5:06pm 10/5 Updated：最平價格應為來回連稅HK$807起，已更正

AirAsia日本今日中午正式宣佈於3/7起開辦台北<->東京航線，首航優惠都幾震撼：來回連稅NT$2,986起（約HK$807，已包括手續費NT$160）！比起尋日Scoot平一半！出發日期為3/7 – 26/10，今日香港時間下午5:00開倉！但HK$912呢口價係咪暑假都有呢？唔會咁So卦（尋日Scoot暑假最平出發都要HK$1,836）？如果一陣發現有，就合埋雙眼去搶啦！話晒暑假喎！另一個必搶時間係中秋節（19/9），補假係週五（20/9），可以連埋Weekend飛東京台北，都幾Good架！不過要提一提大家：AirAsia東京返台北時間好差，開超晨早機，如下：

JW872 TPE-NRT 10:35-14:55 （週1,2,4,5）
JW872 TPE-NRT 09:45-14:05 （週3,7）
JW872 TPE-NRT 11:05-15:25 （週6）

JW873 NRT-TPE 07:00-09:45 （週1,2,4,5）
JW873 NRT-TPE 06:30-09:15 （週3,7）
JW873 NRT-TPE 07:50-10:35 （週6）

唯一好處係：到台北咁早，玩到夜晚先返香港都得，唔駛再請多一日假．總之平有代價，自己諗喇！

網址：www.airasia.com

（記得按下面「讚好」Share俾Facebook朋友）

AirAsia日本自八月開張後，動作多多，繼2/8掟咗一批28/8 – 27/10由東京出發嘅內陸機票，劈到HK$10（JPY100）連稅後，今次接力拎一批1/11/2012 – 31/1/2013出發嘅飛小劈一番：東京飛札幌單程連稅HK$458（JPY 4,580），福岡HK$518（JPY 5,180），沖繩HK$658（JPY 6,580）。叫得做小劈，即係唔算太平，不過札幌線單程去番呢口價，如果一早想冬天飛札幌滑雪，又唔想俾太貴錢搭直航機嘅，呢次劈價可以先買，否則再等一會亦未遲。Check過系統，好多日子都有，而旺季21/12 – 14/1期間全部冇放平飛出嚟，不過就算依家買聖誕節飛都只係HK$688（JPY 6,880），以個陣嚟講，諗得過！

網址：www.airasia.com

（記得按下面「讚好」Share俾Facebook朋友）

為慶祝AirAsia日本1/8開航（17/9先減咗，依家又嚟？），今晚香港時間23:00（日本時間00:00），AirAsia又將日本內陸航線劈劈劈，東京成田出發飛沖繩／福岡／札幌，單程連稅通通HK$10（JPY 100）起！出發日期為28/8 – 27/10，同上次一樣！上次單程連稅HK$198/298喎！唔通啲飛唔去？一陣Check下先！想去札幌朋友，只要配合香港<->東京平機票，秋季去札幌好Easy，23:00記得郁手搶！

網址：www.airasia.com

（記得按下面「讚好」Share俾Facebook朋友）

日本AirAsia今晚（19/7）香港時間23:00開始又開倉啦！出發日期為28/8 – 27/10，當然冇上次咁激HK$5啦！東京飛札幌福岡單程連稅HK$198（原價HK$458），飛札幌咁鬼平，坐子彈火車都唔得啦！至於沖繩單程HK$298（原價HK$668），夾埋張香港東京平機票，今個秋天想去日本南北一樣抵到震。不過供應量只有2,000張，要就快手！想喺AirAsia開倉時暢通無阻去搶票，可睇番我哋之前介紹嘅文章：三招教你突破AirAsia Waiting Room限制，搶飛快人一步！（不過補充：mobile版呢招暫時唔work，因為AirAsia現已暫停服務）

網址：www.airasia.com

（記得按下面「讚好」Share俾Facebook朋友）

AirAsia日本今日終於公佈首批航線詳情：1/8起會率先開航東京<->札幌及福岡，3/8就開埋東京<->沖繩航線。東京札幌每日三班來回，早午晚各一，基本上停25分鐘即走，真係一機走天涯（25分鐘夠唔夠上落客？我擔心會Delay）！東京福岡同樣每日兩班，早午各一，而東京沖繩就每日一班中下午機，詳情可留意AirAsia日本官網。講到標準價錢，東京札幌單程HK$458起（連稅，下同），東京福岡單程HK$518起，東京沖繩單程HK$668起，首航當然會劈價益街坊！有幾平？單程HK$0.5（另加每程HK$15手續費）！限售10,000張！不過適用日期有啲特別：唔係由首航日開始，而係28/8（想食埋暑假高峰期嘛），一直到28/11，淡季日子，不過真係好平囉！唔理啦！先搶咗東京札幌線先，遲啲先買番香港東京線秋天平機票。今晚香港時間23:00開倉，記得一陣去搶啦！想喺AirAsia開倉時暢通無阻去搶票，可睇番我哋之前介紹嘅文章：三招教你突破AirAsia Waiting Room限制，搶飛快人一步！

AirAsia日本網址：http://www.airasia.com/jp/ja/promotion/rr1450811.page

AirAsia香港網址：http://www.airasia.com/hk/zh/promotion/rr1450811.page

（記得按下面「讚好」Share俾Facebook朋友）

ANA近期動作多多，繼旗下以大阪關西為基地嘅廉航樂桃航空於1/7開通香港<->大阪航線外，另一方面與AirAsia合資成立嘅AirAsia日本，亦將於今日宣佈1/8首航。以東京成田機場為基地，開辦東京至札幌、福岡及沖繩航線，航班與價錢會喺今日記招一併公佈。單睇首批航線，對港人嚟講最吸引必定係東京<->札幌啦！皆因香港直飛札幌機票價錢長期高企，連稅冇七八千都埋唔到單，以後有AirAsia日本，只要加張平價香港<->東京機票（唔太難搵），咁就可以平飛札幌；至於沖繩，港航直航機票都幾平下，可以不理；至於福岡，比較少港人前往，加上港龍間唔中劈價，除非AirAsia日本有$0機票啦！首航8至10月平機票會於今晚香港時間23:00開賣，有幾平？稍後Update大家！

網址：www.airasia.com

（記得按下面「讚好」Share俾Facebook朋友）