所謂「食過翻尋味」，連維珍航空都深明此道，今日又將7月尾曾經推出過嘅直航悉尼超平機票大翻劈：出發日期為7/8 – 16/9（早過上次嘅24/9），來回淨機票HK$1,890起，連稅HK$4,548起，同上次一樣。點解我哋話超抵？一來機票有效期長達1個月，對手澳航只係14天，就算國泰今期有悉尼HK$1,990 fanfares，都只係指定日子來回，得幾日貨仔點夠喉呢？二來呢隻Fares有里數儲（約9.190里），除咗可以儲入維珍飛行會外，更鮮為人知係：可以儲入達美航空會藉（里數以100%計算）！咁就值錢喇！須知道達美係SkyTeam天合聯盟成員之一，SkyTeam網絡覆蓋非常廣泛，呢9,190里足以俾您免費換短途國內線（如中國／韓國／美國／歐洲短途等）單程甚至來回！抵上加抵！上次錯過咗，今日再搶過！最後出票日期為12/8。

（溫馨提示： 以上經濟客位HK$1,890起票價唔包括須預先繳付嘅稅款及燃油附加費，每張機票嘅稅款及燃料附加費為HK$2,658起，實際款項或會因匯率及燃料附加費嘅更改而有所變動，資料僅作參考之用）

網址：www.virgin-atlantic.com

（覺得抵請記得按Like同Share俾朋友）

暑假飛悉尼，突然又有超平機票！今次出手嘅係維珍航空：由6/8 – 24/9出發，飛悉尼來回淨機票HK$1,880起，連稅HK$4,535起。經我哋細心研究，呢隻劈Fare絕對抵到核爆，皆因有三大賣點：1. 連稅唔駛HK$5K已經可以直飛悉尼；2. 機票有效期長達1個月（fanfares飛最長只係14日），適合移民探親客，或者想舒舒服服玩耐啲嘅朋友；3. 特惠機票都可以儲100%維珍航空飛行會里數（來回一共9,190里），仲唔極品So？趁依家冇乜人知，快手搶快手通知朋友喇（溫馨提示： 以上HK$1,880起嘅票價唔包括須預先繳付嘅稅款及燃料附加費）！

網址：www.virgin-atlantic.com

（覺得抵請記得按Like同Share俾朋友）

炎炎夏日，有免費雪糕食，Like呀！@@

多謝網友To Wai Siu報料，維珍航空將於今個週末（6/7及7/7）喺銅鑼灣同旺角派免費軟雪糕，想食就記得去排隊，數量有限，先排先有。

出沒時間及地點：

​6/7（週六） 2pm – 5pm 銅鑼灣總統戲院

7/7（週日） 2pm – 5pm 旺角朗豪坊

到時會唔會有維珍靚空姐Serve架？q^.^p

（覺得正請記得按Like同Share俾朋友）

咁似電視劇<Heroes>第X季？維珍航空繼老細扮空姐後，又一震撼巨獻！830,000+人睇過，即睇！q^.^p

[youtube=http://www.youtube.com/watch?v=WptXNmxtE88]

維珍航空呢條新廣告片，有別於傳統航空公司打溫情牌，而係大製作，拍到好似電影咁好睇，點解咁盞鬼？

維珍今次嘅Slogan係：遨遊天際，飛躍不凡（Flying in the face of ordinary，簡稱fitfoo），廣告內嘅員工都好鬼超卓「飛」凡，雖然佢哋未去到有超能力呢個Level，但都係真人真事。小弟搭過幾次維珍，遇上空姐甚至機師，言談間總會Feel到佢個人風格，唔似其他大航空公司咁，訓練到個個一式一樣咁呆板，唔知您又點睇呢？

講到尾，老闆Richard Branson爵士最想請一班同佢一樣自細已經有Heart有Passion嘅後生仔一齊打崗山（咦？fitfoo倒轉音讀就係”foofit”，咁啱同廣東話「符弗」同音，哈哈！員工咁多「符弗」，貼題喎），特別係維珍最新嘅英國國內短途線（包括倫敦飛曼徹斯特、鴨巴甸及愛丁堡），新航線新仔女，唔知Richard又會唔會癲埋一份再扮空姐呢？^^

