中東三寶靜咗一排，梗係喇，風頭俾「港歐X」搶晒喇！不過卡塔爾航空都推出新優惠：香港經多哈來回歐洲HK$1,650起（連稅HK$3,756）起。以赫爾辛基做到三千七真係好抵，9月至3月更為極光旺季，去睇北極光絕對抵，其他城市例如馬德里、薩格納布、維也納、巴黎、法蘭克福等航點就四千五樓下，以價論價確係唔錯！而且可Openjaw（不同城市往返），例如法蘭克福入、赫爾辛基走連稅HK$3,816起。商務艙都有特價，來回斯德哥爾摩連稅HK$15,741起，以商務艙平時要2萬幾蚊，依家萬五呢個水位唔錯㗎，卡航仲榮獲Skytrax 2016全球最佳商務艙航空公司，值得一試喇！另外經官網訂依家有得儲2倍Qmiles，唔係多，叫做好過冇吧！

優惠航點包括：（經濟艙來回連稅計）
赫爾辛基HK$3,756起、馬德里HK$4,127起、斯德哥爾摩HK$4,149起、蘇黎世HK$4,203起、薩格納布HK$4,223起、維也納HK$4,348起、巴黎HK$4,354起、柏林HK$4,421起、哥本哈根HK$4,443起、法蘭克福HK$4,470起、米蘭HK$4,552起、威尼斯HK$4,613起、阿姆斯特丹HK$4,654起、羅馬HK$4,656起、奧斯陸HK$4,801起、倫敦HK$5,065起、伯明翰HK$5,235起、曼徹斯特HK$5,356起。

【出發日期】10月1日至12月10日
【機票有效期】1個月
【最後出票日期】7月19日或售完即止

【訂購網址】www.qatarairways.com/hk
【又飛啦製作搭乘報告】（波音787-8夢幻客機之旅，經濟艙）http://flyagain.la/h8rc

（覺得抵可用Whatsapp同LINE Share俾朋友架）

追極光必買！卡塔爾航空來回歐洲連稅$3,756起，坐787客機，12月10日前出發

最近啲歐洲機票咁平，大家仲會唔會俾多啲錢坐直航呢？不過如果同家人一齊去旅行，或者筆直足夠，俾多少少坐直航都啱嘅！國泰推出歐洲直航優惠，香港出發來回英國倫敦/曼徹斯特只需HK$4,575起，連稅計：倫敦HK$5,898起、曼徹斯特HK$6,178起。當然唔可以同啲2千幾蚊飛歐洲比，但以國泰都做到呢口價都算抵買。

飛其他歐洲城市方面，直飛阿姆斯特丹連稅HK$5,800起、馬德里HK$5,823起、米蘭HK$5,858起、蘇黎世HK$5,880起、羅馬HK$5,961起、巴黎HK$6,049起、杜塞爾多夫HK$6,159起、法蘭克福HK$6,314起。以連稅價低過六千嘅航點都值得考慮，而且聖誕節出發都有平，可揀12月25日去、1月1日或之後返，農曆新年去最遲1月25日去、1月31日返，以旺季出發真係早啲買喇，而且可以Openjaw不同城市往返。

如想訂Openjaw，可用「多個目的地」搜尋，舉例去程飛倫敦，回程由阿姆斯特丹返港，連稅HK$5,553起。仲有一個好消息：飛倫敦仲可揀Gatwick（格域機場），呢個機場比Hearthow（希斯洛機場）更近市區，一落機慳番啲時間即玩喇。另外賺取里數方面，飛英國嘅Class code係O，冇里數儲，飛其他歐洲地方係N Class，儲Asia Miles或Avios都有25%，算係好過冇。官網賣貴幾百蚊，大家可到Hutchgo出票。

【出發日期】（英國）2017年2月6日至3月31日、（其他城市）9月17日至12月8日、12月25日至12月31日、2017年1月15日至1月25日、2月6日至3月31日
【機票有效期】2個月
【最後訂票日期】8月31日或售完即止

