直航關島嘅筍盤，對上一次報已經係上年1月30日！剛剛事隔一年，平嘢返嚟啦！出發日期由依家至2月14日，2月25日至3月31日，4月6日至27日，搭聯合航空直飛關島，來回淨機票HK$3,098起，連稅HK$3,843起（剛剛減燃油附加費，抵上加抵），直航呢口價好耐冇見過，值得大家趁低吸納，歎番個久違嘅陽光與海灘！至於轉飛隔離嘅塞班島，來回淨機票HK$3,664起，連稅HK$5,562起，差咁遠係因為稅款貴成千，唔明點解！Check過系統，供應量足，大節日無。機票有效期45日，ZUJI比官網平3舊幾，梗係上ZUJI訂。

提提您：雖然關島同塞班島都係美國托管，持有BNO及特區護照入境可享免簽證逗留45天（護照有效期須超過6個月）。

網址：www.zuji.com.hk

（覺得抵可用Whatsapp同LINE Share俾朋友架）

直航罕割！聯合航空飛關島來回$3,098起，塞班島$3,664起，4月27日前出發

Expedia推出新加坡、胡志明市、關島套票優惠，出發日期由依家至3月31日，限售7日，其中胡志明市較少做優惠，而關島亦少有平貨，絕對係有可觀亮點！來回聯合航空機票+2晚酒店（只係舉例，想住多幾晚又得，住邊間酒店都得）+所有稅款，每位最筍價新加坡HK$1,642起、胡志明市HK$1,746起、關島HK$5,753起。今次介紹呢幾間酒店俾大家參考下：

1. 新加坡：中山公園華美達酒店（http://flyagain.la/63eu）3日2夜（下同）全包價每位HK$1,817起，酒店有穿梭巴士直達Novena地鐵站，隔離就有一個超級市場，發起人肉骨茶都係行15分鐘左右，加上係華美達品牌，絕對有保證；

2. 新加坡：卡爾登酒店（http://flyagain.la/poxu）全包價每位HK$1,925起，由酒店行8分鐘就到City Hall地鐵站，行去濱海藝術中心或魚尾獅都係10-15分鐘，仲可以喺摩天觀景輪搭專車去新山樂高世界，呢間酒店就係方便嘅首選；

3. 胡志明市：飛天大酒店（http://flyagain.la/lshk）全包價每位HK$2,286起，酒店位於西貢河河邊，而越南名牌河粉店 Pho 24 喺酒店行5分鐘就有，另外，酒店每天都有免費生果提供，有時間不妨玩埋酒店個靚靚大泳池；

4. 胡志明市：帕威林酒店（http://flyagain.la/1lkk）全包價每位HK$1,995起，屬於市中心地段，去市內所有景點都好方便（建議搭的士，胡志明市坐的士好平架），如果旅費唔多，呢間酒店絕對係您嘅最佳選擇；

5. 關島：灣景酒店（http://flyagain.la/5b3w）全包價每位HK$4,832起，呢間屬於經濟型酒店嘅酒店，性格比高。而嚟到關島必吃嘅意大利餐廳Capricciosa只要行8分鐘，旁邊仲有Outback、ABC Store同DFS，慳番唔少車費，而行去杜夢灣沙灘都係行5分鐘，仲有免費機場接送，咁嘅價位，book得過；

6. 關島：假日度假村（http://flyagain.la/m5d0）全包價每位HK$4,894起，行去杜夢灣沙灘大概3分鐘，而DFS有提供免費巴士來往酒店，酒店仲有健身中心、泳池、Spa同兒童俱樂部，留喺酒店Hea嘆都得。

其他平房可以上番Expedia搵，最後出票日期為1月17日。

此外，經Expedia買套票有樣好，可以免費Stay Behind：只要喺Search Engine度揀選”我只需要在部分旅程中入住酒店”，再揀埋需要住房嘅日子就掂，其他日子您住邊都得，勁有彈性。即刻去發掘下其他筍套票啦～

網址：www.expedia.com.hk

（覺得抵可用Whatsapp同LINE Share俾朋友架）

Expedia新加坡、胡志明市、關島套票7日限時劈，3月31日前入住

今晚20:00（唔係00:00），AirAsiaGo將狂推日本12個城市，除咗熱門嘅東京、大阪、京都、名古屋、福岡、沖繩、札幌、神戶、奈良之外，仲有首次出現嘅岐阜、高山、金澤，連日本人至Like嘅美國關島都有齊，合共60間酒店低至5折，認真誇張，仲可以用埋9折Code添！入住日期為8月12日至12月31日，今次介紹呢7間正貨俾大家：

1. 金澤：京都飯店，每晚HK$322起（6折，未連稅及用9折Code，下同），行5分鐘就可以到金澤JR駅，行15分鐘內已可到尾山神社同金澤城。想去感受呢個歷史古城，呢間夠晒平靚正；

2. 岐阜：宮古飯店，每晚HK$646起（6折），係去玩世界遺産白川郷嘅一個中途站，距離岐阜市歷史博物館大概10分鐘步程；

3. 東京：池袋Centurion酒店，每晚HK$666起（6折），由池袋JR駅東口北行3分鐘就到，Shopping人士最Like；

4. 大阪：康瑟特飯店，每晚HK$333起（7.5折），由酒店行5分鐘就到御堂筋線西中島南方駅同JR南方駅，酒店附近有便利商店、松屋、餃子王將、拉麵店，當然仲有藥妝店，搭車去梅田都係一個駅，連稅唔駛四舊，超平；

