依家先決定復活節去旅行？仲要想唔請假嚟個四日三夜Trip？Well！日本機票超級貴（炒到六七千連稅），不如飛首爾啦！Check過各大訂票網，做埋比價，發現韓亞仲有少量來回淨機票HK$3,740連稅HK$4,579之選，係就貴啲，但韓亞不嬲都唔係便宜之選，呢個價比淡季只係貴一千左右，算合理啦！喺真旅網有得賣，去程OZ722（13:15/17:30），勝在回程OZ749（20:10/23:00）係夜機，叫住仲有3.5日玩。當然您肯請假避開紅日來回，梗係平啲啦！睇下您想要乜囉～以咁Last Minute先買大節目飛嚟講，OK啦！

網址：www.travelzen.com

（記得按下面「讚好」Share俾Facebook朋友）

今年想飛去日本睇櫻花？機票超級貴呀！不如改去韓國吖！好似釜山嘅鎮海櫻花祭，堪稱全韓國最熱鬧嘅櫻花慶典之一，亦係偶像劇「羅曼史」嘅拍攝場地，每年都迫爆賞櫻花人潮，更難得嘅係：去釜山機票，遠比日本合理！就好似釜山航空咁，如果踏正4月頭櫻花期，來回只係HK$2,768起，連稅HK$3,574起；如果可以避開櫻花高峰期，5月前飛釜山仲有超平之選：來回HK$1,090起，連稅HK$1,896起，7日有效期，非常抵玩，春天飛韓國，好時機喔！最後出票日期為15/3。提提您：釜山航空由31/3起增加香港<->釜山航班，由每週三班增至五班，分別逢二／三／五／六／日各對飛一班，去程02:05/06:10，回程22:05/01:15+1。

網址：en.airbusan.com

（記得按下面「讚好」Share俾Facebook朋友）

都有一排冇同大家講濟洲航空，鬼咩！都冇乜平嘢，尤其係佢啲Last Minute Block Seat（即指定日子來回）由十二月起直頭失咗蹤！不過依家一月淡季，平機票又返嚟啦！佢喺官網賣緊四組指定日子來回首爾機票，淨機票HK$1,600，連稅HK$2,426，出發時間包括：29/1去5/2返；4/2去6/2返；4/2去10/2返；5/2去11/2（初二）返，除咗4/2去6/2時間太短唔推介外，其他都有一星期時間，5/2嗰組仲係跨週末兼農曆新年！雖云來回時間唔靚，但總算有足夠時間玩首爾啦！係人都知國泰fanfares最抵，之不過唔係成日有首爾，況且就算有，都冇一至二月份出發選擇了！

網址：en.jejuair.net

（記得按下面「讚好」Share俾Facebook朋友）

尋日您搶唔搶到國泰首爾HK$1,090 fanfares機票？冇？買韓亞啦！由依家到26/3出發（7/2 – 13/2農曆新年期間不適用），來回機票都只係HK$2,070（連稅HK$2,863），係就貴國泰fanfares成千蚊，但佢有兩大賣點：1. 冇限班次（可以揀零晨機去夜機返，慳酒店錢 + 賺時間）；2. 機票有效期長達1個月（fanfares只係14日），況且以韓亞質素，HK$2,070係非常超值之選。至於佢會唔會再劈？簡單答您：唔似佢作風囉～去Zuji出飛啦！最後出票日期為31/1。

網址：www.zuji.com.hk

（記得按下面「讚好」Share俾Facebook朋友）

明年農曆新年，由於大年初一為週日（10/2），所以會補番大年初四（13/2）為假期，連埋週六（9/2）年廿九除夕，一連有5日假期（假設您返5日工），所以預計機票供應會非常緊張！事實上，搭正呢幾日來回嘅機票，去邊度都超級貴，不過如果您肯提早1日半出發，飛首爾呢一刻仲有筍盤：揀乘泰航，來回淨機票HK$2,240，連稅HK$3,087，雖然唔係一千幾百個隻，但當廉航濟洲航空同日來回連稅都賣緊HK$3,448嘅時候，一睇就知呢張泰航機票抵啦！雖然佢係午機去早機返（去程TG628 15:30/20:05；回程TG629 10:50/13:50），前後冇咗兩日，但中間都仲有4個Full Day，以1.5日大假換成足4日旅程，都算抵請。想週六先出發？得！大韓連稅HK$5,287吖唔該！泰航官網冇得訂，去真旅網啦～

網址：www.travelzen.com

（記得按下面「讚好」Share俾Facebook朋友）

早喺31/10，我哋「又飛啦！」講過大韓冬季21/12前出發飛首爾跌至HK$2,000低水平，咁21/12之後呢？終於有喇！大韓推出明年冬春早餐盤，出發日期為1/1 – 7/2 + 14/2 – 27/3，來回淨機票HK$2,030，連稅HK$2,877，延續冬天低價水平！去程仲可以揀A380航班KE608（00:55/05:20），正喎！Check過系統，供應量充足，至於貼近復活節呢？27/3（優惠最後一日）去就無呢個價，26/3就有，回程1/4（最後一日公眾假期）最遲只可搭KE613（10:10/12:45），不過HK$2,877連稅飛首爾過復活節，都有得諗喎！官網未有得賣，去真旅網啦～

網址：www.travelzen.com

（記得按下面「讚好」Share俾Facebook朋友）

30/10，我哋「又飛啦！」先同大家報大韓冬天飛首爾HK$2,000，對手韓亞終於還拖！淨機票減至HK$2,125，連稅HK$2,943，跌破HK$3K，以韓亞嚟講算係好少有（上一次已經喺上年28/10，剛好一年前），出發日期去到19/12，機票有效期為1個月。雖然比大韓貴HK$125，但呢隻特價飛賣點係班次選擇比大韓多，連勁受歡迎嘅零晨機OZ75o（01:10/05:30）都有！方便大家週五放工後趕去首爾Happy！回程最夜嗰班OZ745（19:40/22:30）亦可以俾您選擇，不過Check過系統，呢兩班機非常受歡迎，有啲日子已經搶光，想早去夜返者，快喇！呢隻特價飛可以去Zuji買。您可能話：國泰本週fanfares飛首爾只係 HK$990咋喎！但人家機票有效期短，短玩首爾者，的確國泰係抵啲，但首爾線坐位向來唔係太吉，國泰駛唔駛每週都劈首爾呢？都要觀察一段時間先可定論。

網址：www.zuji.com.hk

（記得按下面「讚好」Share俾Facebook朋友）

記憶所及，「又飛啦！」好少提大韓優惠，因為佢好少劈價，飛首爾淨機票HK$2,500一向企得幾硬，不過踏入冬季，終於忍唔住啦～～21/12前出發（事實上21/12出發嘅賣晒，20/12出發就仲有貨），1個月有效期，飛首爾只係HK$2,000，連稅HK$2,879，平五舊水，大韓咁高質素，呢個價竟然接近廉航，超值啦！官網就未有得賣，上真旅網出飛吧！Check過系統，出發主要係下午機，回程都有下午選擇，未算太差，最大亮點係機票有效期長達1個月，選擇20/12出發，年尾或明年年頭返港都仲有HK$2,000呢口價，遊晒成個韓國都得啦！

網址：www.travelzen.com

（記得按下面「讚好」Share俾Facebook朋友）