濟洲航空不嬲都有拎Last Minute機票劈一劈，以往呢類指定日子來回嘅Block Seat位必須直接同香港總代理預訂，依家佢就醒啦：擺上官網任你訂！以後Non-Office Hour都買到。依家佢率先掟一批9月尾10月出發嘅Block Seat位，淨機票只需HK$1,100，連稅HK$1,940，機票有效期雖然寫17日，但由於須指定日子來回（佢亦寫明不可更改日期），所以您當冇得改算啦！論價錢，雖然佢係午去早返，前後冇咁兩日，不過相比起大韓或韓亞平成千幾蚊，咁就唔同故仔喇！想Free啲自定來回日期？10月內出發只係多俾HK$400 => HK$1,500就搞掂，連稅HK$2,340，呢隻機票有效期就係17日，要平定要自由，自己揀啦！

網址：en.jejuair.net

（記得按下面「讚好」Share俾Facebook朋友）

自從濟洲航空退出釜山航線後，想平平地飛釜山，唯有靠釜山航空幫手啦！佢最近推出咗秋季出發平機票，出發日期為1/10 – 30/11，7日有效期，淨機票HK$1,390起，連稅HK$2,176起，11月正喺釜山紅葉期，Check過系統，呢一刻訂11月嘅飛仲有呢個價！今年想平平哋睇紅葉又有著落鳥～～～要留意釜山航空唔係日日有機嘅，去程逢二／四／六（BX392 01:50/06:10），回程逢一／三／五（BX391 22:00/00:25），時間其實幾靚，一於週五放工後飛，週一晚上返，淨請一日假就可以閃去釜山睇紅葉，爽爆啦！

網址：en.airbusan.com

（記得按下面「讚好」Share俾Facebook朋友）

飛日本韓國，一般都以直航為首選，但如果您想一次過玩齊兩個城市（即係日韓 + 中轉站），長榮呢隻特價飛要留意喇！經台北轉機飛日本同韓國，直到年尾都有優惠，日本方面，最平東京成田HK$1,600起，大阪HK$1,650起，福岡HK$1,900起，札幌HK$3,200起（年尾除咗聖誕21/12 – 26/12外都可以用，比起日航/ANA東京轉機都抵一截），飛首爾嘅亦只需HK$2,130起，咁當然比直航唔平幾多，推介佢純粹因為可以免費中停台北（可免費揀一程中停，來回都中停就加HK$1,000），而部份台北出發之航班亦有Hello Kitty班機，詳情（包括價錢，出發日期，機票有效期等等）請瀏覽官網。

網址：www.evaair.com

（記得按下面「讚好」Share俾Facebook朋友）

2013年嘅農曆新年，勁好去旅行！皆因年初一（10/2）係搭正星期日，香港政府會補番年初四（13/2）星期三做假期，連埋年三十晚（9/2）星期六，變相有一連5日假期（假設您返五日工），如果唔駛拜年，呢5日足夠去亞洲區玩餐飽。如果堅唔想請假，要指定9/2去13/2號返，真係好難搵到平機票，不過就俾我哋「又飛啦！」搵到漏網之魚！釜山航空每星期有三班機飛釜山，去程逢二／四／六，回程逢一／三／五，咁啱踏正農曆年長假期，如果揀年三十晚去（9/2）年初四返（13/2），竟然仲有平飛：淨機票HK$2,323，連稅就HK$3,086。您可能話：車！又唔係一千幾百蚊，咁都叫抵？根據小弟經驗，每逢呢類長假期，機票唔炒到天價就奇，用番呢個來回日期去曼谷，AirAsia都收你連稅HK$3K，但飛釜山班次咁疏都仲有呢口價，算非常唔錯！趁大家焦點未去到農曆新年，快手訂咗先，想等釜山Last Minute Offer？冷門地點，大時大節唔好搏呀！

