港航成日推出平機票，連帶啲套票都平過人。想搵個Weekend飛去越南河內走番轉，食下生牛肉檬，可以留意下Holiday Express嘅香港快運套票，3日2夜最平HK$1,990起入住 Chains First Eden Hotel，不過我哋建議住豪少少，揀 Mercure Hanoi La Gare酒店，價錢只係HK$2,450（30/9前）/HK$2,590（1/10 – 29/10），位處於市中心，搭的士去購物街都係10分鐘，況且Mercure係Accor酒店集團中比較高檔類別，而呢間酒店建築亦充滿法歐風情，Agoda齋房都賣緊七舊幾水，呢個價入住簡直抵到震。

留意位：

1. 房間供應有限，詳情請向旅行社查詢

2. 燃油附加費和服務費約HK$660

3. 機票有效期：2 – 7日

網址：www.holidayexpresshk.com

（記得按下面「讚好」Share俾Facebook朋友）

[2/9更新：港航今日宣佈可以同佢直接訂，價錢仲平$100（即係HK$1,900），但唔包台中，如果想買埋台中就搵Agent訂，否則直接打去港航熱線3151 1888著數，快！]

大家都知港龍有HK$2,150一個價錢兩張機票優惠，其實佢對手香港航空都有類似Offer！不過官網冇得訂，要經Agent先有。Noble Vacation正推出「給一樣的價錢，不一樣的組合」優惠，依家到20/9訂香港航空同香港快運兩張來回經濟客位機票，加埋只係HK$2,000咋！仲平過港龍HK$150！最攞命嘅係，佢可以去埋新加坡、曼谷、布吉島、河內、北京、台中呢啲港龍/國泰都唔包嘅熱門旅遊地點！其餘航點包括重慶、成都、長沙、杭州、昆明、上海、三亞，一共14個，地點選擇與港龍相若，但勝在類別眾多，大陸又有，東南亞又有，而且出發日期可以去到2012年1月中，比港龍更Flexible！不過呢啲機位供應好有限，要就快手Call Noble Vacation訂飛！

留意位：

1. 機票出發日期：1/9 – 8/9；11/9 – 29/9；4/10 – 20/12；2/1/2012 – 18/1/2012

2. 以上價格未連稅及油附

3. 出票最後日期：20/9

查詢電話：2698 1998

查詢電郵：[email protected]

（記得按下面「讚好」Share俾Facebook朋友）

錯過咗之前航空公司推出嘅秋季日本平機票？快啲出套票啦！Priceline剛推出日本優惠第2激，有東京、大阪同沖繩套票選擇。對比過上1激，呢一次大阪同東京真係減咗價，無他嘅，過咗暑假嘛！東京3日2夜由HK$3,290起減到HK$2,690起；大阪之前坐快運3日2夜HK$3,140起，今次轉坐印度航空（早去午返Good！），4日3夜，多1晚竟然平到HK$2,890起咋！係沖繩價錢差無幾，3日2夜HK$3,390起。呢批套票出發日期都去到10月尾，有買趁手！

東京我建議住番佢最平嘅Vintage Shinjuku好喇！慳番啲錢去Shopping好過；大阪揀番心齋橋嘅酒店都係HK$3,100左右；沖繩如果想住海灘酒店，揀番Okinawa Southern Beach Resort，佢距離那霸機場20分鐘車程，得3日2夜，住太遠就無謂嘞！況且房間都好大，又有海景睇，HK$3,880算抵～～～

網址：travel.priceline.com.hk

（記得按下面「讚好」Share俾Facebook朋友）

Facebook網友Kiko Tethys Bryant問9月有冇三亞平Package。由於三亞酒店／渡假村類別眾多，而且去得三亞總會大部份時間留喺酒店，有人鐘意靚，有人鐘意平，又有人鐘意追捧酒店品牌，所以咩嘢叫抵，真係人見人殊。我反而會關心有冇平機票，因為套票平嘅原因主要係機票用團體飛，至於酒店價錢，跟Package同自己上網訂分別唔大，而港龍同快運9月都搵到平機票。去三亞，4日3夜啱啱好，以下呢幾個週末，又平又抵玩，希望幫到你。

