上個禮拜，我哋「又飛啦！」先為大家搵到隻農曆新年飛台中超筍盤，如果想同朋友／家人／Honey趁農曆新年有長啲公眾假期飛遠啲，依家先臨急訂？都得！今次特登為大家索到隻飛歐洲Last Minute筍盤！下週即飛！是咁的：只要搭卡塔爾航空，最遲揀5/2（週二）晚去，12/2（週二，初三）返，只需請週三至五三日假就得，飛一眾歐洲城市都有平飛，例如羅馬HK$5,855（來回連稅，下同），米蘭HK$5,867，巴黎HK$6,221；就算遲多一日先出發，飛巴塞隆拿HK$6,851，倫敦HK$7,060，都仲有靚價，又請少一日假，So爆！與其同人爭超貴短途機票（如日本／泰國），今個農曆新年不妨請多兩三日假，飛番轉歐洲咪仲抵（買番幾個名牌袋都賺返啦）？想知心水歐洲城市農曆新年出發有冇得平，請上卡塔爾航空官網Look Look。

網址：www.qatarairways.com

（記得按下面「讚好」Share俾Facebook朋友）

29/11，我哋「又飛啦！」報過新西蘭航空飛倫敦2人同行每張連稅HK$7,111，依家新西蘭航空又拎番出嚟劈（生意好就唔駛Cut啦～），今次2人同行每張淨機票HK$3,360，連稅HK$6,720，遲買竟然仲平四舊！提提您，新西蘭航空由今年4/3起將取消香港<->倫敦航線，想試佢服務者，最後機會喇！單人飛俾多六舊水，淨機票HK$3,950，連稅HK$7,462，以直航嚟講，屬合理偏平水平。Check過系統，同上次一樣：唔係日日有，新年前出發仲有（最遲5/2）！2月至3月仍有唔少選擇，想搭佢飛倫敦者，今次堅Last Call了！

網址：www.airnewzealand.hk

（記得按下面「讚好」Share俾Facebook朋友）

早前，我哋「又飛啦！」已報導新西蘭航空會由4/3/2013起取消香港<->倫敦航線，又少一間直航選擇了！為告別大家，新西蘭航空推出最後一個倫敦劈價盤：2人同行來回連稅HK$7,111起，1人飛來回連稅HK$7,701起，以直航嚟講屬抵買範圍，出發日期為8/12 – 30/12、15/1 – 28/2。機票有效期？只要您喺3/3號之前搭返香港就得。Check過系統，除咗12月中打後至1月頭冇呢口價，基本上供應量都充足，跨農曆新年都有（當然搭正正日就冇）。唉！以後想搭新西蘭航空，唯有去奧克蘭先得啦～

網址：www.airnewzealand.hk

（記得按下面「讚好」Share俾Facebook朋友）

維珍見英航本週推出倫敦淡季機票，一係唔還手，一出手就打孖劈！飛倫敦2人同行每位只需HK$3,380起，機票有效期60日，以直航嚟講呢個價絕對係超低位！如果1人成行就俾多$600，HK$3,980同英航同價，咁梗係揀服務一流嘅維珍啦！出發日期去到明年31/3；至於悉尼，2人同行每位一樣HK$3,380起，1人飛就HK$3,980起，出發日期去到明年30/6（部份日子不適用），基本上包含晒今年悉尼全個夏天旺季及秋天淡季，加上係1年有效期機票，呢個價堅抵！請留意：維珍呢次2人同行優惠必須致電維珍香港訂票部（電話：2532 6060）或各大旅行社出飛，網上只提供1人飛價錢，咪買錯呀！

留意位：

1. 最後出票日期：30/11/2012

2. 倫敦出發日期：即日起至31/3/2013

3. 悉尼出發日期：即日至20/12/2012、24/12/2012 – 5/2/2013、14/2/2013 – 27/3/2013、1/4/2013 – 30/6/2013

