依家先決定聖誕節去旅行？Well……機票好貴喎！不過只要接受非搭正公眾假期去嘅話，可以考慮飛首爾。我哋「又飛啦！」都報導過濟州航空嘅秒殺優惠，剛剛佢又推出新一批特價團體機票（即係Fix死來回日期），兩組首爾來回同埋一組釜山來回，其中一組首爾來回，剛好橫跨聖誕節，去程22/12，回程26/12，票價只需HK$1,680（未連稅，下同），請頭2日假就可以平飛首爾渡節，不過回程26/12係早機嚟，講真時間就唔係太好，之不過Fit晒啲Last Minute先決定去又唔想破費嘅人，始終一般散飛嗰段其間都要收你起碼三千尾。另外一組首爾平機票為16/12去20/12返，而釜山就係17/12去21/12返，都只收HK$1,380。想訂就聽早Call總代理喇！

查詢電話：2185 6499

（記得按下面「讚好」Share俾Facebook朋友）

濟州航空秒殺優惠浪接浪，上星期一先出啫，今個禮拜又嚟！一樣HK$1,380（未連稅，下同），佢拎3個首爾來回指定時段同2個釜山來回時段，今次只有15/12去19/12返好合我心水，皆因可以玩盡埋週六日，有興趣朋友可以Call總代理訂飛。

查詢電話：2185 6499

（記得按下面「讚好」Share俾Facebook朋友）

買iPhone4s俾大陸外掛秒殺？唔好嬲，買濟洲航空平機票補數啦！佢哋又推出秒殺優惠，於12月頭指定日子來回首爾同釜山，5日機票，均一價HK$1,380（未連稅），除咗4/12去11/12返時間差少少外，其他日子都橫跨週末；話時話，今次佢首次推出釜山Last Minute秒殺機票，有假期又有興趣嘅，依家就拿拿林打電話去總代理訂位啦！手慢冇就唔好怪人鳥～～～

查詢電話：2185 6499

（記得按下面「讚好」Share俾Facebook朋友）

好耐都冇提過釜山航空，可能因為佢只係飛釜山，未必有咁多人留意，但其實釜山係韓國第二首府，身為韓迷，都好值得定期趁有平機票去吸「韓氣」。最近佢哋推出飛釜山早餐盤優惠，8/3/2012後出發來回只係HK$1,033起（未連稅，下同），唔想咁遲先去？1月嘅飛都仲有啲HK$1,602起嘅選擇。由於佢哋一星期只有三日有航班，加上只用細機飛，所以一有筍嘢都好快搶晒，睇下你又搶唔搶到吖！

網址：en.airbusan.com

（記得按下面「讚好」Share俾Facebook朋友）

港龍剛推出四個亞洲城市嘅筍盤機票：去韓國釜山同越南河內就HK$1,390（未連稅，下同）；去日本福岡同馬來西亞亞庇（即係沙巴）就HK$1,990。以價論價，釜山線減至接近廉航釜山航空水平，但佢回程係超早機KA319（07:50 / 10:35），釜山航空係夜機返BX391（20:30/23:05），我會買番釜山航空；河內去程要指定搭KA295（18:00 / 18:55），回程指定搭KA296（10:35 / 13:35）/ KA294（19:50 / 22:50），據聞越南航空都減至HK$1,400（詳情稍後提供），你可以揀下；日本福岡難得有得減，合埋雙眼去馬！沙巴就一般啲，因為有AirAsia平機票作後盾。呢批特價機票出飛最後日期為本週六深夜（15/10 23:59），啱心水就快馬喇～～～

留意位：

1. 訂票日期：13/10 – 15/10

2. 出發日期：（河內/釜山）13/10/ 2011 – 22/12/2011；29/12/2011 – 15/1/2012；（福岡/亞庇） 1/11/2011 – 6/12/2011；5/1/2012 – 15/1/2012

3. 最短/最長逗留期限：2 / 7日

網址：www.dragonair.com

（記得按下面「讚好」Share俾Facebook朋友）

自從廉價航空釜山航空於6月開通香港<->釜山航線後，都幾受歡迎。呢間韓亞航空子公司，一星期對開飛三班，逢一、四、六凌晨機01:50/06:10，回程逢三、五、日晚機20:30/23:05，最好梗係週四凌晨飛週日返玩足4日啦！不過Check過系統，想買呢種組合飛，最快要去到22/9（週四）先買到佢最平嘅HK$1,123（連稅HK$1,884）選擇；如果唔介意平日飛，最快可以喺29/8（週一）去，31/8（週三）同2/9（週五）返都仲有得買。

如果堅想8月飛玩一個Weekend，暫時最平只有18/8（週四）去21/8（週日）返，但要HK$2,318（連稅HK$3,079）。雖然點都平過大韓航空嘅HK$3,730（連稅HK$4,026），但忍一忍就可以慳成千幾蚊，我就一定等下先囉。

網址：www.airbusan.com

（記得按下面「讚好」Share俾Facebook朋友）