（覺得鍾意請記得按Like同Share俾朋友）

仲記得今年初，小弟趁農曆新年飛去澳洲避年，早喺上年12月已經入手澳航機票。由於必須搭正農曆新年假期飛（早同遲啲都唔得），結果張機票連稅高達HK$11K！之後仲貴到上HK$13K以上！有見及此，小弟依家特別同大家提早搵一搵，結果發現有筍嘢！搭維珍航空直航悉尼，暑假新年期間，來回淨機票HK$5,300，連稅HK$7,934。以價論價，當然唔可以同啲HK$1,990超特價飛比，呢張機票最值錢在於可以揀年三十晚放工先出發（30/1），回程揀9/2（週日）返，前後只需請4日大假就可以併出10日假期，齋去悉尼又好，轉玩其他城市都得！相比起小弟上年嗰張澳航機票足足平HK$4,000！反正農曆新年假期絕對唔會有劈價，有心去嘅，趁仲未有人留意，咪等啦！

網址：www.virgin-atlantic.com

（覺得抵請記得按Like同Share俾朋友）

尋晚先講澳航直飛悉尼／墨爾本同布里斯本下半年機票有劈價，對手維珍立即反擊！仲要同您玩晒冷：無論係直航嘅悉尼，抑或轉機嘅阿德萊德／布里斯本／黃金海岸／坎培拉同墨爾本都同樣劈（到悉尼後轉搭維珍澳洲），價錢亦同澳航一樣：淨機票HK$3,040．連稅計，悉尼HK$5,690，阿德萊德HK$5,960，布里斯本HK$5,946，黃金海岸HK$5,942，坎培拉HK$6,061，墨爾本HK$5,819，出發日期亦同澳航一樣：1/8 – 24/9；8/10 – 8/12，機票有效期1年。由於官網只能售賣悉尼機票，建議去番ZUJI訂，因為6個地點都有齊晒，價錢亦一樣．當中以黃金海岸同悉尼最有睇頭：前者少有平盤，後者如果同澳航同價，梗係試下維珍，質素相信比澳航高一啲。

網址：www.zuji.com.hk

（覺得抵請記得按Like同Share俾朋友）

國泰劈，澳航劈，同樣有直航飛悉尼嘅維珍，點會唔劈？淨機票一樣HK$1,990，連稅HK$4,784。出發日期為27/5 – 3/6，機票有效期為14日，官網冇得賣，去真旅網啦！Check過系統，供應量唔錯！其實12/6（週三）係瑞午節，最抵嘅方法係31/5（週五）放工出發（香港去程VS200 19:20/06:35+1），去到12/6先返香港（悉尼返程VS201 14:25/21:55），前後請7日假（假設您返5日工），就可以玩足12日，都抵請假，兼且接近用盡機票有效期呢？最後出票日期為27/5。

網址：www.travelzen.com

（覺得抵請記得按Like同Share俾朋友）

尋晚先報完澳航追住國泰fanfares打，突然推出悉尼同布里斯本Last Minute機票HK$1,990（淨機票），都已經估計維珍會加入戰團，果然不出所料（急到連官網都冇提，您去Search日子就有）！不過只係劈悉尼，機票有效期一樣14日，價錢亦一樣HK$1,990，連稅HK$4,797，比起國泰同澳航，維珍仲有一大賣點：出發日期唔駛等到13/5，今日買即刻飛都係HK$1,990！而最後出發日期更延長到6/6！嘩！真係一山還有一山高！咁劈法，小弟估計國泰可能呢一兩日要立即變陣，將非fanfares價一律跟劈到HK$1,990（咁前幾日買咗悉尼／布里斯本fanfares機票班朋友咪……），否則點鬥？總之一眾花生友，呢幾日好戲連場呀～

網址：www.virgin-atlantic.com

（記得按下面「讚好」Share俾Facebook朋友）