X
大韓航空啱啱推出韓國兩大城市Last Minute靚盤，出發日期由1月20日至1月31日，來回淨機票HK$1,900起，連稅計：釜山HK$2,499起、首爾HK$2,536起。以傳統航空公司嘅Last Minute平飛嚟講都算抵玩，加上仲有個好味伴飯做飛機餐。Check過系統，去程以夜機為主，回程就不限，視乎供應，機票有效期7日，啱就上Priceline買。
（覺得抵可用Whatsapp同LINE Share俾朋友架）
大韓航空Last Minute優惠，飛首爾、釜山來回$1,900起，1月30日前出發
去日本同韓國想住好啲、住大啲，不如睇睇希爾頓集團（Hilton）嘅優惠。旗下多間日本同韓國酒店將於1月13日下午1時開始72小時半價劈，入住日期由1月13日至3月31日（相信農曆新年旺季期間唔會減）。今次參與嘅酒店包括：
日本:
Conrad Tokyo（東京港麗酒店） – 鄰近銀座
Hilton Tokyo Hotel（東京希爾頓酒店）- 位於新宿中心位置
Hilton Odawara Resort & Spa（箱根小田原希爾頓度假溫泉酒店）- 鄰近JR根府川站
Hilton Tokyo Bay Hotel（東京灣希爾頓酒店）- 位於東京迪士尼樂園內
Hilton Osaka Hotel（大阪希爾頓酒店）- 位於梅田中心位置
Hilton Nagoya Hotel（名古屋希爾頓酒店）- 鄰近伏見地鐵站
Hilton Fukuoka Sea Hawk Hotel（福岡海鷹希爾頓酒店）- 位於唐人町沿海區
Hilton Niseko Village Hotel（二世古希爾頓酒店）- 位於二世古溫泉區
DoubleTree by Hilton Hotel Naha（希爾頓那霸逸林酒店）- 位於輕軌站旭橋對面
Hilton Okinawa Chatan Resort（希爾頓沖繩北谷町渡假村）- 位於北谷町海濱
韓國:
Conrad Seoul（首爾康萊德酒店）- 位於汝矣島商業區
Grand Hilton Seoul Hotel（首爾希爾頓大酒店）- 位於西大門，鄰近弘濟地鐵站
Millennium Seoul Hilton Hotel（首爾希爾頓千禧酒店）- 位於首爾火車站對面
Hilton Gyeongju（慶州市希爾頓酒店）- 可享受普門湖湖景
Hilton Namhae Golf and Spa Resort（希爾頓南海高爾夫度假村）- 位於南海郡海邊
確實價錢要正式開賣先知，有興趣就Bookmark定下面條Link，下星期二（1月13日）下午1時準時開賣，最後訂房日期為1月16下午1時。老規舉：訂房前，請先比價。
（覺得抵可用Whatsapp同LINE Share俾朋友架）
希爾頓集團日韓酒店72小時半價劈，1月13日下午1時開倉！
好少有嘅國泰里數大劈價又嚟啦！今次最大賣點係首爾！為慶祝加開首爾紅眼機返香港（CX437，ICN 01:55 / 05:00 HKG，即返香港即返工），特別推出減10,000里數優惠：用Asia Miles兌換，來回首爾由原本需要30,000里減至20,000里（即減33%），單程更由原本20,000里大劈到10,000里（即減50%）！出發日期由2月1日至3月15日前完成行程（2月14日至22日不適用），回程必須揀新航班CX437，去程可以揀CX410 / 412 / 416 / 418 / 420 / 430 / 434 / 438（即係無限制）。依家首爾線被HK Express步步進迫，唔劈唔得，如果您唔想搭廉航／懶去搶飛，呢個里數優惠真係好抵，皆因國泰包晒行李寄艙 + 餐飲 + 機上娛樂，同廉航無得比。
至於台北及高雄，不論經濟／特選經濟及商務一律打8折，來回經濟位由原本需要15,000里減至12,000里（減20%），來往台北有指定航班（詳情請睇官網），高雄就冇限制睇供應，不過港台機票咁鬼平，用里數換台灣機票等如倒里數落海，講真打8折吸引力唔大，如手上里數唔多，梗係集中火力換首爾啦！優惠期至1月31日。
詳情：
https://www.cathaypacific.com/cx/zh_HK/book-a-trip/redeem-flights/I021.html （首爾）
