澳洲悉尼一年一度嘅大型活動：悉尼皇家「澳」妙嘉年華，將於今年21/3至3/4復活節舉行！未聽過？簡單啲講：一個比香港嘅嘉年華大好多倍嘅盛事（有三四十個足球場咁大架）！除咗大量機動遊戲，呢項盛事嘅精要之處，係會有好多動物同大家Happy！大人細路仔都啱，加上有嘢食、有嘢買、有大量精采表演，可以玩足成日。最正嘅係，依家只要購買維珍飛悉尼嘅產品，包括：

1. 維珍航空來回悉尼機票〔HK$4,090起未連稅〕或

2. 「精選套票」4日2夜自遊行 〔HK$4,699起未連稅〕或

（以上1及2產品嘅出發日期只限18/3至2/4）

3. 澳洲悉尼皇家「澳」妙嘉年華5天團〔HK$ 6,999起未連稅〕

（出發日期只限23/3至1/4）

您就可以免費換領悉尼皇家「澳」妙嘉年華入場券（價值AUD37.5，折合HK$300左右）。咦？三月尾四月頭咪係香港復活節假期？？？咁一於趁大節日飛去趁熱鬧喇！（請留意：如欲購買「精選套票」4日2夜自遊行，可致電維珍假期2870 8733，或可瀏覽維珍網站：http://www.virgin-atlantic.com/zh_tw/hk/specialoffers/royaleastershow.jsp　查詢購買機票／套票／旅行團嘅詳情。溫馨提示：必須透過各大旅行社購買先可獲得免費入場券）

唔講唔知，悉尼皇家「澳」妙嘉年華已經有 188 年歷史，以前係俾農民趁收割後大家出嚟聚一聚，之後愈來愈受民眾歡迎，不斷加入更多玩樂元素。今時今日，已成為南半球每年最大型嘅嘉年華，每年都會吸引超過九十萬人次入場。咁究竟悉尼皇家「澳」妙嘉年華有乜嘢玩呢？包括：

• 大隻猛男伐木技巧表演（女士們請尖叫）！
• 得獎澳洲家畜大哂冷：超過一萬四千隻農場動物牛、綿羊、馬、豬、山羊、狗、羊駝，以及其他澳洲本土動物齊齊登場，大鬧嘉年華
• 農莊動物育兒室：初生小動物等著您來呵護餵飼
• 極限娛樂體驗：刺激、驚險嘅電單車飛人同埋汽車特技表演
• 澳洲大型機動遊戲和遊藝活動，一家大細最Happy
• 三百多款場內限定嘅奇趣包：類似日本福袋，內含多種玩具、商品、糖果同零食等商品，總之俾您無窮驚喜！
• 晚上炫目璀璨嘅煙花匯演
• 享用澳洲地道美食、海鮮，同埋品嚐頂級紅酒

想知嘉年華詳情，可以去官網睇睇：www.eastershow.com.au

（記得按下面「讚好」Share俾Facebook朋友）

維珍見英航本週推出倫敦淡季機票，一係唔還手，一出手就打孖劈！飛倫敦2人同行每位只需HK$3,380起，機票有效期60日，以直航嚟講呢個價絕對係超低位！如果1人成行就俾多$600，HK$3,980同英航同價，咁梗係揀服務一流嘅維珍啦！出發日期去到明年31/3；至於悉尼，2人同行每位一樣HK$3,380起，1人飛就HK$3,980起，出發日期去到明年30/6（部份日子不適用），基本上包含晒今年悉尼全個夏天旺季及秋天淡季，加上係1年有效期機票，呢個價堅抵！請留意：維珍呢次2人同行優惠必須致電維珍香港訂票部（電話：2532 6060）或各大旅行社出飛，網上只提供1人飛價錢，咪買錯呀！

留意位：

1. 最後出票日期：30/11/2012

2. 倫敦出發日期：即日起至31/3/2013

3. 悉尼出發日期：即日至20/12/2012、24/12/2012 – 5/2/2013、14/2/2013 – 27/3/2013、1/4/2013 – 30/6/2013

4. 飛倫敦連稅價：2人同行每位HK$7,129起，1人成行HK$7,769起（稅價會因匯率改變而變動）

5. 飛悉尼連稅價：2人同行每位HK$6,552起，1人成行HK$7,152起（稅價會因匯率改變而變動）

維珍飛倫敦優惠：http://www.virgin-atlantic.com/zh_tw/hk/specialoffers/londonspecialoffer1.jsp

維珍飛悉尼優惠：http://www.virgin-atlantic.com/zh_tw/hk/specialoffers/aussiesale.jsp

（記得按下面「讚好」Share俾Facebook朋友）

自國泰推出倫敦11-12月2人同行優惠後，維珍依家先出手還拖，價錢同國泰差唔多：每位HK$4,250，連稅HK$7,767，出發日期同國泰又一樣（1/11 – 5/12；23/12 – 31/12），機票有效期2-60日，揀邊間，真係睇自己心水，如果你成日搭國泰，今次可試下維珍吖！不過又咁睇：11月仲係呢個價，冬天喎！斷估唔會有人為咗呢個價專登去倫敦卦？

