阿提哈德航空又有全新Double Open Jaw筍盤，今次呢個盤由新加坡出發，再去歐洲，最後返香港（或香港出發，回程返新加坡都得），來回連稅HK$3,550起，航點方面可揀倫敦、阿姆斯特丹、巴塞隆那、馬德里、伊斯坦堡、都柏林、布魯塞爾、法蘭克福、慕尼黑等，仲可以OpenJaw（唔同城市往返）。呢張飛出發日期由依家至8月12日、9月14日至12月25日，不過7月、8月同12月期間未見有平。至於香港飛新加坡單程有好多廉航選擇，舉例6月坐酷航連稅約HK$673起（不包行李寄艙）。加埋都係四千頭！以阿提哈德質素而言，呢口價極品抵買（仲可以順便玩埋新加坡）！機票有效期1個月，最後出票日期為4月27日，去Expedia買。

未搭過阿提哈德航空？可以參考下我哋乘搭報告：https://www.facebook.com/media/set/?set=a.656779451045338.1073741827.192678424122112&type=1

網址：www.expedia.com.hk

（覺得抵可用Whatsapp同LINE Share俾朋友架）

阿提哈德航空Double OpenJaw！新加坡飛歐洲，回程返香港，來回連稅$3,550起，12月25日前出發

卡塔爾航空推出75折平飛價惠！大部份航點都有平（經多哈轉機），歐洲線方面，來回連稅計：巴黎HK$4,560起、羅馬HK$4,659起、米蘭HK$4,683起、伊斯坦堡HK$4,693起、巴塞隆納HK$4,773起、阿姆斯特丹HK$4,813起、布達佩斯HK$5,033起、柏林HK$5,114起。其中阿姆斯特丹為卡航於6月16日新開航線，用全新787-8夢幻客機執飛，想試新野可諗！至於以上各點嘅價格為HK$5K或以下，好有睇頭，一如以往，可以Open Jaw（請用Multi-City去Search）。另外，南美線都係卡航嘅一大賣點，來回連稅計：聖保羅HK$11,232起、布宜諾斯艾利斯HK$11,441起。而今次呢個優惠，飛歐洲、美加、非洲其他城市或坐商務艙都有平，快啲上官網盡情搜尋。出發日期由依家至12月10日。機票有效期為1個月，最後出票日期為4月19日。

網址：www.qatarairways.com

（覺得抵可用Whatsapp同LINE Share俾朋友架）

卡塔爾航空75折減！來回歐洲連稅$4,560起、南美$11,232起，暑假都有，12月10日前出發

中東三寶延續上期優惠，經杜拜轉機來回HK$1,340起，連稅計：莫斯科HK$4,561起、聖彼得堡HK$4,828起、阿姆斯特丹HK$5,288起、米蘭HK$5,303起、巴黎HK$5,448起、羅馬HK$5,569起、伊斯坦堡HK$5,565起、布達佩斯HK$5,593起、哥本哈根HK$5,645起、蘇黎世HK$$5,742起、馬德里HK$5,769起、布魯塞爾HK$5,882起、奧斯陸HK$5,915起、日內瓦HK$5,926起、巴塞隆拿HK$5,933起、雅典HK$5,995起。因為4月份燃油附加費貴咗少少，所以呢口價比上期貴咗HK$50-HK$100左右，當中倫敦同法蘭克福航線貴咗，想去嘅不妨再等。

去程航班香港飛杜拜限坐EK387/EK383，回程杜拜返香港限坐EK386/EK380，可以OpenJaw（不同城市往返）。如果想中停杜拜，補番約HK$180左右機場稅就得。出發日期由依家至6月18日，機票有效期為1個月，最後出票日期為4月15日，上官網買。

網址：www.emirates.com

（覺得抵可用Whatsapp同LINE Share俾朋友架）

優惠延長！阿聯酋航空來回歐洲連稅HK$4,561起，6月18日前出發

中東三寶之一嘅卡塔爾航空，將於6月16日推出多哈飛阿姆斯特丹新航線，梗要賀賀佢：香港出發來回HK$2,880起，連稅HK$5,156起，呢張飛兩大賣點：1. 暑假期間出發都有少量平飛；2. 多哈飛阿姆斯特丹用全新787-8夢幻客機。講真呢口價淡季唔算吸引，而且又唔可以OpenJaw，除非旺季或想試首航，否則等下期優惠再買，出發日期由6月16日至8月12日、9月7日至12月10日，機票有效期1個月，可以上官網買飛。

網址：www.qatarairways.com

（覺得抵可用Whatsapp同LINE Share俾朋友架）

卡塔爾航空首航阿姆斯特丹，坐787夢幻客機來回$2,880起，暑假都有，12月10日前出發

英航香港來回歐洲票價一向高企，不過呢一招可能幫大家慳唔少：只要先搭國泰（或馬航，相信您都唔會搭）由吉隆坡返香港，然後隔一段日子（因為可中停香港）再搭英航飛歐洲（換言之拆開兩個Trip玩），來回淨機票HK$1,330起，連稅HK$2,718起，可謂極品抵買！至於航點，基本上覆蓋英航所有歐洲城市，熱門如巴塞隆拿（來回連稅，下同）HK$3,235起、馬德里HK$3,323起、阿姆斯特丹HK$3,337起、米蘭HK$3,393起、巴黎HK$3,408起、斯德哥爾摩HK$3,414起、羅馬HK$3,431起、奧斯陸HK$3,525起、蘇黎世HK$3,535起、布達佩斯HK$3,571起、倫敦HK$3,605起、維也納HK$3,626起、慕尼黑HK$3,722起、布魯塞爾HK$3,781起、法蘭克福HK$3,802起，但更有睇頭係一眾冷門又罕劈嘅地點，例如直布羅陀HK$3,305起、華沙HK$3,313起、薩格勒布HK$3,320起、里斯本HK$3,333起、尼斯HK$3,455起，數之不盡，仲可以坐A380兼可免費中停倫敦及Open Jaw添（最平Open Jaw就係圖中嘅倫敦入巴塞隆拿出）！大家不妨花時間組合心水來回城市。Check過系統，供應量不太多，平飛主要係6月中前出發，之後出發就冇咁平。

