2013年嘅農曆新年，勁好去旅行！皆因年初一（10/2）係搭正星期日，香港政府會補番年初四（13/2）星期三做假期，連埋年三十晚（9/2）星期六，變相有一連5日假期（假設您返五日工），如果唔駛拜年，呢5日足夠去亞洲區玩餐飽。如果堅唔想請假，要指定9/2去13/2號返，真係好難搵到平機票，不過就俾我哋「又飛啦！」搵到漏網之魚！釜山航空每星期有三班機飛釜山，去程逢二／四／六，回程逢一／三／五，咁啱踏正農曆年長假期，如果揀年三十晚去（9/2）年初四返（13/2），竟然仲有平飛：淨機票HK$2,323，連稅就HK$3,086。您可能話：車！又唔係一千幾百蚊，咁都叫抵？根據小弟經驗，每逢呢類長假期，機票唔炒到天價就奇，用番呢個來回日期去曼谷，AirAsia都收你連稅HK$3K，但飛釜山班次咁疏都仲有呢口價，算非常唔錯！趁大家焦點未去到農曆新年，快手訂咗先，想等釜山Last Minute Offer？冷門地點，大時大節唔好搏呀！

網址：www.airbusan.com

（記得按下面「讚好」Share俾Facebook朋友）

公佈喇！濟洲航空香港總代理特別為「又飛啦！」Fans特別預留一批釜山平機位，指定去程21/8（週二），回程27/8（週一），橫跨Weekend，超特價HK$1,500（連稅HK$2,289）。Check過系統，濟洲8月飛釜山嘅平機票已賣少見少，香港總代理特別為「又飛啦！」Fans預留呢批機票，首先多謝濟洲航空對「又飛啦！」嘅支持！仲有呀！經打電話去香港總代理訂飛（只需表示 “我係「又飛啦！」Fans！” 及留下FB用戶名稱），仲特別加送一份BigBang精美紀念品，你可以揀BigBang扇，精美紀念筆及Memo Pad，網上訂飛冇架！「又飛啦！」Fans即Call 2185 6499出飛，數量有限！

查詢電話：2185 6499

（記得按下面「讚好」Share俾Facebook朋友）

知唔知南韓麗水正舉行世博會？一般旅客會從首爾搭KTX高鐵落去（麗水位於南韓西南方嘅全羅南道），需時3小時，但其實仲有又平又快嘅方法：就係經釜山啦！搭巴士只需2.5小時就到，而且依家訂釜山機票，仲平過首爾呢！濟洲航空香港總代理剛推出一套指定日期來回嘅團飛筍盤，去程指定係7/7零晨出發（01:50/06:15），回程指定係11/7晚上起飛（22:00/00:25+1），玩足5日，淨機票只需HK$1,380，以7月出發嚟講係好抵，況且7/7週六零晨出發，即係6/7週五晚放工後先出機場，夾埋只需請3 日假。話時話，濟洲航空呢排可能生意好到痺，好耐冇推出Last Minute劈價，今次佢淨係劈釜山，冇首爾，所以想平飛麗水睇世博，呢個係最佳機會！想就打去香港總代理出票啦！

查詢電話：2185 6499

（記得按下面「讚好」Share俾Facebook朋友）

一向鐘情Last Minute劈價嘅濟洲航空，其香港總代理今日推出5至7月中飛首爾及釜山平機票，分3種類別：1. 31/5前出發HK$1,480（未連稅，下同）；2. 1/7 – 12/7出發貴一舊HK$1,580；3. 1/6 – 12/7逢三至六出發HK$1,480（Weekend飛仲平啲？奇），機票有效期為7日，唔似以前咁焗你幾時來回，都算Flexible，有興趣可直接搵總代理出票。

查詢電話：2185 6499

（記得按下面「讚好」Share俾Facebook朋友）

「又飛啦！」繼續為您發掘暑假筍盤！今次就搵到韓國釜山，廉航釜山航空不嬲都做得幾平，不過唔係日日有機去，去程逢二／四／六零晨機01:50/06:10，回程逢日／三／五晚機21:30/00:05，真係玩得好盡！Check過系統，冇乜點加，其中最平個隻Smart 7 Special Web 7日類別機票只需HK$1,450，7月唔少日子都有；8月份呢隻Fare就升價至HK$1,745（加三舊合理！），亦唔難揀到，連稅二千頭，以暑假嚟講，抵玩啦！如果時間長，不妨買多一張釜山航空去首爾／濟洲，甚至去日本嘅東京／大阪／福岡都得架！

網址：www.airbusan.com

（記得按下面「讚好」Share俾Facebook朋友）

上星期我哋「又飛啦！」先報過濟州航空4月5月嘅特價飛，咁3月份嘅Last Minute秒殺呢？尋晚出咗啦！無論飛首爾抑或釜山，來回只需HK$1,480（未連稅，咦？又貴咗啲！），指定日子來回5日，其中都有唔少橫跨週末嘅好選擇，特別係去釜山，佢去程係零晨02:00飛，回程22:00返，有啲都係星期六零晨飛（如10/3及24/3），即係週五放工後走，週三下午返，請3日假可以玩盡5日，抵呀！

查詢電話：2185 6499

（記得按下面「讚好」Share俾Facebook朋友）

又有新地點推出4月後平機票，今次輪到韓國。廉航濟洲航空推出咗1/4 – 31/5優惠，飛首爾同釜山一律HK$1,850（未連稅，下同），呢隻機票有效期為7日，唔係佢個批Last Minute秒殺機票咁限死你來回日期（個啲平五舊左右）。最正係復活節來回價亦只係HK$2,400，唔知仲有冇位？至於一般全年票價為HK$2,400（1個月有效期），暑假期間（13/7 – 18/8）就加到HK$3,100。咦？咁即係7月頭同8月中暑假期間都可以享用HK$2,400優惠播！

查詢電話：2185 6499

（記得按下面「讚好」Share俾Facebook朋友）

濟州航空都有成個月冇出突擊秒殺筍盤，今日香港總代理就推出幾款指定日子來回飛首爾或釜山嘅5日平機票，只係HK$1,380（未連稅）。不過日子就係下星期（嘩！勁Last Minute），詳情可睇以下圖片，當中一定以2/3去6/3返嘅首爾或1/3去5/3返嘅釜山團飛最抵啦！可以橫跨星期五／六／日，就算朝早機返，勇啲嘅甚至可以下午即刻返工，慳番半日假！

查詢電話：2185 6499

（記得按下面「讚好」Share俾Facebook朋友）