新加坡/悉尼寄15kg每程HK$210）。有幾抵？簡單講：依家直航飛悉尼，燃油附加費都要HK$2.7K左右，換言之呢張來回機票淨票價只需HK$508左右，一聽就知要訂啦！出發日期由15/11/2013 – 31/03/2013。Check過系統，除聖誕及農曆新年外，其他日子供應量足。須知道呢段日子係澳洲夏天！對於Working Holiday朋友仲正：只需買單程就得，千零蚊搞掂去到澳洲，唔駛買定回程，返香港先再買，夠晒自由！

溫馨提示：1. 由於酷航暫時未有轉機服務，行李不能直掛到悉尼／香港，乘客須於新加坡先提取行李入境，然後再去離境大堂Check-in；2. 須留意轉機時間較長，香港往悉尼須於新加坡停留大半日；3. 最後出票日期為9/10。

網址：www.flyscoot.com

（覺得抵請記得按Like同Share俾朋友）

直航長途平飛，又有兩單，都係維珍嚟！首先係飛倫敦，直航來回淨機票HK$4,340起，連稅HK$7,784起，同對手英航相若，但整體質素就正幾條街，機票有效期60日，出發日期由6/10 – 31/12；13/1 – 31/3，去到明年首季都得，而且聖誕新年亦冇限制睇供應，適合移民客探親之用。除咗倫敦，搭維珍小紅線接駁去鴨巴甸／愛丁堡／曼徹斯特都有平，連稅HK$8,453起，最後出票日期為16/9。

另一戰線係悉尼，直航來回淨機票HK$3,460起，連稅HK$6,166起，出發日期由3/9 – 19/9；14/10 – 18/12；5/1 – 22/1；4/2 – 30/6，嘩！踏正晒澳洲夏天旅遊旺季，呢個價仲唔發達？機票有效期更長達1年，比對手澳航嘅1個月長得多，唔駛諗，即入！最後出票日期為13/9（下週五）。

想豪啲？坐特級經濟客位（Premium Economy）飛倫敦一樣有So：來回淨機票HK$10,840起，連稅HK$15,291起，同商務一樣可優先提取寄艙行李，出發日期為1/10 – 10/12；25/12 – 31/12；19/1 – 31/3；至於非凡商務客位（Upper Class），飛倫敦來回淨機票HK$33,340起，連稅HK$37,791起，慳咗足足八千幾；飛悉尼淨機票就HK$22,990起，連稅HK$25,696起，亦比以往平咗五千幾，有筆直人士可以考慮下。

溫馨提示： 以上所有淨機票票價唔包括須預先繳付嘅稅款及燃油附加費，每張機票嘅稅款及燃料附加費為HK$3,444起（飛倫敦經濟客位）／HK$4,113起（飛英國經濟客位）或HK$2,706起（飛悉尼所有客艙），實際款項或會因匯率及燃料附加費嘅更改而有所變動，資料僅作參考之用。

網址：http://www.virgin-atlantic.com/zh_tw/hk/specialoffers/index.jsp

（覺得抵請記得按Like同Share俾朋友）