X
27/10係濟州航空啟航香港<->首爾一週年紀念，為慶祝盛事，濟州航空推出超平機票，只限27/10香港出發，來回只需HK$990（未連稅，下同），代理話名額只有20人，我估應該係回程每日只有20張供應，Check過系統，Weekend回程就冇晒喇！Weekday回程仲有少量供應，唔駛諗，即搶！呢張飛有效期係17日，快啲上官網Search下仲有冇日子啱你？
（記得按下面「讚好」Share俾Facebook朋友）
想趁秋冬平平地去首爾睇紅葉、食韓菜、掃化妝品，不妨考慮H.I.S.有一套超平首爾4日3夜套票。坐印度航空來回，去程早機08:05/12:25，回程下午機14:15/16:50，住東大門Cheapy酒店City Place 4日3夜都只收你HK$2,188，一人成行都得！不過我哋會建議你住另一間貴少少嘅乙支路高爺商業公寓好過，皆因俾多三舊唔夠，酒店質素好好多，起碼唔係殘殘舊舊，而且唔少香港人都住呢度，齋房每晚都要HK$600，除番開張機票只賣HK$1,200俾你，仲抵過坐廉航，不過呢個平Package去到11月尾，想年尾前都平平地去首爾，不妨考慮埋佢公司另一套坐大韓嘅3日2夜Package，住番乙支路高爺商業公寓就HK$2,658，至於聖誕節個幾日，價錢須要另報，詳情請問番H.I.S.啦！
網址：
印航4日3夜Package：www.his.com.hk
大韓3日2夜Package：www.his.com.hk
（記得按下面「讚好」Share俾Facebook朋友）
Priceline今日突然推出濟州航空Last Minute優惠，只限今明兩日，幫佢買首爾3個指定日子出發同回程機票（包括：24/9 去 28/9返；26/9 去 30/9返；27/9去 1/10返），來回一口價HK$1,180（未連稅）！官網都冇咁平！最搞鬼係連佢自己網站都冇得訂！聽早快快手打電話或者依家Email Book位喇！
訂購電話：3192 0900
電郵訂購：[email protected]
（記得按下面「讚好」Share俾Facebook朋友）
依家距離聖誕節仲有4個月，但平機票已經少之又少。想去韓國滑雪，Check過系統，23/12週五去26/12週一返嘅機票已經好貴，唯有廉航濟州航空仲有！佢平時來回機票官網賣HK$1,750，個幾日旺季只係加少少到HK$2,200，連稅HK$2,993，去程13:55/18:20，回程09:50/12:55，時間一般，勝在夠平，唔想咁早返？不如星期二先返，票價一樣，中午回港下午返工，勁！依家唔訂？就要遲啲買聖誕套票，但個陣一定有大把附加費要俾，咁又何必呢？
（記得按下面「讚好」Share俾Facebook朋友）
劈劈劈！劈開有條路！繼尋日介紹港龍HK$2,150兩套來回機票Promotion後（我都訂咗喇），今日又見韓亞航空（Asiana）推出Last Minutes劈價盤！我哋從來冇介紹過韓亞平盤，皆因佢好少減價。去Zuji Check 過，如果訂4/9 – 8/9平日去首爾，7日有效期，來回只需HK$1,797（連稅HK$2,555），而9月份其他日子都有啲HK$2,016平飛（連稅HK$2,774），但月中打後就冇乜囉！呢口價比廉航濟州航空只係貴三四舊，亦比平時最平嘅印度航空貴舊幾水，套用黃桂神金句，今次真係「以蔗渣嘅價錢，搭出燒鵝嘅味道」！
（記得按下面「讚好」Share俾Facebook朋友）
自從廉價航空釜山航空於6月開通香港<->釜山航線後，都幾受歡迎。呢間韓亞航空子公司，一星期對開飛三班，逢一、四、六凌晨機01:50/06:10，回程逢三、五、日晚機20:30/23:05，最好梗係週四凌晨飛週日返玩足4日啦！不過Check過系統，想買呢種組合飛，最快要去到22/9（週四）先買到佢最平嘅HK$1,123（連稅HK$1,884）選擇；如果唔介意平日飛，最快可以喺29/8（週一）去，31/8（週三）同2/9（週五）返都仲有得買。
如果堅想8月飛玩一個Weekend，暫時最平只有18/8（週四）去21/8（週日）返，但要HK$2,318（連稅HK$3,079）。雖然點都平過大韓航空嘅HK$3,730（連稅HK$4,026），但忍一忍就可以慳成千幾蚊，我就一定等下先囉。
（記得按下面「讚好」Share俾Facebook朋友）
X