網址：www.virgin-atlantic.com

（記得按下面「讚好」Share俾Facebook朋友）

又輪到澳洲。之前講過國泰推出澳洲平機票，飛墨爾本／悉尼HK$4,550，作為對手嘅維珍，點會放過你？於是佢駛出兩大絕招：1. 票價更低（HK$4,290，未連稅，下同），2. 有效期更長（國泰 1個月 vs 維珍 1年），呢招真係絕殺呀！因為一來有唔少學生哥需要1年期機票方便留學，二來澳洲都有唔少移民需要香港<->澳洲定期往返，1個月點夠用？至於城市方面，除咗墨爾本同悉尼，維珍仲有阿得萊德、布利斯班、坎培拉、黃金海岸，統統一樣HK$4,290，依家訂飛仲會送你一張「維珍航空悉尼抵玩通行証」添！年尾想去澳洲歎夏天？維珍So Good！

留意位：

1. 最後出票日期：31/7/2012

2. 出發日期：1/8/2012 – 20/12/2012、24/12/2012 – 5/2/2013、14/2/2013 – 23/3/2013

3. 機票有效期：1年

4. 旅客如需停留悉尼，每位旅客每次停留需繳付HK$500附加費

網址：www.virgin-atlantic.com

（記得按下面「讚好」Share俾Facebook朋友）

維珍繼悉尼後，再推埋倫敦2人同行筍盤，價錢就冇以前劈到二千幾咁抵鳥（可能唔係冬天啦），價錢每人HK$3,920（官網廣告話HK$3,880，實情System會Show HK$3,920），連稅就HK$7,734，仲有里數儲！比轉機嘅卡塔爾航空只係貴幾舊，以直航嚟講依然吸引（轉機我寧願搭國航飛格域，慳二千幾架）。雖然出發日期為1/5 – 17/6；1/10 – 30/11，但未必日日有呢口價，搵唔搵到，睇你彩數。五／六月同十月英國天氣都仲有十幾度，唔會熱辣辣，都幾舒服。如果有足夠長假期，不妨睇埋倫敦奧運吖！話晒張飛有效期長達60日。

網址：www.virgin-atlantic.com

（記得按下面「讚好」Share俾Facebook朋友）

依家香港已由冬入春，南半球嘅澳洲呢？就倒番入秋鳥！步入淡季，機票梗有得平，就好似維珍有一隻2人同行飛悉尼，每人只需HK$3,420，連埋稅就HK$6,599，咁梗係冇東航劈到連稅三千幾咁筍啦！不過以直航嚟計，都屬筍盤類別。本來個價冇乜特別（一般淡季都咁上下），奇就奇在……官網冇大肆宣傳（但官網有得訂囉）！而且呢隻Fare除咗7月中至尾冇外，去到11月尾優惠期限之前仲有大把你揀。由依家到年底前買悉尼來回機票，維珍仲送你一張悉尼抵玩通行證（Access Sydney Pass），可以喺悉尼同新南威爾斯省超過50個景點、餐廳、酒莊及酒店享受獨家折扣及優惠，雙重著數啦！

網址：www.virgin-atlantic.com

（記得按下面「讚好」Share俾Facebook朋友）

我接受唔到囉！星期六我哋已經提水，話倫敦平機票2人同行分分鐘有超平優惠，今日就正式同大家講：有呀！維珍航空為慶祝香港倫敦航線18週年，推出直航來回HK$1,880（未連稅，下同）超超超超級筍優惠（連稅都只係HK$5,625，問你死未），出發日期由1/2到31/3；另一單連帶優惠係去歐洲經倫敦轉飛，一人成行都只係HK$3,380起。雖然呢段日子歐洲天氣仲係凍凍凍凍凍，但直航做到呢口價，仲唔興奮到熱喇喇咩？仲平過羅宋湯航空呀陰公～～～不過提一提嘅係，二人同行HK$1,880似乎喺官網冇得賣，要打去訂票熱線2532 6060先得。想網上訂嘅，返去Zuji啦！每張只係貴HK$40，想方便嘅，豪俾佢又點話！

網址：www.virgin-atlantic.com

（記得按下面「讚好」Share俾Facebook朋友）

直航倫敦，跌破HK$3,000大關！沙士後極少見到，依家又有喇！維珍航空推出Last Minute超平筍盤，喺27/11 – 12/12或24/12 – 29/12出發嘅，只要你下星期一28/11前訂購，只需HK$2,800（連稅就HK$6,282），以直航機+維珍一流服務，平霸啦呢獲！多謝老細Richard Branson再次益街坊！機票效期更去到60日。Check過系統，最靚日子已經被人勁搶，其他仲有嘅，你仲唔拿拿聲搶埋一份？

網址：www.virgin-atlantic.com

（記得按下面「讚好」Share俾Facebook朋友）