港龍航空

2/9（週五09:35/11:10）+ 5/9（週一12:10/13:35）：HK$1,400（未連稅，下同）

8/9（週四19:00/20:35）+ 11/9（週日21:30/23:00）：HK$1,290

22/9（週四19:00/20:35）+ 25/9（週日21:30/23:00）：HK$1,290

香港快運

22/9（週四11:30/13:00）+ 25/9（週日13:50/15:20；20:45/22:15）：HK$1,500

29/9（週四11:30/13:00）+ 2/10（週日13:50/15:20）：HK$1,500

睇嚟睇去，快運雖然貴少少，但22-25呢個Period可以做到早去晚返，似乎最抵．如果唔想請多一日假者，港龍夜機去夜機返都可以接受，HK$1,290 OK啦！

香港快運網址：www.hongkongairlines.com

港龍航空網址：www.dragonair.com

（記得按下面「讚好」Share俾Facebook朋友）

Facebook網友Carmen Law問有冇台中平機票賣，佢想要嘅兩個時段：9/9 – 11/9同20/10 – 23/10，前者因為搭正中秋節，有機票都唔慌平 （何況華信滿座呢），後者華信亦做完HK$970 Promotion，依家齋買機票連稅都要HK$2,065。倒不如諗下第2個選擇，皆因你夾到東瀛遊一隻超平套票。佢呢排推緊台中4日3夜套票，搭華信／香港快運，如果你願意喺指定日子來回，價錢可低至$999！佢包嗰3晚酒店唔係太失禮，例如最平嘅西苑旅店，啲房係全新裝修，雖然係細，但起碼叫企理乾淨吖。老實講咁嘅價，連租一晚澳門酒店都唔得啦！而Carmen想訂嘅20/10 – 23/10，東瀛遊正好有選擇，價錢為HK$1,099，住達欣商務精品飯店，貴嗰一舊水，豪俾佢啦！不過呢啲Package需要經網上訂購，而且據聞好爆，訂之前不妨先打去東瀛遊問清楚先。

如果呢個Package真係爆晒，東瀛遊都有一隻3日2夜普通Package，住番西苑旅店最平HK$1,559，少1日貴五舊，其實只係以上個Package太抵而已。如果真係好想平平地去，不如等下東瀛遊，事關佢會不斷推出呢類指定日子超平台中Package，但一見到就要即刻Book！

網址：www.egltours.com

（記得按下面「讚好」Share俾Facebook朋友）

港航官網上星期開倉派米5日，新加坡賣HK$1,390起，唔夠平？加碼！訂2/10 至 15/10號香港出發去新加坡，2-7天機票Zuji訂來回低到HK$1,158（連稅HK$1,891），一人成行，唔駛好似國泰新航咁要二人同行。16/10打後就去番HK$1,948啦！慳成八舊水，Check過系統，7/9 – 9/9同埋14/10 – 16/10呢兩個五去日返嘅黃金組合仲有靚價！係咪好想Weekend飛去文東記／天天／逸群食海南雞飯呢？

網址：www.zuji.com.hk

（記得按下面「讚好」Share俾Facebook朋友）

港航星期五又出招，不過竟然玩翻撻！上星期五我哋報料話港航推出平機票5日限定，點知今日又拎番出嚟賣！同樣又係限定5日發售（由今日至30/8），最後出發日期一樣去到28/9，價錢一樣。玩咩！咁捉蟲！咁搞法啲客唔再信你限定發售呢條橋架！

今次除咗冇新加坡同出發日子要2/9先開始，其餘6個城市同價錢都一樣，包括北京（HK$1,740起）、上海（HK$1,340起）、重慶（HK$1,340起）、曼谷（HK$1,190起）、東京（HK$1,840起）同沖澠（HK$2,340起）。

點解冇新加坡？哈哈！賣嗰關子先，下一篇爆俾你知！

網址：www.hongkongairlines.com

（記得按下面「讚好」Share俾Facebook朋友）

蝦！我發覺香港航空好鐘意喺星期五下午推出平機票！今次佢玩限日發售，由依家至23/9，5日時間俾你買7個重點城市平機票，包括北京（HK$1,740起）、上海（HK$1,340起）、重慶（HK$1,340起）、曼谷（HK$1,190起）、新加坡（HK$1,390起）、東京（HK$1,840起）同沖澠（HK$2,340起），出發日期由27/8 至 28/9。

一睇呢個價，東京同沖澠要即刻搶！曼谷都好筍！（因為佢有午去午返選擇，唔駛捱OX），國內線就以北京最抵。新加坡呢口價，我寧願訂國泰/新航囉！

仲諗？搶呀老友！

留意位：

1. 機票最短/最長有效期：2/7日

2. 優惠不適用於以下日期出發：9/9 – 10/9

網址：www.hongkongairlines.com

（記得按下面「讚好」Share俾Facebook朋友）