X
23/9，越南航空曾推出越南機票限時劈，時隔1個月佢又嚟料，無辦法啦！9至12月係越南颱風季節嘛！出發日期同上次一樣：即日起至15/12，價錢同上次一樣：飛河內及胡志明市淨機票HK$790起，連稅計，河內HK$1,533，胡志明市HK$1,564，可以不同城市往返（即Open Jaw），機票有效期14日。提提您：往越南旅遊需要簽證，單次旅遊簽證費HK$500。其實去河內港航仲平少少，揀佢定越航，睇您心水而已。最後出票日期為25/10。
（覺得抵請記得按Like同Share俾朋友）
每逢9至12月，都係越南颱風季節，機票唔平都冇人吼，所以越南航空又劈喇！出發日期由依家到25/9，3/10至15/12，飛河內／胡志明市來回淨機票HK$790，連稅計河內HK$1,509起，胡志明市HK$1,540起，最正係可以Open Jaw（揀不同城市往返），機票有效期14日，如果唔係追求陽光與海灘假期，淨係想嚟過越南都會遊者，呢個價始終有睇頭。至於對手方面，國泰頻頻出越南fanfares，價錢相若，如果您係唔CX唔搭人士，咁等下又冇壞；至於港航，佢河內線平越航少少，睇心水啦！最後出票日期為27/9。溫馨提示：往越南旅遊需要簽證，單次旅遊簽證費HK$500。
（覺得抵請記得按Like同Share俾朋友）
秋冬去越南，天氣唔熱，幾舒服架！越南航空今日剛推出秋冬淡季劈，來回河內及胡志明市淨機票一律HK$830，連稅計，河內HK$1,475起，胡志明市HK$1,506起（留意1/9起，燃油附加費可能會上調），出發日期為26/8 – 25/9；3/10 – 15/12，機票有效期14日。Check過系統，雖然中秋／國慶／重陽正日來回冇咁平，但揀前後日子出發呢一刻買仲有，記得揀Super Saver，先係今次出擊目標。最後出票日期為30/8。
（覺得抵請記得按Like同Share俾朋友）
27/5，越南航空曾經推出過飛胡志明市及河內平機票：來回淨機票$790，出發日期仲包括8月份。今晚零晨1點，越南航空將會Encore：價錢一樣（連稅計，河內HK$1,435起，胡志明市HK$1,466起），出發日期又一樣：24/6 – 30/6；1/8 – 25/9（包括暑假黃金檔期）；3/10 – 15/12，機票有效期14日。未知今次票量同上次差幾多，總之首選8月份機票啦！上次開賣冇入手嘅您，今次就要好好把握機會。最後出票日期為28/6。
（覺得抵請記得按Like同Share俾朋友）
仲有兩個禮拜就係7.1回雞假鳥～～～仲未Plan去邊度好？熱門地方就唔駛諗（例如東京機票連稅要HK$6K以上，點去），平平地嘅，就有今次嘅介紹：搭越南航空飛胡志明市，淨機票HK$1,706，連稅HK$2,436，已經係亞洲區內（唔計大陸）比較合理價錢，不過都有代價：要請週五（28/7）1日假，因為去程係早機07:55，回程週一（7/1）係早機10:40返，計番落就有足3日玩。如果想1日假都唔請呢？得！搭聯合航空，一樣價錢（連稅HK$2,436），週五（28/7）晚搭22:50夜機去，回程週二（2/7）早上05:00返，返到香港08:45，拿拿聲返工，一樣玩足3日而唔駛請假！不過個人認為前者比較實際啲，後者都係留番真係連年假都冇嘅朋友們玩啦！兩套機票都可以去ZUJI訂購。
（覺得抵請記得按Like同Share俾朋友）
今次同大家預告一隻越南航空劈盤，記住：依家未有得賣！飛胡志明市及河內，淨機票HK$790起，連稅計，胡志明市HK$1,494，河內HK$1,463，出發日期為27/5 – 30/6；1/8 – 25/9（暑假黃金檔期！！）同埋 3/10 – 15/12，基本上除咗7月冇之外，去到年底都有，8月係旅遊超級旺季，有HK$790嘅話就真係正斗（事關連港航都平唔過佢）。不過據之前越航劈價經驗，平機票未必喺00:00推出，事實上越南慢香港1小時呢！總之今個週六零晨，除咗留意港航週末熱賣外，記得睇埋越南航空喎！
（覺得抵請記得按Like同Share俾朋友）
當國泰成日推出越南fanfares HK$790機票，越南航空唯有死跟啦！今晚00:00開始，佢會喺官網推出一系列平盤，當中香港飛河內及胡志明市，淨機票同國泰睇齊：HK$790起，連稅HK$1,520起，出發日期為1/4 – 27/4；2/5 – 30/6；1/8 – 25/9；3/10 – 15/12，即係包括八月暑假同埋年底，暑假又一平旅行機會！而且唔駛等國泰「恩賜」fanfares俾您添！不過越南航空官網淨係識得Show越南盾價錢，幾百萬上落（！！），記得開埋Yahoo貨幣轉換器（http://hk.finance.yahoo.com）計番港幣，啱價先下手，最後出票日期為29/3。
（記得按下面「讚好」Share俾Facebook朋友）
近呢幾個月，越南機票價錢已經被國泰fanfares + 港航劈到落花流水！對手越南航空梗係要做番啲嘢啦！佢剛剛推出一隻超正筍盤，賣點唔係最平（fanfares越南淨機票每次都係幾舊水而已），而係時間超靚！去程逢一／三／五搭VN599（07:55/09:25），回程逢二／四／日搭VN598（18:30/21:55），早去晚返，淨機票HK$1,384，連稅HK$2,147，機票有效期14日，出發日期為1/2 – 5/2；16/2 – 26/3，週五早上上機，週日最夜時間返港，真正玩足三日兩夜嘅Crazy Weekend！官網未有呢個價，上真旅網買啦！
（記得按下面「讚好」Share俾Facebook朋友）
X