11:10am 11/12 Updated：痴線架？香港快運台中來回由$170再劈到$96，連稅HK$536？唔通Set錯價錢？

廉航香港快運連續6日劈，今晨00:00已開波！頭炮係台中，尋晚早瞓唔知道？再講多一次吧：來回淨機票HK$170，連稅HK$610（不包行李寄艙及飛機餐），出發日期為30/03/2014 – 25/10/2014，經過零晨一輛大搶購後，公眾假期出發暫時賣晒（例如復活節，回雞假等），但暑假7至8月就供應量充足，依家先訂都冇問題。最正嘅係廉航冇來回日子限制，鐘意玩幾耐都得，同學仔想明年暑假長玩台灣，呢隻飛要訂喇！

經過數次快運劈價經驗，佢會間唔中倒入新平飛入系統。如果心水日子冇平飛，今日不妨Keep住上快運官網Search吧！最後出票時間為今晚23:59。呢口價，三個字：抵到爆炸！

網址：www.hkexpress.com

相關文章：必睇！香港快運訂票10大Q&A：http://flyagain.la/?p=9895

（覺得抵請記得按Like同Share俾朋友）

廉航可以幾廉？呢單真係經典：香港快運突然怒劈大阪機票，來回淨機票HK$60，連稅HK$647！呢口價真係平到唔知點形容，出發日期為07/12/2013 – 16/12/2013，大阪去程限坐UO688（出發日期為逢週三、四、六、日，20:30/00:55），回程限坐UO689（出發日期為逢週一、四、五、日，01:50/05:15），雖然時間唔太靚，但平到咁，搵幾日過去行下街食下飯都抵啦！至於酒店，expedia.com.hk依家做緊大阪酒店劈價（詳情請睇：http://bit.ly/1cYgcpY），機票加酒店連稅分分鐘唔駛一千蚊！呢次真係迫您飛囉！最後出票日期為06/12/2013。

網址：www.hkexpress.com

（覺得抵請記得按Like同Share俾朋友）

多謝fans Kay Sit報料，香港快運今日突然靜雞雞推出一大批新劈盤，平到冇朋友（但記得Share俾朋友^^）！來回檳城HK$160（連稅HK$678），布吉HK$160（連稅HK$694），大阪HK$560（連稅HK$1,150），由依家到31/3都有（當然售完即止），其中以大阪最多人搶緊，布吉同檳城2014年1-3月都唔太難搵到。由於太多人同時湧入快運Server，佢已經死死下，如果入到去見唔到以上靚價，唔駛灰心，可能因為太多人同時Mark飛導致平飛暫時消失，如果有人最終冇俾錢，系統稍後會放番出嚟，所以Keep住Search實冇死，祝各位好運！

網址：www.hkexpress.com

相關文章：必睇！香港快運訂票10大Q&A：http://flyagain.la/?p=9895

（覺得抵請記得按Like同Share俾朋友）

聽日HK$50 fanfares機票的確極度震撼（震到連我哋Server都一度死咗，史上首次！依家已修復）！雖然航點唔同，佢對手香港快運都趁機出嚟抽下水，剛剛零晨00:00起又突擊開倉：推出3日劈，來回東京羽田HK$1,160起（連稅HK$1,688），大阪HK$1,250起（連稅HK$1,845），台中HK$570起（連稅HK$1,010），檳城HK$680起（連稅HK$1,200），清邁HK$820（連稅HK$1,358），出發日期01/01/2014 – 29/03/2014，最後出票日期為14/11。Check過系統，東京大阪大時大節梗係冇，大阪HK$1,250主要集中喺夜去零晨返之新班次（去程UO688 20:30 / 00:55，回程UO689 01:50 / 05:15），台中都係夜去早返，不過加HK$30就可以早去晚返，仍算入得過，趁依家未有人知，買咗先好瞓！

網址：www.hkexpress.com

相關文章：必睇！香港快運訂票10大Q&A：http://flyagain.la/?p=9895

（覺得抵請記得按Like同Share俾朋友）

又有日本平機票喇！今次主角係廉航香港快運。佢剛推出東京及大阪限時劈，飛東京來回淨機票HK$1,160起，連稅HK$1,688，比前日介紹嘅達美平HK$1,500；飛大阪來回淨機票HK$1,188起，連稅HK$1,639，同樂桃一般特價相若（如配合慳錢秘技［詳情請睇：http://flyagain.la/?p=10995］，樂桃平過快運HK$500），但仍屬抵買之列。東京平機票可直接揀”來回”方法訂購，大阪就要拆開兩個單程買先有靚價。以上價格不包括飛機餐及行李寄艙（寄艙費用：每程15kg HK$80，20kg HK$100），強烈建議訂飛時一併買埋行李寄艙，皆因事後先打電話訂，每人每程會多收HK$100手續費，非常唔化算！Check過系統，聖誕新年都冇，其他日子唔難搵。出發日期07/12/2013 – 29/03/2014，最後出票日期為08/11。

