X
聯合航空為慶祝四月份開始香港<->關島航線增至四班（以後逢週一／三／五／六各對開一班直航)，推出特價機票，來回淨機票HK$3,800起，連稅HK$5,040起，機票有效期長達21日，呢口價比較少見。Check過系統，供應量充裕，連六月尾出發都有！回雞假，暑假初，一於去關島陽光與海灘啦喂！最後出發日期為30/6。
（記得按下面「讚好」Share俾Facebook朋友）
都有一段時間冇同大家搵關島平機票，事實上直航只有聯合有機去，逢週一及五均有一班對飛，去程夜機UA180（23:25/06:25），放工出機場兼機上瞓覺，回程UA147（19:25/22:30），尾嗰日都玩足全日，一上機又可以瞓覺，所以一向都幾受歡迎架！自今季暑假後，聯合將之劈HK$1,000：來回HK$4,290起，連稅HK$5,590起，呢個價就算去到明年15/7出發都有！就算賣晒，下一個Class Code亦只係加HK$500，比轉機貴少少而已，但慳好多時間呢！Check過系統，聖誕同年尾都仲有HK$4,290/4,790呢類平價飛，值得考慮！
（記得按下面「讚好」Share俾Facebook朋友）
暑假呀，去旅行梗係首選陽光與海灘啦！如果假期夠嘅，飛遠少少去關島，暑假嚟講未算貴。聯合每週一及五均有一班直航對飛，時間都幾靚仔：去程夜機UA180（22:35/05:25），放工出機場兼機上瞓覺，回程UA147（18:45/21:45），最後一日都玩得足，呢張機票淨價HK$5,290，連稅HK$6,680，機票有效期5-30日，直飛嚟講，算抵，事關轉機最平坐菲航連稅都要HK$4.4K，但無論機程及質素都有距離，呢二千蚊係值得俾嘅。Check過系統，暑假好多日子都仲有呢口價。關島啲水超清，游水一流，諗起都想飛。
（記得按下面「讚好」Share俾Facebook朋友）
香港天氣開始回暖，但3至4月仲未係陽光與海灘嘅時間呢！關島呢排又有排平機票出，搭聯合航空（以前係美國大陸航空執飛，依家合併咗又由番聯合航空負責）直航去關島，30/4前飛連稅只係HK$5,580咋！扣番稅錢，齋飛收你HK$4,144，直航嚟講抵爆（之前我哋介紹過搭長榮轉機都要HK$3,600）。依家聯合逢週一及週五有直航往返（去程UA180 22:35/05:25，回程UA147 18:45/21:45，時間正到爆），其他日子去關島當然得，轉機囉！不過收費仲貴過直航，俾你都唔劑啦！想去關島結婚或影婚紗相？快啲買飛！
（記得按下面「讚好」Share俾Facebook朋友）
塞班島終於有番直航機！新航空公司Fly Guam自今年3月起進駐香港，每逢週一及週五各有一班直航對飛，用B737-400舊機飛，去程5K169 13:00/20:05，回程5K168 08:15/11:25，依家星晨同Groupon合作搞團購，來回機票特價平到HK$2,550（未連稅，下同），非常抵買。若果你想去塞班隔離嘅關島，都可以用番HK$2,550買到，不過要喺塞班島轉機，時間就麻麻地（如去關島，塞班島起飛為21:20；回程關島飛塞班島要搭早上06:30航班），所以呢個團購最適合飛塞班島人士，想去關島？不如搭番美國大陸航空，直航架！
留意位：
1. 優惠券由5/10 – 15/11有效
2. 旅遊日期為7/10 – 30/11
3. 優惠券並不包括香港及當地離境稅、燃料附加費、機場安檢費，每人須另繳$1,244 （去塞班島）/ $1,334（去關島）予星晨旅遊
4. 機票有效期為 1 – 14日
（記得按下面「讚好」Share俾Facebook朋友）
去關島，搭CO直航梗係好啦！但貴呢，連稅要$8,333喎！想慳啲去？搭長榮轉機啦！佢去程時間唔錯，夜機19:25去，喺台北停1:30左右，再食過飛機餐就可以倒頭大睡。依家佢有Promo，HK$3,000嗰個應該賣得七七八八，下一個Class Code “X” HK$3,600（連稅HK$4,478）就仲有大把，最緊要係佢俾你免費停台北，只需出飛後打去長榮訂位部辦理，可以俾你來/回程免費停台北一次。想來回皆停，就要俾多HK$1,000。咁嘅價錢，玩完碧海藍天，再去夜市掃街，抵玩啦！（出發日期至今年12月31日）
（記得按下面「讚好」Share俾Facebook朋友）
X