【訂購網址】www.hutchgo.com.hk
【預訂教學】http://flyagain.la/33982

（覺得抵可用Whatsapp同LINE Share俾朋友架）

聖誕/農曆旺季出發！國泰直航來回歐洲$4,575起，可Openjaw，2017年3月31日前出發

近排又多返粉絲詢問歐洲返港嘅倒頭機票，特別係想農曆新年期間返嚟喎！今次介紹番英國航空呢隻歐洲飛香港優惠：從歐洲各地經倫敦飛香港，回程直飛倫敦，只需HK$1,360起，連稅計：巴塞隆拿出發HK$3,654起、馬德里HK$3,703起、日內瓦HK$3,742起、雷克雅維克HK$3,735起、哥登堡HK$3,780起、斯德哥爾摩HK$3,896起、奧斯陸HK$3,917起、巴黎HK$3,922起、哥本哈根HK$4,000起、布魯塞爾HK$4,068起、都柏林HK$4,204起、威尼斯HK$4,234起、米蘭HK$4,256起、法蘭克福HK$4,287起、羅馬HK$4,311起等，航點眾多，未能盡錄，可上Expedia香港自由組合，返歐洲唔一定要飛倫敦，只不過飛倫敦會較易組合到平價。

另外呢張飛仲有一大賣點，就係農曆年出發都有，價錢只係貴幾百蚊，舉例2017年1月26日（年廿九）出發，2月1日（初五）後返，又係時候番香港探朋友喇。

港澳粉絲其實都用到呢張飛，可用飛行里數換一套來回香港至歐洲機票，用嚟前後包抄呢套飛（因為有效期一般係1年）。無里數喺手？唯有向俄航或其他二三線航空公司入手，因為間唔中都推出長有效期（例如1年）的歐洲平機票，咁就可以平價入手2套歐洲機票喇。

【出發日期】9月1日起至12月14日、2017年1月5日至3月28日
【機票有效期】12個月
【最後訂票日期】6月30日或賣完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

返港拜年逗利是！英國航空歐洲飛香港，回程直飛倫敦，連稅$3,654起，2017年3月31日前出發

阿提哈德航空暗出一個12月前出發嘅優惠，本身價錢就唔吸引，但只要配合埋8折優惠Code，香港經阿布扎比來回歐洲連稅只需HK$3,583起，介紹埋另一個超平玩法，就係從香港出發飛意大利城市（米蘭/威尼斯/羅馬），回程唔飛香港而轉飛曼谷，連稅更低至HK$2,487起，比回程返香港平千幾蚊，超超超超抵！

先研究香港出發，回程飛曼谷呢個組合，舉例11月14日出發、11月21日回程，來回連稅組合舉例如下（以折扣後計算）：
1. 香港->羅馬 // 威尼斯->曼谷 HK$2,487起
2. 香港->羅馬 // 米蘭->曼谷 HK$2,567起
3. 香港->米蘭 // 米蘭->曼谷 HK$2,677起
4. 香港->羅馬 // 羅馬->曼谷 HK$2,692起
5. 香港->威尼斯 // 威尼斯->曼谷 HK$2,737起
6. 香港->威尼斯 // 米蘭->曼谷 HK$2,807起

不過呢個玩法只限以上三個意大利城市作目的地，其他歐洲航點就唔平。大家可以上到官網用Multi-city booking方法發掘心水城市組合（記得Search前入Code）。

如果大家就咁想香港來回歐洲，用折扣Code後都叫有得平，連稅計：蘇黎世HK$3,583起、馬德里HK$3,714起、巴黎HK$3,833起、法蘭克福HK$3,994起、柏林HK$4,002起、慕尼黑HK$4,013起、羅馬HK$4,044起、米蘭HK$4,169起、威尼斯/維也納HK$4,299起、日內瓦HK$4,534起、曼徹斯特HK$4,641起、倫敦HK$4,715起，亦可以Open Jaw，例如倫敦入蘇黎世走，連稅HK$3,643起。有興趣可到官網出票，記得Search前入Code，見到有星號即係有用到折扣Code。

【折扣代碼】HOLIDAY20
【出發日期】9月11日至9月22日、10月2日至12月15日（回程不適用於9月30日至10月6日）
【機票有效期】3個月
【最後訂票日期】6月29日或售完即止

【訂購網址】www.etihad.com
【預訂教學】http://flyagain.la/35306
【又飛啦製作搭乘報告】http://flyagain.la/ey-flight-report

