請即Like 又飛啦！Facebook Page
ANA近期動作多多，繼旗下以大阪關西為基地嘅廉航樂桃航空於1/7開通香港<->大阪航線外，另一方面與AirAsia合資成立嘅AirAsia日本，亦將於今日宣佈1/8首航。以東京成田機場為基地，開辦東京至札幌、福岡及沖繩航線，航班與價錢會喺今日記招一併公佈。單睇首批航線，對港人嚟講最吸引必定係東京<->札幌啦！皆因香港直飛札幌機票價錢長期高企，連稅冇七八千都埋唔到單，以後有AirAsia日本，只要加張平價香港<->東京機票（唔太難搵），咁就可以平飛札幌；至於沖繩，港航直航機票都幾平下，可以不理；至於福岡，比較少港人前往，加上港龍間唔中劈價，除非AirAsia日本有$0機票啦！首航8至10月平機票會於今晚香港時間23:00開賣，有幾平？稍後Update大家！
（記得按下面「讚好」Share俾Facebook朋友）
留言