想平飛澳洲，又唔介意轉機？越南航空幫到您！越航最近低調推出早餐盤，推出經胡志明市飛澳洲兩大城市嘅淡季價，出發日期由2015年3月1日至6月30日：來回墨爾本淨機票HK$1,282起，連稅HK$4,735起；來回悉尼HK$1,302起，連稅HK$4,858起，呢口價已包20kg行李寄艙同飛機餐；另外，如果想喺復活節期間飛返轉都得，講例4月3日出發，4月10日返，請3日假就可以玩8日，連稅計：墨爾本HK$4,838起、悉尼HK$4,963起。記住呢口價喺復活節旺季呀，唔洗HK$5K就去到澳洲，講真幾抵！Check過系統，供應量集中喺3-4月，如果有貨，改前後日期再試。留意須中停胡志明市（轉機免簽証），去程轉機約停4個鐘，回程就停2個鐘，比廉航酷航（Scoot）短得多。最後出票日期為12月15日，機票有效期1個月，可以去ZUJI訂。

網址：www.zuji.com.hk

（覺得抵可用Whatsapp同LINE Share俾朋友架）

越南航空平飛澳洲早餐盤，來回墨爾本$1,282、悉尼$1,302起，復活節都有

買歐洲平機票一向離不開中東三寶（阿聯酋／卡塔爾／阿堤哈德），今日就為您介紹越航歐洲小劈盤，三大歐洲城市來回票價由HK$1,967起，連稅計倫敦HK$6,982起、巴黎HK$6,019起、法蘭克褔HK$5,670起，越航係包30kg行李寄艙同飛機餐，淡季想平飛歐洲可以考慮。出發日期由7月1日 – 12月19日，不過Check過系統，平飛都係集中番秋季，其中10月飛巴黎仲有貨賣（供應量就一般），其他日子同地點真係難搵到，大家要比多少少耐性搵吓喇。留意須中停胡志明市或河內（轉機免簽証），機票有效期為1個月，最後出票日期為9月30日，可以去ZUJI訂。

網址：www.zuji.com.hk

（覺得抵請記得按Like同Share俾朋友）

越航淡季平飛倫敦巴黎法蘭克褔，來回$1,967起

東南亞玩到悶？不如衝出亞洲，越南航空最近低調出擊，推出經胡志明市飛澳洲兩大城市嘅淡季價：來回墨爾本淨機票HK$1,075起，連稅HK$4,619起；來回悉尼HK$1,092起，連稅HK$4,739起，呢口價雖然比廉航貴，但記住越航係包30kg行李寄艙同飛機餐，計落都OK。出發日期由7月1日至12月19日，戰線咁長，總有日子啱您心水。Check過系統，供應量充足，去到11月尾旺季都仲有呢口價，而12月都係俾多HK$758起。留意須中停胡志明市（轉機免簽証），去程轉機約停4個鐘，回程就停2個鐘，比廉航酷航（Scoot）短得多。最後出票日期為9月30日，機票有效期1個月，可以去ZUJI訂。

網址：www.zuji.com.hk

（覺得抵請記得按Like同Share俾朋友）

越航淡季飛悉尼墨爾本來回$1,075起，7-12月出發

尋日講過5-6月歐洲平盤，咁秋天呢？都有喇！不過唔係全線航點都有。越南航空有隻早餐盤，出發日期為11/9 – 24/10，飛巴黎同法蘭克福來回淨機票HK$3,440起，連稅計，巴黎HK$5,428起，法蘭克福HK$5,509起，可以Open Jaw（例如巴黎入法蘭克福出，來回連稅HK$5,509起），來回經越南轉機（河內或胡志明市），直接轉機者唔駛簽證。Check過系統，巴黎比較易搵啲，法蘭克福要10月先多少少。話就加少少錢可以Stop Over，但查極都拼唔出平嘢，所以當冇好過。機票有效期1個月。

網址：www.vietnamairlines.com

（覺得抵請記得按Like同Share俾朋友）

歐洲早餐盤！9至10月越南航空飛巴黎，法蘭克福來回$3,440起

越南航空剛推出新一輪河內及胡志明市劈盤，以價論價幾抵玩：來回淨機票HK$730起，連稅計，河內HK$1,397起，胡志明市HK$1,428起，出發日期為6/5 – 14/6；16/8 – 31/12，即係8月暑假都有！Open Jaw（即不同城市往返）都得（不過比較難拼，建議先搵出該城市去或回程邊日有”Super Deal”票，然後先用Multi-Destination搵出最平嘅Open Jaw票）。Check過系統，唔太難搵，尤其係暑假，有心去就快手訂。機票有效期1個月，最後出票日期為25/4。

請留意：去越南持特區護照及BNO均需申請簽證，單次旅遊費用為HK$500，可直接上灣仔道越南領事館申請，需時約1星期。

網址：www.vietnamairlines.com

（覺得抵請記得按Like同Share俾朋友）

越南航空飛河內胡志明市來回$730起，可Open Jaw，暑假都有！年底前出發

越南河內呢條短途線，港航成日出劈盤，對手地頭蟲越南航空梗係唔放過佢。佢隻新劈盤，31/3前出發，來回淨機票HK$730起，連稅HK$1,425起，仲平過港航，直迫港龍fanfares價！不過越南航空時間一般啲：去程VN593 14:30/15:30，回程早機VN592 10:40/13:30，越航勝在機票有效期有14日，港航／港龍fanfares平飛只有7日，坐邊間？自己諗！Check過系統，供應量充裕。最後出票日期為25/2。

提提您：不論持BNO抑或特區護照，前往越南均需簽證，單次出入境費用為HK$500，可以去灣仔越南領事館辦理。

網址：www.vietnamairlines.com

（覺得抵請記得按Like同Share俾朋友）

越南航空每月一劈又開鑼啦！今日起至27/12開倉。今次佢稍為加價，飛河內及胡志明市機票比上次貴HK$160：來回淨機票HK$990起，連稅計，河內HK$1,733起，胡志明市HK$1,764起，係咪好筍？淡季一般價而已。飛河內？港航平過佢，飛胡志明市？國泰近排成日fanfares！當然如果您太多人一齊去，咁就唔好搏，越航照殺可也。機票有效期14日。Check過系統，因為翻劈關係，1至2月冇乜貨賣，3月就唔難搵。

溫馨提示：持BNO及特區護照進入越南均需簽證，單次入境費用為HK$500，可於香港越南領事館申請。

網址：www.vietnamairlines.com

（覺得抵請記得按Like同Share俾朋友）

想平飛河內或胡志明市，隨咗等fanfares外，越南航空都有隻限時劈盤：出發日期由25/11/2013 – 31/03/2014（聖誕新年冇平飛），15/12/2013前河內及胡志明市來回HK$830起，連稅計河內HK$1,533起，胡志明市HK$1,564起；16/12/2013 – 31/03/2014會加至HK$1,030起，連稅計河內HK$1,764起，胡志明市HK$1,733起，機票有效期14日，最後出票日期為29/11/2013。胡志明市筍盤主要集中喺早去晚返班次（去程VN599 07:25/09:25，回程VN598 18:30/21:55），河內每日得一班機，去程VN593（14:30/15:30），回程VN592（10:40/13:30），唔啱心水可揀番港航。

溫馨提示：持BNO及特區護照進入越南均需簽證，單次入境費用為HK$500，可於香港越南領事館申請。

網址：www.vietnamairlines.com

（覺得抵請記得按Like同Share俾朋友）