至於航班，07/12起香港<->大阪將新增一班，夜機去零晨機返，勁啱週四放工後即閃，週一凌晨機返港即返工，請一日假咋。

香港->大阪
UO688 HKG20:30 – 00:55KIX   3,4,6,7（07/12開始）
UO686 HKG09:30 – 13:55KIX　D

大阪->香港
UO689 KIX01:50 – 05:15HKG  1,4,5,7（08/12開始）
UO687 KIX14:50 – 18:15HKG  D

東京羽田
UO622 HKG19:05 – 00:30+1HND D
UO623 HND01:30 – 05:45HKG D

網址：www.hkexpress.com

相關文章：必睇！香港快運訂票10大Q&A：http://flyagain.la/?p=9895

（覺得抵請記得按Like同Share俾朋友）

02:24pm 1/11 Updated：今日（01/11）起，由於香港快運之燃油附加費向下調，每程由HK$229減至HK$120，來回變相減HK$218，配合前日推出之限時優惠，來回連稅計台中再劈到HK$638／昆明HK$674／清邁HK$889／檳城HK$880起，全部跌破一千大關，可謂近年史上新低！去澳門搭船來回都要三舊幾啦！請留意最後出票日期為今晚（01/11）23:59，行動要快！

廉航香港快運又推出新一輪劈價，今次玩限時劈：出票日期由依家到明日（01/11），出發日期為14/11 – 19/12，來回台中HK$198起（連稅HK$856），昆明HK$198起（連稅HK$892），清邁HK$350起（連稅HK$1,107），檳城HK$358起（連稅HK$1,098），以上價格不包括飛機餐及行李寄艙（寄艙費用：每程15kg HK$80，20kg HK$100）。4個選擇中以檳城最抵，Check過系統，呢一刻訂聖誕節機票（例如19/12去26/12返）都仲有呢口價（相信好快沽清），聖誕超旺季去旅行，每人連稅一千鬆啲就搞掂，仲想點呢？當然要過一個熱辣辣嘅聖誕啦！台中嗰批來回HK$198主要係去程夜機，至啱週五放工即閃去台灣嘅朋友；聖誕飛清邁就冇來回HK$350，不過12月普通日子就唔難搵到，講真呢口價超抵，港龍就算出fanfares都貴近一陪，更可況港龍好少出清邁fanfares價呢！

訂票之前，強烈建議大家請先熟讀香港快運訂票10大Q&A：http://flyagain.la/?p=9895。此外，更須切記如果需要打上Hotline，語言記得揀英文，唔好揀廣東話，因為中文熱線人手唔夠，長年冇人聽，但英文客服往往唔駛1分鐘就接聽，解決問題亦好迅速。儘管我哋每日都收到Fans對香港快運訂票嘅求助，只要您識得玩，買快運機票冇問題（小弟亦親身經歷過出唔到email及過數問題，一打英文熱線就搞掂晒，呢一招後來唔少fans試過係Work嘅）。

網址：www.hkexpress.com

（覺得抵請記得按Like同Share俾朋友）

27/10起，香港快運台中線將改以廉航營運。趁依家仲有免費行李寄艙同飛機餐，呢隻港航Last Minute Deal都有睇頭：出發日期限26/10前，最大賣點係可以台北台中不同城市往返（例如台北入台中出，台中入台北出），來回淨機票HK$1,040起，紫荊會會員再減HK$50（免費申請：http://bit.ly/XiCJvm ），即係HK$990起，連稅HK$1,648起，以Open Jaw機票嚟講，唔駛走回頭路兼咁Last Minute先買，仍算有睇頭（況且所有Open Jaw機票冇得用週末熱賣Promotion Code減，平日買冇蝕底）。機票有效期7日，去港航官網買吧！記得揀”多個目的地／中途停留”先搵到呢個Offer。

網址：www.hongkongairlines.com

（覺得抵請記得按Like同Share俾朋友）

早在03/10，廉航香港快運突然推出東京羽田來回淨機票HK$730，連稅HK$1,477起，最大賣點係連農曆新年同聖誕節正日來回都有！反應空前熱烈，搞到佢爆Server + Email停頓 + 熱線冇人聽得切，搞出大頭佛嚟。唔知佢係咪想同大家Say Sorry，呢！佢啱啱又靜雞雞倒入新一批平機票入系統，來回東京羽田淨機票HK$1,418起，連稅HK$2,166起，最大賣點係農曆新年都有，不過數量唔多。須知道買國泰／日航／ANA／達美，農曆新年期間飛東京來回連稅已起碼HK$6,500，依家平足2/3，就算比上次貴7舊，都值得去馬架（上次太平啦）！趁未有人發現，嗱嗱聲咪再Running Chicken喇！至於聖誕節，暫時仲見到21/12去27/12返都仲有HK$1,418，唔怕27/12一落機即返工嘅，絕對有得諗。以上價格不包括飛機餐及行李寄艙，寄艙費用：每程15kg HK$80，20kg HK$100。

必睇！香港快運訂票10大Q&A：http://flyagain.la/?p=9895

訂購網址：www.hkexpress.com

（覺得抵請記得按Like同Share俾朋友）