就算加埋香港飛吉隆坡AirAsia飛，來回埋單唔駛四千！比尋晚介紹嘅漢莎Double Open Jaw更有睇頭，事關搭英航+國泰可以將里數儲入Avio里數計劃中，以100%計一共約賺13,xxx里以上（不過留意4月28日後購買就要用新方法計里數，由以往100%大幅降至25%，幸好以出票日期計而非旅遊日期），足以換取一張來回台北機票！咁您話抵唔抵呢？機票有效期長達1年，官網冇呢口價，即刻去Expedia搶飛！

提提您：第一段吉隆坡返香港必須要飛，一旦No Show，其後行程均會被航空公司取消，敬請留意！

網址：www.expedia.com.hk

（覺得抵可用Whatsapp同LINE Share俾朋友架）

國泰吉隆坡返香港 + 英航香港來回歐洲，連稅$2,718起，坐A380再賺台北機票！6月份出發

嘩！想飛歐洲又有爆爆爆爆平盤！今次係一隻Double Open Jaw，要麻煩啲啲：坐漢莎航空由吉隆坡飛歐洲，回程返香港（請用”多個目的地”搜尋），來回淨機票係HK$1,100起，連埋稅都只係HK$2,841起！係HK$2,841起！最平係杜塞爾多夫入盧森堡出。想大路啲，仲有以下選擇（連稅計）：倫敦入巴塞隆拿返HK$3,174起、巴黎入布魯塞爾出HK$3,261起、倫敦入米蘭返HK$3,317起、羅馬入馬德里出HK$3,334起、巴塞隆拿入馬德里出HK$3,384起、布拉格入威尼斯出HK$3,553起、倫敦入巴黎返HK$3,659起，仲有其他城市組合，加埋AirAsia單程香港往吉隆坡機票及20kg行李，埋單唔洗HK$4K！又順便玩埋吉隆坡，唔怕轉機者，呢碟一雞幾味實在太抵食！機票有效期3個月（一般平飛只係1個月），出發日期由依家至6月30日，Check過系統，供應足，可惜各個旺季未見有平。最後訂飛日期為3月20日，睇啱就即刻撲上Expedia訂。

網址：www.expedia.com.hk

（覺得抵可用Whatsapp同LINE Share俾朋友架）

嚇平價！漢莎航空吉隆坡飛歐洲，歐洲返香港，來回連稅$2,841起，6月30日前出發

法航荷航（同公司嚟）新推出直航平貨，頗有睇頭：來回巴黎及阿姆斯特丹淨機票HK$4,150起，連稅計：阿姆斯特丹HK$4,876起，巴黎HK$5,109起，當中以阿姆最抵玩，因為就算轉機都好少平，今次直航連稅唔駛HK$5K，真係太抵了吧！出發日期由依家至5月31日、10月3日至12月31日，不過Check過系統，平飛主要集中喺10至12月秋冬時份，當中阿姆貨量較多，巴黎貨量極少（或者一程要轉機先有平）。至於轉機盤，由於佢哋啲燃油附加費出晒名貴，計落仲貴過中東三寶，咁梗係食三寶好過。官網有”顯示整個月份”選擇，較易搵到平飛組合。機票有效期1個月，最後出票日期為4月5日。

網址：www.klm.com

（覺得抵可用Whatsapp同LINE Share俾朋友架）

直航罕筍！法航飛巴黎及荷航飛阿姆斯特丹來回$4,150起，12月31日前出發

無見一排嘅土耳其航空又有新搞作！經伊斯坦堡轉機飛歐洲各大城市，來回淨機票HK$4,040起，連稅計：哥本哈根HK$5,547起、莫斯科HK$5,526起、阿姆斯特丹HK$5,580起、米蘭HK$5,595起、羅馬HK$5,675起、巴黎HK$5,820起、巴塞隆那HK$5,825起、馬德里HK$5,863起、法蘭克福HK$6,058起、曼徹斯特HK$6,336起、倫敦HK$6,562起、波圖HK$6,591起，雖然比中東三寶貴少少，但土航都係好嘢嚟，以價論價唔輸蝕。呢張飛有2大賣點：1. 可OpenJaw（英國入，其他城市走，可慳番英國機場離境稅）；2. 機票有效期3個月。如果想Stopover伊斯坦堡要補HK$700，出發日期由依家至11月30日，Check過系統，供應量集中10月同11月。

如果想玩埋曼谷，可自制Double Open Jaw（不同城市來回），舉例由香港去慕尼黑、奧斯陸返曼谷，連稅HK$4,403起，再加張斯里蘭卡航空單程返香港連稅約HK$1,000左右，咁就可以亞、歐齊齊玩喇！最後出票日期3月31日，啱就上ZUJI買。

網址：www.zuji.com.hk

（覺得抵可用Whatsapp同LINE Share俾朋友架）

土耳其航空來回歐洲$4,040起，機票有效期3個月，11月30日前出發