https://www.cathaypacific.com/cx/zh_HK/book-a-trip/redeem-flights/I020.html （台灣）
（覺得抵可用Whatsapp同LINE Share俾朋友架）
罕劈！國泰來回首爾只需20,000里！台北高雄來回12,000里，3月15日前返港
Expedia近日除咗推出日本酒店優惠外，韓國首爾酒店都有平，有9間酒店參與優惠，入住日期由依家至3月31日，部份酒店低至半價起。呢4間平酒店各有睇頭：
1. 新村愛威爾8服務公寓酒店（http://flyagain.la/go07）每晚HK$566起（未連稅，下同），呢間人氣王一出優惠好快就賣晒！行去梨大地鐵站5分鐘，新村梨大各個購物區都喺附近，食買玩都易如反掌；
2. Ocloud Hotel Gangnam（http://flyagain.la/zzub）每晚HK$723起，位於新論峴站，喺江南地區一所較新嘅酒店，前往狎鷗亭相隔5個地鐵站，可以感受一吓韓國嘅咖啡文化，歎吓Hea吓都唔錯；
3. 西方最佳首爾花園酒店（http://flyagain.la/jtfl）每晚HK$746起，酒店由國際連鎖嘅Best Western管理，服務品質絕對有保證，附近有好多地道食店，包括韓燒、雞泡魚同牛肉湯飯店，真係諗吓都肚餓，另外行去麻浦地鐵站約6分鐘，交通都方便；
4. 首爾皇家酒店（http://flyagain.la/lavd）每晚HK$1,003起，最大賣點係提供免費機場專車接送（須事前向酒店登記乘車時間和人數），位於明洞購物區，方便到暈。
仲有其他平房可以上番Expedia搵，如果想喺櫻花期去玩嘅，見到平就要盡快訂房喇！最後訂房日期為1月25日。
提提您：想賺「亞洲萬里通」里數，要經以下Expedia指定網址訂房（要留意右上角有「亞洲萬里通」標誌，平時就咁入www.expedia.com.hk係冇里數賺嘅），填寫旅客資料時記得輸入有效嘅「亞洲萬里通」會員號碼，完成入住後4至8週內，里數會自動存入您AsiaMiles帳戶內，每消費HK$10即可獲2里程（不足HK$10不作計算，只計淨房價，稅款不可賺取里數），每次預訂不設最低消費額，多訂多賺。
1. 登記入住人士先可獲得里數，例如朋友A比錢，朋友B入住，咁就要填朋友B Asia Miles 帳戶號碼啦！
2. 記住入住人姓名一定要同Asia Miles帳戶姓名一樣，如果不同（例如Chan Tai Man vs Peter Chan），您就唔會獲得有關里數。
（覺得抵可用Whatsapp同LINE Share俾朋友架）
即買即用！Expedia首爾酒店$566起，可儲「亞洲萬里通」里數，1月25日前訂房
HK Express今晚又開倉喇！對比之前HK$1同HK$5單程，今次嘅吸引度大減，不過都有一定捧場客，如果想補飛都值得大家一睇，出發日期由1月6日至10月24日：中國航點單程HK$15起、台灣及東南亞HK$115起、韓國及東京成田HK$215起、日本HK$315起，以來回連稅計：昆明/寧波/鄭州HK$692起、台中HK$751起、檳城HK$822起、清邁/布吉HK$843起、釜山HK$1,038起、東京成田HK$1,047起、首爾HK$1,073起、福崗HK$1,140起、東京羽田/名古屋HK$1,245起、大阪HK$1,276起。根據以往經驗，HK Express嘅Server太爆，建議您不斷按F5或清晨先起身搶，每一步一有Error訊息就要狂F5，迫佢去下一步，直到成功俾錢為止，另外，價錢Bar所顯示價錢並非最抵價，大家要逐日逐日去睇睇呀。提提您，最後出票日期為1月12日23:59前。啱就上官網買啦！
寄艙行李費用：
台中、清邁、昆明、寧波、鄭州：
20kg 每程$150，25kg 每程$200，30kg 每程$250
東京成田、東京羽田、大阪、福岡、名古屋、首爾、釡山、檳城、布吉：
20kg 每程$200，25kg 每程$250，30kg 每程$300
HK Express網址：book.hkexpress.com
相關文章：必睇！香港快運訂票10大Q&A：http://flyagain.la/?p=9895
（覺得抵可用Whatsapp同LINE Share俾朋友架）
HK Express今晚00:00開倉，香港出發單程中國航點$15、台灣東南亞$115、韓國$215、日本$315起，1月12日晚23:59截飛
X