（覺得抵可用Whatsapp同LINE Share俾朋友架）

抵呀！阿提哈德航空香港來回歐洲連稅$3,583起，回程轉飛曼谷$2,487起，12月15日前出發

二千幾蚊歐洲盤又嚟喇！呢張飛仲可以俾您歐洲之旅前先玩東京，歐日同遊，因為係由日本出發。感謝有粉絲報料，阿提哈德航空有個特定的折扣碼，機票可享大約8折優惠，小小編搵過香港出發嘅機票就冇乜特別筍貨。但改由東京出發，經阿布扎比飛歐洲，回程飛香港，連稅只需HK$2,741起，價錢真係超超超吸引呀！

歐洲目的地選擇極多，可選倫敦、曼徹斯特、阿姆斯特丹、馬德里、伊斯坦堡、都柏林、法蘭克福、慕尼黑等，回程揀米蘭、羅馬或威尼斯先有最平價，最正係連橫跨農曆新年都搵到此價，舉例2017年1月26日（年廿九）由東京出發，2月2日（初六）返香港，連稅價錢舉例如下：（官網顯示日圓價格，以下價錢將日圓換算港元後計算）

東京->阿姆斯特丹 // 威尼斯->香港 約HK$2,741起
東京->米蘭 // 威尼斯->香港 約HK$2,741起
東京->伊斯坦堡 // 威尼斯->香港 約HK$2,741起
東京->倫敦 // 威尼斯->香港 約HK$2,741起
東京->倫敦 // 米蘭->香港 約HK$2,867起
東京->布魯塞爾 // 米蘭->香港 約HK$2,867起
東京->曼徹斯特 // 米蘭->香港 HK$2,867起
東京->巴黎 // 羅馬->香港 HK$2,936起
東京->羅馬 // 威尼斯->香港 HK$2,941起
東京->阿姆斯特丹 // 阿姆斯特丹->香港 約HK$3,214起

以上組合只屬建議，大家不妨花時間於官網用Multi-city booking方法發掘心水城市組合（記得Search前入Code）。以旺季都有呢口價真係幾抵，不過暑假就唔見有喇。呢個玩法只需另購香港去東京的單程廉航機票（如HK Express、Jetstar、香草航空），總計大約都係三千幾蚊起，即可先玩日本，再玩歐洲！真係要把握呢次機會呀！

【折扣代碼】HOLIDAY20
【出發日期】9月中起至2017年3月31日（暑假及旺季除外）
【機票有效期】1個月
【最後訂票日期】售完即止

【訂購網址】www.etihad.com
【預訂教學】http://flyagain.la/35306
【又飛啦製作搭乘報告】http://flyagain.la/ey-flight-report

（覺得抵可用Whatsapp同LINE Share俾朋友架）

巨抵！歐日同遊！阿提哈德東京飛歐洲，回程飛香港連稅$2,741起，農曆年都有，2017年3月31日前出發

去Working Holiday、工幹或留學等，都可能需要想搵單程票飛歐洲，俄航就幫到手：香港單程直飛俄羅斯莫斯科HK$2,025（連稅HK$2,145）起，轉飛歐洲其他城市HK$2,059（連稅HK$2,548）起，歐洲航點選擇極多，包括：阿姆斯特丹、哥本哈根、斯德哥爾摩、奧斯陸、法蘭克福、維也納、慕尼黑、巴黎、羅馬、威尼斯、米蘭、雅典、倫敦等，以上各市都係做均一價，相當抵買，仲要係聖誕、新年呢啲日子都有呢口價。特別適合可於歐洲居留、持有工作簽證、Working Holiday或外國留學嘅粉絲，啱用即上Ctrip出票。

特別提示：
如非擁有歐居權、持有工作簽證、持學生簽證、工作假期簽證之人士，辦理登機手續或入境歐洲時有可能被要求提供離開歐洲的後續機票或回程機票，否則有權被拒上機或入境。如閣下未有回程日子，建議可購買一張可全額退款的單程返港機票（視乎不同航空公司會收取退票手續費），再自行安排向航空公司申請退票。