網址：www.airbusan.com

（記得按下面「讚好」Share俾Facebook朋友）

「又飛啦！」Fans獨家優惠又嚟料！今次輪到首爾套票，搭濟洲航空3日2夜入住首爾GOD Service Apartment（韓寓服務式住宅），5人一齊住就每人HK$2,430起（未連稅，下同），一般2人同行就HK$2,730起，呢個價19/8 – 30/11適用，即係話八月暑假又可以平飛首爾啦！正！而18/8之前就每人貴四至六舊到，以8月極旺季出發嚟講算合理，嫌3日2夜唔夠玩？呢張機票有效期為7日，雙人房每晚只係HK$800（即每人多俾HK$400一晚），暑假嚟講OK呀（況且首爾住宿唔平）！今次最大賣點，就係「又飛啦！」Fans訂購此套票每人可額外減HK$100（即係HK$2,330起）！加上呢隻套票本身都勁多著數，例如：1. 送單程首爾仁川機場去GOD Service Apartment專車接送；2. 韓國觀光局送出機場鐵路1+1免費乘車換領券 ＋BIBAP 音樂劇表演折扣換領券 ＋愛莉薇絲麗美麗城美容護理套餐券（數量有限，送完即止）；3. 濟洲航空仲加送Big Bang具珍藏價值之 postcard或韓風扇每位一份，只要您直接向香港總代理購買，並表示：”我係「又飛啦！」Fans” 同留底Facebook用戶名稱即可尊享以上優惠。至於間GOD Service Apartment，位於首爾麻浦區中心，機場巴士6015號直達，地下鐵5號線上蓋，鄰近各主要購物區（如東大門、明洞、梨泰園、新村弘大），交通便利。最正嘅係：員工都識得講廣東話或普通話！唔駛雞同鴨講啦！各位「又飛啦！」Fans，即Call濟洲航空假期出飛啦！

查詢電話：2185 6499

（記得按下面「讚好」Share俾Facebook朋友）

公佈喇！濟洲航空香港總代理特別為「又飛啦！」Fans特別預留一批釜山平機位，指定去程21/8（週二），回程27/8（週一），橫跨Weekend，超特價HK$1,500（連稅HK$2,289）。Check過系統，濟洲8月飛釜山嘅平機票已賣少見少，香港總代理特別為「又飛啦！」Fans預留呢批機票，首先多謝濟洲航空對「又飛啦！」嘅支持！仲有呀！經打電話去香港總代理訂飛（只需表示 “我係「又飛啦！」Fans！” 及留下FB用戶名稱），仲特別加送一份BigBang精美紀念品，你可以揀BigBang扇，精美紀念筆及Memo Pad，網上訂飛冇架！「又飛啦！」Fans即Call 2185 6499出飛，數量有限！

查詢電話：2185 6499

（記得按下面「讚好」Share俾Facebook朋友）

喺28/6，我哋「又飛啦！」同大家介紹過濟洲航空香港總代理有一隻團飛，指定7/7去11/7返，機票價為HK$1,380（未連稅，下同）。可能要限死日子嘅團飛唔受歡迎啦！佢再推出更自由嘅Last Minute方案：只需指定於7/7或14/7去，回程任揀（有效期為7日），今次仲平：來回只需HK$888！話晒都叫7月吖！加上呢兩日都係週六零晨：即係週五放工出機場，搭佢零晨01:50班機，真係抵到爆炸！可以咁鬼平飛釜山麗水睇世博，搶遲一步應該無！不過如果網上賣晒，不妨打佢香港總代理問問，或者有意外驚喜呢？

網址：en.jejuair.net

查詢電話：2185 6499

（記得按下面「讚好」Share俾Facebook朋友）

知唔知南韓麗水正舉行世博會？一般旅客會從首爾搭KTX高鐵落去（麗水位於南韓西南方嘅全羅南道），需時3小時，但其實仲有又平又快嘅方法：就係經釜山啦！搭巴士只需2.5小時就到，而且依家訂釜山機票，仲平過首爾呢！濟洲航空香港總代理剛推出一套指定日期來回嘅團飛筍盤，去程指定係7/7零晨出發（01:50/06:15），回程指定係11/7晚上起飛（22:00/00:25+1），玩足5日，淨機票只需HK$1,380，以7月出發嚟講係好抵，況且7/7週六零晨出發，即係6/7週五晚放工後先出機場，夾埋只需請3 日假。話時話，濟洲航空呢排可能生意好到痺，好耐冇推出Last Minute劈價，今次佢淨係劈釜山，冇首爾，所以想平飛麗水睇世博，呢個係最佳機會！想就打去香港總代理出票啦！

查詢電話：2185 6499

（記得按下面「讚好」Share俾Facebook朋友）