4. 飛倫敦連稅價：2人同行每位HK$7,129起，1人成行HK$7,769起（稅價會因匯率改變而變動）

5. 飛悉尼連稅價：2人同行每位HK$6,552起，1人成行HK$7,152起（稅價會因匯率改變而變動）

維珍飛倫敦優惠：http://www.virgin-atlantic.com/zh_tw/hk/specialoffers/londonspecialoffer1.jsp

維珍飛悉尼優惠：http://www.virgin-atlantic.com/zh_tw/hk/specialoffers/aussiesale.jsp

（記得按下面「讚好」Share俾Facebook朋友）

嘩嘩嘩！嚇死人咩！今日新航同各大旅行社預告咗一個超級震撼優惠：搭新航飛新加坡，來回只需HK$592起！連稅HK$1,380起，仲可以揀A380班次添！呢個價竟然同廉航虎航捷星差唔多，驚嚇度同「哈囉喂」有過之無不及喎！只限聽日（25/9）及後日（26/9）出飛咋！出發日期為10/10至23/11，2-5日有效期；除咗新加坡，新航亦順手劈埋四個長途城市（需在新加坡轉機），例如倫敦HK$1,370起（連稅HK$6,380起），悉尼HK$1,884起（連稅HK$5,380起），墨爾本HK$2,019起（連稅HK$5,380起），法蘭克福2,022起（連稅HK$6,380起），呢批就3-14日有效期，比以往平超過千幾蚊，論凶狠程度一定冇新加坡咁勁，不過都好鬼死抵囉！一陣零晨（25/9）00:00即去官網望望，冇就聽日去各大旅行社出飛！

網址：www.singaporeair.com

（記得按下面「讚好」Share俾Facebook朋友）

一般單程機票都貴到死（分分鐘仲貴過來回），但新西蘭航空耐唔耐會推出單程飛倫敦優惠，今次又發功！出發日期為5/10 – 28/11，飛倫敦單程連稅HK$2,990，適合一啲想停留一段日子又唔知幾時返，又或者寧願Redeem回程機票人士。想買來回機票嘅，佢都有平！去程出發日期為5/10 – 27/11，回程日期為17/11 – 27/11，來回連稅HK$7,240，以直航嚟講算抵架啦！轉機連稅都要六千幾啦！Check過系統，來回平機票主要集中喺10月尾打後，單程嘅反而10月頭已經有，唔太難搵，有興趣可上官網買飛。

網址：www.airnewzealand.com.hk

（記得按下面「讚好」Share俾Facebook朋友）

自國泰推出倫敦11-12月2人同行優惠後，維珍依家先出手還拖，價錢同國泰差唔多：每位HK$4,250，連稅HK$7,767，出發日期同國泰又一樣（1/11 – 5/12；23/12 – 31/12），機票有效期2-60日，揀邊間，真係睇自己心水，如果你成日搭國泰，今次可試下維珍吖！不過又咁睇：11月仲係呢個價，冬天喎！斷估唔會有人為咗呢個價專登去倫敦卦？

網址：www.virgin-atlantic.com

（記得按下面「讚好」Share俾Facebook朋友）

上星期我哋「又飛啦！」教大家暑假慳錢飛倫敦，從廣州出發搭國泰半直航只係HK$5,283，但新西蘭航空最近推出咗暑假飛倫敦優惠，都值得考慮，2/7 – 31/8出發，雖然淨機價為HK$7,050，但計埋稅，兩者只相差HK$1,296（國泰HK$9,621 vs 新西蘭HK$10,917），話晒新西蘭航空來回都係直航吖！Check過系統，呢隻Fare七月中打後基本上供應量足，今年暑假飛倫敦真係平咗，以往有錢都未必有位，可能歐洲經濟唔好卦？最後銷售日期為本週日24/6，啱就買啦！

網址：www.airnewzealand.hk

（記得按下面「讚好」Share俾Facebook朋友）