明年年初，天氣應該仲幾凍下。掛住陽光與海灘？平平地，搭AirAsia去沙巴啦！Check過系統，明年年初單程飛賣HK$424起（未連稅，下同），不過去程就少平飛，反而回程就有唔少。去程嚟講，1月冇平飛，2月打後如果可以Weekday飛，就有HK$574選擇，否則就HK$762；3月就由3/3 – 6/3仲有HK$424-474選擇，其餘日子大都係HK$574同HK$762。一般而言，來回連稅只係約HK$1,500 – 1,800左右，相比馬航同港龍下下都要二千尾三千，已經好著數啦！雖然佢係夜機20:05飛，第一晚酒店要蝕，咁個晚咪平平地搵Tune Hotel落腳，每間房每晚都係港紙百幾蚊，始終同屬AirAsia集團，質素有保證。

網址：www.airasia.com

（記得按下面「讚好」Share俾Facebook朋友）

AirAsia又有一排冇喺香港推平機票喇！正所謂靜極思動，一向鐘意推早盤優惠嘅佢，剛剛推出明年1/4 至30/6 嘅香港飛泰國及馬來西亞平機票，單程飛馬來西亞吉隆坡同檳城就HK$393起（未連稅，下同），飛泰國曼谷同布吉就HK$423起。泰國洪水開始退卻，下年4月一定冇事啦！趁依家冇乜人敢提去泰國，快手啦！馬來西亞來回連稅都只係港紙千三四，有心去呢口價都值得去馬，20/11前就截止啦！

網址：www.airasia.com

（記得按下面「讚好」Share俾Facebook朋友）

AirAsia日前推出香港飛吉隆坡同檳城明年春季Early Bird特價機票：出發日期為1/2/2012  – 26/4/2012，出票日期為24/10/2011 – 30/10/2011。票價方面，香港飛檳城單程全包價（即係包稅同油附）HK$688，飛吉隆坡單程全包就HK$768；檳城同吉隆坡回港就一樣HK$611。Check過系統，明年復活節（4/4/2012 – 9/4/2012）仲有呢批平飛賣，AirAsia粉絲們，快啲買啦喂！

P.S. AirAsia終於推出名為「Big」嘅飛行積分計劃，憑飛行里數賺取積分，換取指定產品（包括旗下Tune酒店），詳情按此收睇（想入會要先登記，AirAsia會收你少量入會費）。

網址：www.airasia.com

（記得按下面「讚好」Share俾Facebook朋友）

成個禮拜冇提AirAsia，今日上網搵一搵，發現原來10月仲有Last Minute平機票執。飛檳城，月中打後來回仲有連稅HK$1,500左右選擇，去到月尾仲抵，最平做到來回連稅HK$1,290，但去到11月又冇咁筍優惠喎！去番連稅HK$2,000以上，所以想搵個Weekend平平地飛檳城食餐飽，一於Mark實10月第三至第四個禮拜喇！

網址：www.airasia.com

（記得按下面「讚好」Share俾Facebook朋友）

回覆Facebook網友Lsheep Leung提問，佢想9月頭用4日3夜去泰國享受陽光與海灘，「筆直」約HK$3,000。臨急先抱佛腳，好多航空公司啲平飛都走晒啦！最後又要搵救星AirAsia。幫襯番AirAsia Go網站，10/9星期六走，13/9星期二返，搵勻成個東南亞有陽光與海灘嘅直航點，要啱「筆直」又要性價比高，唯有檳城。入住Paradise Sandy Beach Resort Penang，套票連稅只係HK$2,697！呢間4星級酒店舊就舊咗啲，但勝在樓下就係沙灘，本身都有大泳池。每間房設有獨立露台，飽覽全馬六甲海峽海景，啲房好大架！咁嘅價錢有陽光與海灘，直頭筍爆啦！唯一要留意嘅係AirAsia飛檳城係夜機七點幾，我建議早一日星期五晚放工閃去啦！

To Lsheep Leung：如果真係只想去泰國，布吉冇你呢個Budget，不如你自己分拆買曼谷機票同芭堤雅酒店，或者可以做到你「筆直」，不過你得4日3夜，仲去芭堤雅？時間太短卦？

網址：www.airasiago.com

（記得按下面「讚好」Share俾Facebook朋友）

回覆Facebook網友Shirley Lam關於沙巴套票問題，佢想15/10至20/10去玩。一諗起沙巴，自然諗起AirAsia，因為搭沙巴機，港龍同馬航機票好少減，而AirAsia成日Keep住有平機票；跟埋佢屬下AirAsia Go訂套票，有時仲有驚喜發現！

嗱，如果你Budget緊，只想住間乾淨酒店就OK，咁你可以買佢Tune Hotels 1Borneo Kota Kinabalu，雖然佢唔喺市中心，但隔離正係全東馬最大商場1Borneo，可以行下街食下嘢都唔錯。買6日５夜套票連稅，每人只係HK$2,324咋！呢個價連去澳門都唔得啦下話！

如果想住靚靚Resort，可以揀Shangri La Tanjung Aru Resort，6日5夜套票全包價HK$6,390。睇落好似好貴，查實呢間係好嘢嚟！齋房網上訂最平都要HK$1,800一晚，計落去張機票連稅只係HK$1,890左右，抵啦！最緊要喺呢間5星級酒店正正係機場隔離，搭車幾分鐘就到，去市中心都係10分鐘，方便啲既想寧靜歎世界又想方便熱鬧嘅香港人。

To Lsheep Leung：你想10/9至13/9 Hea 4日3夜？不如考慮呢個Plan吖！

網址：www.airasiago.com

（記得按下面「讚好」Share俾Facebook朋友）

繼國泰早前推出吉隆坡/檳城HK$1,500優惠後，馬航亦唔執輸，低調推出（官網隻字都冇提過）吉隆坡/檳城來回HK$1,400平機票（吉隆坡連稅HK$2,077，檳城連稅HK$$2,443），仲平國泰HK$100（不過檳城冇直航，必須喺吉隆坡轉機，比國泰輸蝕啲）。旅遊日期由26/8到31/10，出票日期到30/9。Check過系統，吉隆坡Weekend盤都仲有得揀，檳城就緊張啲，但平日飛有大把。

當然9月飛吉隆坡最平仲係AirAsia，個別日子仲有來回HK$1,188（連稅HK$1,636）執，不過既然兩者差嗰三四舊，當然搭Full Service Carrier啦！起碼有免費餐食同埋寄倉唔收錢嘛！

網址：www.malaysiaairlines.com

（記得按下面「讚好」Share俾Facebook朋友）

9月終於唔駛捱貴機票！又可以重新玩Weekend Travel！唔想請假又想飛番轉？去檳城啦～～～Check過系統，AirAsia喺9月有兩個禮拜五（去）/日（返）仲有平飛賣，分別係16/9-18/9同埋23/9-25/9，機票只係HK$848咋！以Last minute訂嚟講已經好平，連稅都係HK$1,353，平過去馬交啦！去檳城為夜機19:55/23:30，回程為15:35/19:20，雖然週五個晚冇嘢做（或者去食下宵夜，不過冇乜夜店），咁不如早啲訓，週六由早食到晚，週日早上去海灘游下水然後出機場，檳城勝在唔大，玩樂地點集中，好適宜呢類咁短時間嘅Weekend Escape！

網址：www.airasia.com

（記得按下面「讚好」Share俾Facebook朋友）