X
台灣暑假平盤，華航率先發難！不過有限制：1. 出發日期只限1/7 – 10/7；2. 必須二人同行，淨機票每位HK$870，連稅HK$1,610起，機票有效期2-7日。係咪最平？唔係！不過如果您成班Friend已一早約好呢幾日飛台灣，又唔想等，呢個價入手亦算合理，話晒都叫暑假，而且去程可以俾您揀嘅班次甚多，回程直頭任您揀睇供應。Check過系統，多多都有。當然唔平唔去者，忍下手冇壞！
（記得按下面「讚好」Share俾Facebook朋友）
後新年劈價者，華航宣佈加入戰團！飛台灣來回淨機票HK$650佢都堅守咗幾個月，到依家終於再跌啦！減HK$40去到HK$610，來回連稅HK$1,298起，貼住港航週末熱賣價，真係低到得人驚！出發日期為1/3 – 27/3，台北去程指定搭超早機CI678（08:20/09:55）；台中去程指定搭夜機AE1832（20:40/22:10）；高雄去程指定搭夜機CI938（21:35/22:55），以上三個地點回程時間冇限制睇供應。Check過系統，台北呢個價26/3 – 27/3出發已經冇晒，26/3飛要貴HK$100到HK$710，27/3飛直頭冇特價；台中最遲只係26/3出發，返香港最遲亦只係31/3，食唔到復活節最後一日公眾假期（1/4）；高雄最遲亦係26/3出發，回程1/4仲有位，只可惜係早機CI931（09:05/10:35），啱心水就去馬喇！始終今年復活節機票咁緊張，仲有呢啲筍價，唔錯啦！
（記得按下面「讚好」Share俾Facebook朋友）
農曆新年過後嘅台灣機票，一劈接一劈！最新一刀係華信（即係華航）台中線，尋日仲話二月份出發淨機票HK$760，嘿嘿！三月份出發仲平呀陰公！出發日期1/3 – 27/3，來回HK$650，連稅HK$1,344，一人飛都得，七日有效期，Check過系統，如果揀最後一日27/3出發，1/4返，貼到復活節長假期去，只需請28/3一日假就得（因為27/3係夜機去），最衰回程係搭超級早機（AE1819 07:35/09:10），冇計！針冇兩頭利！呢隻Fare只限週末出票，最後出票時間為28/1週一早上08:00，睇啱就郁手喇！
溫馨提示：華航已率先公佈將參與2013年「港人遊台機票三送一」活動，換領細則請按此瀏覽：http://www.china-airlines.com/hk/promotionhk/promotionhk000503.htm
（記得按下面「讚好」Share俾Facebook朋友）
國泰港龍今日推出嘅fanfares，最開心嘅一定係阿華～航啦！港龍高雄HK$490來回原來冇料到！不過既然對手來勢洶洶，點都要借人度力順手推自己筍盤，今晚又同上週二一樣，大玩One Night Buy：由依家到明早08:00，台北／高雄／台中機票來回一律HK$760，連稅HK$1,486起，同上週一樣，出發日期去到15/11，Check過系統，今次供應比上週略小，要搵靚時間，就要花少少時間喇！
（記得按下面「讚好」Share俾Facebook朋友）
華航喺13/7因應對手長榮劈價，一口氣推出台灣北／高／中三地平機票，來回淨飛HK$1,185。個次冇訂？唔緊要！台中又有筍嘢嚟！由依家到31/8，搭華航旗下嘅華信，飛台中來回HK$1,450（連稅HK$2,156），用埋PayPal優惠（HK$233），淨機票減至HK$1,217，以咁Last Minute先訂8月旺季機票而言，算係抵玩。至於航班選擇，原則上冇限制，不過去程頭班機AE1820（10:10/11:40）比較難搵到，回程基本上班班有。講番PayPal優惠，華航今日起加碼！之前用PayPal找數可減HK$155，依家訂台灣線（台北／高雄／台中）可減至HK$233，即係多HK$78！其他航線就減HK$194。咪睇少個幾十蚊呀！華航飛台灣機票本身已經夠平，呢二百幾蚊真係好幫得手！查實呢個PayPal優惠令華航食唔少網上客戶，長榮想跟？唯有喺機票價上劈深啲，不過佢被本身定位綁住手腳，狼劈？難啦！
（記得按下面「讚好」Share俾Facebook朋友）
講完馬公，戰線又返嚟台北／高雄！上星期華航先搞完Weekend限時劈，飛台北或高雄只需HK$665（需配合PayPal付款優惠HK$155，否則機票價HK$820），點知今個禮拜又Encore！價錢一樣，玩法一樣：2人同行，台北去程一樣限坐華航08:20早機，回程任揀；高雄去程一樣限坐AE982（10:15/11:35），回程任揀睇供應。唔同嘅係，今次出發日子順延一星期，即係28/5 – 10/6．喂咁搞法，以後想Last Minute平飛台灣，逢週六都要捕住華航啦！
（記得按下面「讚好」Share俾Facebook朋友）
鄭少秋今晚又有新戲上！係人都知佢「搞」到股市一仆一碌，點知連機票價都「搞」埋！華信（即係華航子公司）今早突然劈出台中機票，見你港龍上週賣HK$700（未連稅）咁開心，佢就大劈到HK545，連稅就HK$1,285（須配合PayPal付款以取得HK$155折扣），實行同你同港航死過（終於跌到HK$500水平，如果台北都有呢個價就正啦）！限時72小時發售，出發時間為21/5 – 30/6，不過Check過系統，平飛通常集中於平日回程，星期五飛星期日返者，選擇唔多，想回歸假期去？逢30/6後先返者都冇咁平，真係識定價。
（記得按下面「讚好」Share俾Facebook朋友）
華航今日突然推出劈價盤，星期六先出，爭啲睇漏眼！去台北及高雄，需2人同行，齋飛每張HK$820，配合PayPal付款優惠HK$155後，再減至HK$665！台北去程限坐CI678（08:20/10:00），高雄去程限坐AE982（10:15/11:35），回程揀邊班都得。呢隻飛要喺官網訂購，最後出票日期為週末23:00（估計連埋週日晚卦），出發日期21/5 – 3/6，絕對係Last Minute到震！（記得留番登機證，以便申請台灣機票買3送1優惠）
（記得按下面「讚好」Share俾Facebook朋友）
X