5. 名古屋：榮誠信酒店，每晚HK$431起（6折），由伏見地鐵駅D出口行3分鐘就到，行去購物區榮町都係15-20分鐘，絕對係方便之選；

6. 福岡：博多太陽道飯店，每晚HK$443起（8折），近博多駅，往返機場、暢遊九州各地都係好方便；

7. 關島：皇家蘭花飯店，每晚HK$636起（8折），機場搭車去只係8分鐘左右，位於杜夢灣沙灘，加上好多巴士都會停呢到，酒店1樓都有小型商場，無論買野出外都好方便。

仲有其他平房，可上番佢官網望望，最後訂房日期為8月15日。

AirAsiaGo 9折訂房Code：GOHOTEL10，可用港幣結算，大型連鎖酒店不適用，特價房亦可以用，訂其他國家都得！只要喺輸入住客資料嗰頁中，右邊價格一欄Click”推廣代碼”，系統就會彈出格仔，您就輸入”GOHOTEL10” 再按Enter就得（請留意：折扣只限純房價，稅及服務費冇得折）。

網址：www.airasiago.com

（覺得抵可用Whatsapp同LINE Share俾朋友架）

AirAsiaGo日本12個城市+關島哂冷5折割，$332起，可用9折Code，12月31日前入住

成日講台日韓，今次就轉Channel，帶大家平玩太平洋島國：聯合航空推出關島及塞班島劈盤，出發日期由4/2 – 11/2；27/2；13/3 – 31/3，直航關島來回淨機票HK$3,063起，連稅HK$4,473，以直航嚟講算係靚價！經關島轉飛附近嘅塞班島，來回淨機票HK$3,626起，連稅HK$5,496，比上次特價再劈HK$700，以呢口價飛到老遠歎陽光與海灘，其實幾抵去嘅！機票有效期：關島8日，塞班島45日。聯合官網雖然有得賣，但ZUJI竟然平幾舊水，梗係去ZUJI訂啦！

提提您：雖然關島同塞班島都係美國托管，持有BNO及特區護照入境可享免簽證逗留45天（護照有效期須超過6個月）。

網址：www.zuji.com.hk

（覺得抵請記得按Like同Share俾朋友）

關島機票一向唔平，聯合航空突然嚟個限時3日劈！直飛關島來回淨機票HK$2,148起，連稅HK$3,582起，比之前平一半！出發日期為02/12/2013 – 16/02/2013；28/12/2013 – 22/01/2014（逢週一／三／五／六），去程UA180 23:10/06:10+1，回程UA179 19:25/22:35，放工即閃同陽光海灘玩遊戲！機票有效期8日。Check過系統，供應量充裕。去關島之前最平坐菲律賓航空來回連稅都要三千八，仲要轉機，所以今次直航呢口價絕對係近年新低，唔好等，即入！最後出票日期為30/11/2013。官網冇呢口價，上ZUJI啦！

溫馨提示：雖然關島係美國屬土，香港居民拎特區護照及BNO去關島係免簽證嘅。

網址：www.zuji.com.hk

（覺得抵請記得按Like同Share俾朋友）

聖誕節正日去旅行，貴到阿媽都唔恨！不過總有漏網之魚，今次我哋又幫大家捉到一隻：21/12（週六）飛關島，26/12（週四）返香港，華航竟然仲有少量筍盤：來回淨機票HK$3,494起，連稅HK$4,371起，台北轉機，只需請23/12及24/12 2日大假（有啲公司24/12返半日添）就變出6日假期！最搞笑係：揀其他附近日子都冇咁平，須知道聖誕節正日飛日本韓國都唔止呢口價，唔介意過熱辣辣聖誕節，關島絕對去得過，趁冇乜人知（加上數量唔多），快手喇！

網址：www.zuji.com.hk

（覺得抵請記得按Like同Share俾朋友）

今日搶唔到國泰馬爾代夫fanfares？唔緊要！陽光與海灘嘅靚島，世上仲有好多，就好似今次介紹嘅塞班島，8月份暑假超旺季出發，竟然仲有特價飛！搭聯合航空，可免費中停關島，來回連稅HK$6,140起，機票有效期長達45日。Check過系統，供應主要集中喺21/8後出發，如果唔夠假期，齋去關島來回連稅HK$5,610起，慳HK$530，不過建議如果去得嘅話，呢HK$530唔好慳，去埋塞班島啦！提提您：雖然關島同塞班島都係美國托管，持有BNO及特區護照入境係可以享有免簽證逗留45天的（護照有效期須超過6個月）。

網址：www.united.com

（覺得抵請記得按Like同Share俾朋友）

長榮航空為慶祝正式加入星空聯盟（Star Alliance），將會由今晚00:00起，一連6日推出一共28個航線平盤，頭炮有6個航點，包括有東京（HK$1,190，連稅HK$2,044），首爾（HK$1,610，連稅HK$2,451），北海道嘅函館（HK$2,470，連稅HK$3,112），關島（HK$2,410，連稅HK$3,212），三藩市（HK$3,310，連稅HK$5,604）同埋溫哥華（HK$3,310，連稅HK$5,504），出發日期為22/9 – 12/10週日至三，機票有效期為14日（東京／首爾／函館）或1個月（關島／三藩市／溫哥華）。以上機票，暫時以東京最平，首爾呢個價情願搭番直航，函館就幾抵搭，溫哥華連稅HK$5千多已經非常罕見啦！不如今晚00:00先搶長榮票，01:00再搶埋越南航空河內胡志明市劈盤吧！其他22個城市將會喺未來5日陸續登場，敬請留意。

網址：www.evaair.com

（覺得抵請記得按Like同Share俾朋友）