歐洲秋季平機票陸續嚟，繼卡塔爾航空後，對手阿聯酋都出招，出發日期為7/10 – 15/12（回程不適用於13/12 – 24/12），先講價錢（來回連稅計）：伊斯坦堡HK$6,241起，米蘭HK$6,544起，阿姆斯特丹HK$6,584起，羅馬HK$6,585起，巴黎HK$6,812起，法蘭克福HK$6,923起，威尼斯HK$6,928起，馬德里HK$6,992起，日內瓦HK$7,141起，布拉格HK$7,183起，巴塞隆拿HK$7,188起，里斯本HK$7,190起，倫敦希斯路HK$7,416起，仲有其他歐洲城市，自己上官網望望。來回地點可以選擇Open-Jaw，亦可以免費中停杜拜（補交杜拜機場稅HK$180就得）。不過同舊年比較，今年價錢普遍貴HK$500，雖然阿聯酋貴為全球最佳航空公司，唔通咁就要加價？我哋意見係：唔太吸引！機票有效期1個月，最後出票日期為28/7。

網址：www.emirates.com

（覺得抵請記得按Like同Share俾朋友）

五六月有兩個小Long Weekend（即係放週五或週一，連埋週六日合共有3日大假），一個係五月佛誕，一個係六月尾回歸假期（1/7正係週一）。佛誕太趕？咁今次就為大家搵下回雞（噢！回歸先啱）假有乜平機票玩短Trip。Check過系統，暫時以台灣及曼谷抵玩，今次先講曼谷：搭阿聯酋航空飛曼谷，週五晚放工出發（EY385 22::10/00:05），週一下午搭EY384（13:45/17:35）返香港，來回均搭A380班次，唔駛請假，來回連稅HK$2,587，商務客位來回連稅亦只係HK$4,717，同平時相若，唔炒飛算佢有良心。講真，以咁Last Minute先訂Long Weekend機票，呢個價仍屬抵玩，況且唔駛請1日假呢（假設週六不用上班）！上官網訂吧！

網址：www.emirates.com

（記得按下面「讚好」Share俾Facebook朋友）

想搵春季歐陸筍盤，點可以唔睇埋阿聯酋航空？佢精選劈咗幾個大城市，10/6前出發，飛巴黎$6,215起（來回連稅，下同），米蘭$5,953起，法蘭克福$6,391起，倫敦$7,120起，曼徹斯特$7,098起，Open Jaw（即唔同城市往返）都有靚價！機票有效期3日-1個月。以價論價：米蘭連稅跌破HK$6K心理關口，梗係好抵（話時話，國泰fanfares都有幾期冇見米蘭），巴黎同法蘭克福六千頭，都有睇頭！Check過系統，呢批價錢唔太難搵到，尤其係四月復活節後到六月頭，考試季節，想貴都難。此外，飛去美國東岸嘅紐約來回連稅HK$8,020起，供應量相對少啲，不過因為轉機時間短，兩程都係2-3小時，加上杜拜來回紐約坐番A380，性價比超高！最後提提您，經TopCashBack.com入阿聯酋官網可享有1.25％回贈優惠，唔知點玩回贈？按此睇睇吧！最後出票日期為15/3。

網址：www.emirates.com

（記得按下面「讚好」Share俾Facebook朋友）

22:00 4/2 Updated：漏洞已封

嘩！呢個必定係「又飛啦！」成立以來見到最大嘅漏洞價！是咁的：香港飛葡萄牙馬德拉島首府豐沙爾（Funchal），來回連稅只需HK$2,734起！如果回程揀里斯本出發，仲平啲！來回連稅只需HK$2,542（US$326）起，係連稅呀！香港飛豐沙爾要轉兩程機，先搭阿聯酋航空飛杜拜（仲可以搭A380），然後轉番阿聯酋航空飛里斯本，里斯本飛豐沙爾個程就改搭葡萄牙TAP航空。由於阿聯酋航空同葡萄牙航空有代碼共享協議，所以就算成套機票都用葡萄牙航空編號出票，來回最長嗰兩程都係搭阿聯酋航空。香港飛歐洲，淨係俾稅同燃油附加費，來回起碼HK$2K-3K，今次來回歐洲機票連稅竟然只係HK$2,542起？唔駛講，9999999999999999999999999999999999%係漏洞價！Check過系統，漏洞價雖然唔係日日有，但基本上覆蓋全年，包括暑假呢！趁依家仲係歐洲假日時間，航空公司IT部門冇人處理，今晚拿拿聲搶啦！呢個價無論阿聯酋航空抑或葡萄牙航空官網都冇，但喺全球各大機票網站都有，例如expedia.com，香港就有cheaptickets.hk，據網友報料，暫時知道去expedia.com買係會收到e-ticket嘅，其他就暫時未有消息，如果大家試過其他網站買到而又有e-ticket，請報料！至於呢啲漏洞機票，據之前往績，航空公司多數會認數，不過為保障自己，建議大家買咗後靜觀其變，唔好Book酒店住，等航空公司稍後公佈點樣處理先再決定，就算唔認數，反正都會退番錢俾您，毫冇損失吖！梗係訂咗先算啦！