【出發日期】11月2日至1月4日、1月16日至2月28日
【機票有效期】165日
【最後出票日期】賣完即止

【訂購網址】www.ctrip.com.hk
【預訂教學】http://flyagain.la/34618

（覺得抵可用Whatsapp同LINE Share俾朋友架）

罕見單程飛！俄羅斯航空香港直航莫斯科單程連稅$2,145起，轉飛歐洲$2,548起，2017年2月28日前出發

之前介紹過卡塔爾航空嘅歐洲優惠，得返3日就完，要買就快，原來2人或以上同行會再平啲，淨機票每位HK$1,840起，加上橫跨農曆新年都有，適合一家大細去旅行，或者約埋老友出走！以2人或以上同行計，香港經多哈往返歐洲各地，連稅計：伊斯坦堡HK$3,933起、斯德哥爾摩HK$4,064起、奧斯陸HK$4,094起、比薩HK$4,104起、日內瓦HK$4,125起、阿姆斯特丹/哥本哈根HK$4,127起、馬德里HK$4,152、布魯塞爾HK$4,154起、威尼斯HK$4,157起、布達佩斯HK$4,170起、米蘭HK$4,187起、蘇黎世HK$4,210起、羅馬HK$4,292起、雅典HK$4,294起、巴黎HK$4,381起、維也納HK$4,456起、柏林HK$4,470起、慕尼黑HK$4,521起、法蘭克福HK$4,652起、曼徹斯特HK$4,855起、伯明翰HK$4,865起、愛丁堡HK$4,873起、倫敦HK$5,177起；

以上各價都幾筍，而且多幾個人去圍起同1人出發比都慳唔少。好多航點價錢圍起四千五樓下，以價論價實屬唔錯，橫跨農曆新年都有少量供應，都值得考慮入手（舉例2017年1月24日出發、2月5/6日回程），英國城市除咗倫敦外跌穿五千，實屬抵價！而佢商務艙都做緊特價，香港來回伊斯坦堡只需HK$12,050（連稅HK$13,607）起，呢口價相對都好抵，因為係香港出發喎，冇優惠時2萬幾都要㗎，而且香港至多哈段可揀坐787-8夢幻客機，勝在夠新喇，有興趣即到官網訂購，再講多次，最後3天咋！

【出發日期】9月11日至12月17日、12月25日至2017年1月24日、2月1日至3月31日
【機票有效期】1個月
【最後出票日期】6月19日或售完即止

【訂購網址】qatarairways.com/hk
【又飛啦製作搭乘報告】（波音787-8夢幻客機之旅，經濟艙）http://flyagain.la/h8rc

（覺得抵可用Whatsapp同LINE Share俾朋友架）

倒數3天！農曆年有！卡塔爾航空來回歐洲連稅：經濟艙$3,933、商務艙$13,607起，2017年3月31日前出發

近排好多歐洲平盤都係玩「港歐X」，或者由非香港出發，不過阿提哈德航空出咗隻歐洲限時優惠，直接由香港出發，經阿布扎比來回歐洲，一樣做到好平，淨機票由HK$3,000起，連稅計：馬德里HK$3,505起、伊斯坦堡HK$3,535起、米蘭HK$3,539起、慕尼黑HK$3,874起、都柏林HK$3,924起、布魯塞爾HK$4,097起、威尼斯HK$4,099起、蘇黎世HK$4,151起、愛丁堡HK$4,228起、羅馬HK$4,235起、巴黎HK$4,324起、柏林HK$4,413起、曼徹斯特HK$4,800起、倫敦HK$5,124起，各個航點優惠價錢都好吸引，而且可Openjaw不同城市往返。仲有一大賣點，可以橫跨農曆新年都有平，舉例2017年1月24日（年廿七）出發，2月1日（初五）或之後返有尚有供應，旺季出發要買就快喇！有興趣可到官網出票（如果想買伊斯坦堡官網冇平價，可到Expedia香港出票）

【出發日期】8月21日至2017年2月28日
【機票有效期】1個月
【最後出票日期】6月18日或售完即止

【訂購網址】www.etihad.com
【預訂教學】http://flyagain.la/35306
【又飛啦製作搭乘報告】http://flyagain.la/ey-flight-report

（覺得抵可用Whatsapp同LINE Share俾朋友架）

抵呀！限時促銷！阿提哈德航空香港來回歐洲，連稅$3,505起，可跨農曆年，2017年2月28日前出發