X
今早報過濟州航空指定日子來回首爾HK$1,380，如果唔想俾人Fix死晒來回日子，又可以今個月21號前出發，可以諗埋另一家廉航真航，總代理推出咗4人同行優惠，每人只需HK$1,500（未連稅，下同），單人飛就只係貴1舊水HK$1,600，唔係激平，但都叫抵。直接Call佢熱線出飛啦！
查詢電話：2524 4154
（記得按下面「讚好」Share俾Facebook朋友）
濟州航空秒殺優惠浪接浪，上星期一先出啫，今個禮拜又嚟！一樣HK$1,380（未連稅，下同），佢拎3個首爾來回指定時段同2個釜山來回時段，今次只有15/12去19/12返好合我心水，皆因可以玩盡埋週六日，有興趣朋友可以Call總代理訂飛。
查詢電話：2185 6499
（記得按下面「讚好」Share俾Facebook朋友）
買iPhone4s俾大陸外掛秒殺？唔好嬲，買濟洲航空平機票補數啦！佢哋又推出秒殺優惠，於12月頭指定日子來回首爾同釜山，5日機票，均一價HK$1,380（未連稅），除咗4/12去11/12返時間差少少外，其他日子都橫跨週末；話時話，今次佢首次推出釜山Last Minute秒殺機票，有假期又有興趣嘅，依家就拿拿林打電話去總代理訂位啦！手慢冇就唔好怪人鳥～～～
查詢電話：2185 6499
（記得按下面「讚好」Share俾Facebook朋友）
上星期同大家介紹過濟州航空嘅HK$1,380秒殺優惠，同樣係廉航嘅真航，都有樣學樣推出團體特價飛，只需HK$1,400起，須於22/12前出發，並於指定日子出發及回程，例如星期四出發嘅就要星期一返，星期五去就星期二返，星期二去就星期日返，即係5-6日票，比濟州多少一至兩日。想自由一啲，可以買佢7日票，只需HK$1,700，而12月到明年3月（23/12 – 27/12及21/1 – 26/1除外）就加至HK$1,900（四人同行每人可減HK$100）。至於聖誕旺季飛7日票就HK$2,600，呢口價就諗諗先。想訂呢啲平飛要打去佢香港總代理。提提你，做埋真航Facebook Fans每人可再減HK$50！
（記得按下面「讚好」Share俾Facebook朋友）
好耐都冇提過釜山航空，可能因為佢只係飛釜山，未必有咁多人留意，但其實釜山係韓國第二首府，身為韓迷，都好值得定期趁有平機票去吸「韓氣」。最近佢哋推出飛釜山早餐盤優惠，8/3/2012後出發來回只係HK$1,033起（未連稅，下同），唔想咁遲先去？1月嘅飛都仲有啲HK$1,602起嘅選擇。由於佢哋一星期只有三日有航班，加上只用細機飛，所以一有筍嘢都好快搶晒，睇下你又搶唔搶到吖！
（記得按下面「讚好」Share俾Facebook朋友）
一連幾位Facebook網友（包括Rachel、Janice以及Eliza）都查詢農曆新年期間去首爾有冇平機票或套票。大時大節，想有平套票就難喇，自己拆開機票同酒店訂啦！因為一般都係機票貴而酒店未必坐地起價，所以只要你率先搵到平機票，酒店慢慢揀都唔遲，況且首爾大把酒店，高中低檔總有一間啱心水，反而機位就有限（加埋航空公司要Hold住一批團飛）。Check過系統，都仲有來回連稅HK$3,000附近嘅筍盤，關鍵當然要避免最高峰日子來回（嗰啲日子來回連稅分分鐘去到HK$5K），今次就幫大家搵到以下組合，可供參考：
23/1 – 26/1：坐印度航空，來回連稅HK$2,992（時間靚，早去午返，只請1日假）
20/1 – 29/1：坐真航，來回連稅HK$2,655（雖然要早機返，但請20、26及27就拼到10日大假，抵玩！）
24/1 – 29/1：坐印度航空，來回連稅HK$3,043（時間靚，早去午返，只請2日假）
19/1 – 24/1：坐濟州航空，來回連稅HK$2,477（請2日假，初二早機返似乎早咗啲啲）
另一個選擇係澳門出發：
20/1 – 25/1：坐真航，來回連稅HK$3,184（只請1日假）
希望幫到大家！
（記得按下面「讚好」Share俾Facebook朋友）
繼10月份香港代理推出秒殺HK$1,380優惠後，濟州航空又添食，要喺指定日子來回，全部5日4夜，包括：5/9去9/9返，10/11去14/11返，11/11去15/11返，15/11去19/11返，18/11去22/11返，不設延期，要喺指定日子前出飛。若果今個月想去首爾又夾啱時間，不妨考慮，因為絕大部份都橫跨週末，可以嚟過Happy Crazy Weekend！
查詢電話：2185 6499
（記得按下面「讚好」Share俾Facebook朋友）
我哋曾經講過，連埋最近新加入嘅真航，依家香港<->首爾一共有8間航空公司提供服務，票價一定有下調空間。事隔一個月咋！韓國第二大航空韓亞就宣佈推出特價機票，去一起飛旅行網出飛，機票減至HK$1,869來回，嘩！跌破HK$2,000不特止，呢口價同廉航濟州航空差冇幾，但韓亞質素點都高啲，起碼用波音333或747寬體客機，坐都坐得舒服啲（尤其搭零晨航班，要瞓覺嘛）。出發日期到22/12，我哋Check過，22/12就賣晒啦！但21/12仲有位喎！早少少去，連埋聖誕假一齊放，又唔駛捱聖誕附加費，一來一回，慳唔少架！
留意位：
1. 最後出票日期：22/12
2. 出發日期：1/11 – 22/12
3. 機票有效期：7日
（記得按下面「讚好」Share俾Facebook朋友）
X