都有一段時間冇同大家搵關島平機票，事實上直航只有聯合有機去，逢週一及五均有一班對飛，去程夜機UA180（23:25/06:25），放工出機場兼機上瞓覺，回程UA147（19:25/22:30），尾嗰日都玩足全日，一上機又可以瞓覺，所以一向都幾受歡迎架！自今季暑假後，聯合將之劈HK$1,000：來回HK$4,290起，連稅HK$5,590起，呢個價就算去到明年15/7出發都有！就算賣晒，下一個Class Code亦只係加HK$500，比轉機貴少少而已，但慳好多時間呢！Check過系統，聖誕同年尾都仲有HK$4,290/4,790呢類平價飛，值得考慮！

網址：www.united.com

（記得按下面「讚好」Share俾Facebook朋友）

秋冬想直飛美國，搭聯合啦！6/12前出發，飛三藩市HK$4,850（連稅HK$7,537）起、芝加哥HK$6,250（連稅HK$8,936）起、紐約紐瓦克HK$6,290（連稅HK$8,976），比國泰稍平，特別係東岸，距離都有成二千幾蚊架！而需轉機嘅洛杉磯就HK$4,560（連稅HK$7,246），Check過系統，雖然唔係日日有呢口價，但10月尾11月打後供應仲算充裕，想直航又想平，諗諗佢吖！

網址：www.united.com

（記得按下面「讚好」Share俾Facebook朋友）

直航紐約機票長期高企，劈盤？冇架！跟開「又飛啦！」嘅Fans，都知我哋曾經醒過您一招直飛紐約平方法：就係寧願飛EWR（紐瓦克）機場，都唔好飛JFK（甘迺迪）機場（事實上，依家都冇乜人知），今次又根據呢條方程式，搵到聯合呢隻平飛：由9月起至30/11出發（必須於30/11前回程），淨機票HK$6,330，連稅就HK$8,988，比同期國泰飛JFK平近二千！就算轉機，最平東航連稅HK$6,118，差HK$1,700搭直航喎！尤其係東航去程要29小時，慳咁多時間，乜都抵番晒啦！Check過系統，HK$8,988連稅唔係日日有，9月少，10月多少少，但11月就有唔少供應，不過11月個陣紐約都凍喎！留意啦！

網址：www.united.com

（記得按下面「讚好」Share俾Facebook朋友）

今年秋冬嘅東京早餐盤，暫時只見過日航／港航同埋國泰有，美系兩大勢力：聯合同達美，前者率先跑出，推出下半年（出發日期：24/8 – 31/12）嘅東京平飛，2-7日有效期，淨機票約HK$1,640，連稅就HK$2,482，雖然聯合質素一般，但以呢個價入手同埋早去午返（去程UA78 10:15/15:20，回程UA79 17:25/21:40），算抵買喇！Check過官網，連到大假期嘅唔駛諗（例如中秋國慶及聖誕新年），一般日子就仲有大量供應。佢都抵成咁，唔知稍後出手嘅達美又點劈？一向佢都平過聯合喎！

網址：www.united.com

（記得按下面「讚好」Share俾Facebook朋友）

七月尾想去東京？原來仲有平機票喎！聯合31/7前飛東京，機票HK$1,600，連稅HK$2,514，不過Check過官網已所餘無幾，暫時見到兩個日子出發有位，最佳就係20/7（週五），返港23/7（週一）至27/7（週五）都仲有呢口價，堅抵！另一選擇係24/7（週二）出發，26/7（週四）至 29/7（週日）回程，話晒可以週日返嚟，加上可以睇到28/7喺東京舉行嘅隅田川花火大會（有東京晴空塔做背景！），都係Very Good嘅選擇。之前各東京平機票出發日期只去到15/7，估唔到月尾仲有平貨賣，不過都係嗰句：快啲搶！

訂機票網址：www.united.com

隅田川花火大會詳情：sumidagawa-hanabi.com

（記得按下面「讚好」Share俾Facebook朋友）

暑假呀，去旅行梗係首選陽光與海灘啦！如果假期夠嘅，飛遠少少去關島，暑假嚟講未算貴。聯合每週一及五均有一班直航對飛，時間都幾靚仔：去程夜機UA180（22:35/05:25），放工出機場兼機上瞓覺，回程UA147（18:45/21:45），最後一日都玩得足，呢張機票淨價HK$5,290，連稅HK$6,680，機票有效期5-30日，直飛嚟講，算抵，事關轉機最平坐菲航連稅都要HK$4.4K，但無論機程及質素都有距離，呢二千蚊係值得俾嘅。Check過系統，暑假好多日子都仲有呢口價。關島啲水超清，游水一流，諗起都想飛。

網址：www.united.com

（記得按下面「讚好」Share俾Facebook朋友）

又幫大家搵到暑假平飛喇！今次仲係日本添！搭聯合航空，18/7前飛東京，7日機票，來回只需HK$1,638（連稅HK$2,499）！Check過系統，雖然唔係日日都有呢口價，但供應量暫時都算充足（當然回歸假就冇啦），7月先出發都仲有日子供應，不妨自己上官網慢慢尋寶。聯合時間不嬲靚仔，去程UA78 10:15/15:20，回程UA79 17:25/21:40，早去晚返！

網址：www.united.com

（記得按下面「讚好」Share俾Facebook朋友）

香港天氣開始回暖，但3至4月仲未係陽光與海灘嘅時間呢！關島呢排又有排平機票出，搭聯合航空（以前係美國大陸航空執飛，依家合併咗又由番聯合航空負責）直航去關島，30/4前飛連稅只係HK$5,580咋！扣番稅錢，齋飛收你HK$4,144，直航嚟講抵爆（之前我哋介紹過搭長榮轉機都要HK$3,600）。依家聯合逢週一及週五有直航往返（去程UA180 22:35/05:25，回程UA147 18:45/21:45，時間正到爆），其他日子去關島當然得，轉機囉！不過收費仲貴過直航，俾你都唔劑啦！想去關島結婚或影婚紗相？快啲買飛！

網址：www.united.com

（記得按下面「讚好」Share俾Facebook朋友）