expedia網址：www.expedia.com

例子：5/3香港飛豐沙爾，14/3里斯本返香港

cheaptickets.hk網址：www.cheaptickets.hk

例子：5/3香港飛豐沙爾，14/3豐沙爾返香港

豐沙爾．馬德拉島資料：zh.wikipedia.org

（記得按下面「讚好」Share俾Facebook朋友）

香港飛美國東岸不嬲都好鬼貴，就算轉機，慳極連稅都起碼HK$7K（國航最近有優惠）。提起阿聯酋航空，好少會聯想起飛美國，皆因一向唔平，但最近情況有變，官網終於推出美國東岸城市機票優惠：飛紐約及華盛頓，來回連稅HK$7,540，出發日期由依家到7/2；15/2至27/3；3/4至10/6，機票有效期1個月。最大賣點當然係性價比超高：只係貴國航幾舊水，來回就可以坐A380（杜拜轉機，不過四程機中可能有一程唔係A380），長途機坐A380點都舒服啲；而且阿聯酋航空最近推出咗里數推廣，搭指定班次即可獲贈額外里數，就以香港<->紐約一次來回為例，連埋Bonus可以賺16,500里左右，非常接近免費換領一張來回香港<->曼谷機票，又或者下次飛曼谷時每程用10,000里起幫自己Upgrade一個Class（例如經濟Up上商務，商務Up上頭等）；呢隻機票可以免費中停杜拜（有啲轉機時間超過10小時，仲好！嚟個Day Trip玩杜拜已經Good Enough）。最後提提您，經TopCashBack.com入阿聯酋官網可享有1.25％回贈優惠，唔知點玩回贈？按此睇睇吧！最後出票日期為6/2。

網址：www.emirates.com

（記得按下面「讚好」Share俾Facebook朋友）

阿聯酋航空春季早餐盤終於上市！減價遍佈全球航點，出發日期為18/1至10/6（8/2至14/2；28/3至2/4不適用），機票有效期為1個月，飛曼谷來回連稅HK$1,966起（4月潑水節期間仲有！），飛歐洲連稅HK$6,223起，普遍城市比冬天仲要平HK$200至HK$300左右，最正係揀唔同城市往返都有折扣！以熱門城市計，連稅後，飛聖彼德堡HK$6,329、羅馬HK$6,439、米蘭HK$6,506、阿姆斯特丹HK$6,562、蘇黎世HK$6,604、幕尼黑HK$6,793、巴黎HK$6,780、威尼斯HK$6,785、法蘭克福HK$6,927、尼斯HK$6,952、日內瓦HK$7,013、漢堡HK$7,199、杜塞爾多夫HK$7,263、倫敦希斯路HK$7,710、曼徹斯特HK$7,768、格拉斯哥HK$7,999、伯明翰HK$7,996、紐卡素HK$8,033；去杜拜HK$6,190；去南非約翰尼斯堡、開普敦同埋德班都係HK$7,382。留意香港來往杜拜只限揀EK 383或EK381/385，最後出票日期為10/1。

網址：www.emirates.com

（記得按下面「讚好」Share俾Facebook朋友）

「又飛啦！」一向堅守「唔筍唔報」精神，所有優惠資訊都幫大家過一過濾。就好似阿聯酋航空尋日公佈嘅機票優惠，佢將旗下共39個航點機票減價，細看之下，普遍減幅唔多，同做開嘅淡季價錢相若，真係抵嘅就有兩個：一個係飛杜拜，來回連稅HK$6,466起，另一個就係今次介紹嘅飛曼谷商務客位！飛曼谷嘅經濟客位，今次只係減HK$200咁大把（連稅HK$1,839起），但商務客位減幅高達HK$1,000！之前來回連稅起碼HK$4,700，依家最平低至HK$3,709，喂！搭A380喎！雖然坐商務客位冇得享用機上沐浴設備（因為係頭等乘客尊享），但由於商務同頭等一樣坐樓上嗰層，仍可享用機尾嘅A380酒吧，而且坐位一樣可變身成Flat-Bed添！加上可享用5星級飛機餐以及香港／曼谷兩地機場嘅貴賓Lounge，連稅HK$3,709呢口價，抵到暈啦！一於趁今次減價豪一豪佢！

網址：www.emirates.com

（記得按下面「讚好」Share俾Facebook朋友）

（相片版權：Cavendish Press）

飛歐洲劈價嘅，點可以走漏阿聯酋航空？佢呢個Weekend推出限時劈價，16/9週日前訂飛，出發日期為20/9至10/12，飛多個歐洲／杜拜以及南非皆有減價，雖然幅度唔係太多，但以佢咁高質素飛歐洲連稅都係HK$6,513起，值得您望一望。先講歐洲，連稅價計，飛聖彼德堡HK$6,513、羅馬HK$6,634、米蘭HK$6,699、阿姆斯特丹HK$6,752、蘇黎世HK$6,794、幕尼黑HK$6,947、巴黎HK$6,961、威尼斯HK$7,051、法蘭克福HK$7,061、尼斯HK$7,210、日內瓦HK$7,309、漢堡HK$7,441、杜爾塞多夫HK$7,503、倫敦希斯路HK$7,873、曼徹斯特HK$8,065、格拉斯哥HK$8,254、伯明翰HK$8,279、紐卡素HK$8,316；去杜拜HK$6,764；去南非約翰尼斯堡、開普敦同埋德班都係HK$7,763，機票有效期長達4個月，抵晒啦！聽日就截止啦！快手去官網望望啦！

網址：www.emirates.com

（記得按下面「讚好」Share俾Facebook朋友）