X
香港快運尋日正式宣佈10月下旬將正式變身成廉航，而頭炮航線中其中一站係沙巴。同屬廉航嘅AirAsia，立即還手！以往沙巴回香港嗰程，只有超早機（06:40/09:35）先有超平價，但Check過系統，發現AirAsia已經靜雞雞連下午班機（16:35/19:30）都同樣劈，來回連稅低至HK$976（唔包行李寄艙及飛機餐），比起以往起碼平四舊，即係醒神晒啦！沙巴好耐都冇見過連稅低於HK$1,000之選，雖然係早餐盤，仍然值得入手：除非您仲想等埋香港快運開價啦！
（覺得抵請記得按Like同Share俾朋友）
暑假要平飛？AirAsia又再幫您！8月份去吉隆坡，Check過系統，竟然仲有唔少來回連稅HK$976起選擇，時間都唔錯，可以揀早去晚返。至於7月，最平來回連稅HK$1,267起，稍為貴咗啲，但以超旺季嚟講唔算差，當然首選梗係8月份啦！至於沙巴，得番8月中下旬有平嘢，來回連稅約HK$1,678起，可以早去晚返，亦都值得入手。溫馨提示：以上價格不包括行李寄艙及飛機餐。
（覺得抵請記得按Like同Share俾朋友）
12:08pm 7/6 Updated：謝謝Fans Jet Pun告知原來澳門航空官網泰國站都有得賣：http://www.airmacau.co.th/
趁今早靜靜地，同大家發掘下一套幾有趣嘅暑假機票，希望可以拋磚引玉（澳門fans更需留意！）。澳門航空原來有一隻筍盤，不過唔係澳門出發，而係曼谷：曼谷飛東京，中停澳門，淨機票HK$1,053，連稅HK$2,957（下欄仲貴過張機票），出發日期7-8月都唔難搵到，由於出發地唔係香港／澳門，所以要自己另外買一張單程機票落曼谷，咁AirAsia一定最適合。Check過AirAsia系統，如果香港出發，7-8月單程連稅介乎HK$700-HK$1,000左右，澳門出發就介乎MOP640 – MOP844，兩者加埋，連稅約HK$3,600起。須知道暑假黃金檔期，用呢個價一次過玩晒兩個大家勁Like嘅地方，性價比強（東京回程仲要係下午機）！呢套機票澳門航空官網冇得賣，上ebookers.com望下啦！
溫馨提示：揀曼谷出發航班，建議揀零晨02:55嘅NX879，因為到澳門後只需等2小時40分就可轉到NX862（09:30/15:00），否則揀中NX881，返到澳門只係零晨01:15，要喺機場等8小時，如果您係澳門人當然可以返屋企瞓個覺，但如果您係香港人，除非肯瞓機場，否則住酒店都要成本，唔建議您咁做嘞！
溫馨提示：海外旅遊網站不受香港旅遊業協會監管，風險必須自負；如有服務需要，亦需親自打海外熱線／電郵聯絡，IDD費用需要自付。
（覺得抵請記得按Like同Share俾朋友）
急報！AirAsia飛吉隆坡，又出現連稅低過HK$1,000選擇！仲要係暑假添！AirAsia剛剛喺00:00開倉，其中香港<->吉隆坡來回連稅低至HK$936，出發日期7-8月都有！仲要唔一定係早機返，咁就筍爆啦！今晚搶完先好瞓覺呀（不過依家AirAsia Server勁Busy，一係等4am打後再試）！至於沙巴，冇乜點平過，唔諗啦！溫馨提示：以上價格唔包行李寄艙同飛機餐。
（記得按下面「讚好」Share俾Facebook朋友）
AirAsiaGo自本週一提早推出$0機票，短短幾粒鐘曼谷已經被人搶光咁濟，可能大家太專注曼谷啦！吉隆坡其實仲有少量$0機票，有一對日子直頭可以做到來回$0，配間2晚2星級乾淨酒店，來回連稅每人只係HK$807左右（唔介意差啲，HK$600都得，不過唔敢推介，自己揀啦），真係連去馬交都唔得！Check過系統，執筆一刻仲有以下日子有$0機票：
去程6月：4，24，28（28號可以貼到回歸假Long Weekend喎！）
回程6月：5，26
（註：唔可以揀4/6去5/6返，因為起碼要留3日2夜先出到$0機票）
最後出票日期為週日（12/5）23:59，郁手啦！
（記得按下面「讚好」Share俾Facebook朋友）
又有暑假平機票，今次係吉隆坡。AirAsia推出吉隆坡小劈盤，出發日期為1/6至31/7，來回連稅HK$1,076起（不包行李寄艙及飛機餐），Check過系統，來回HK$1,076主要集中喺6月，7月就只有回程先有特價（來回連稅約HK$1,317起），但話晒係暑假吖！至於對手國泰，經常推出$990吉隆坡fanfares，照推算，如果係自由揀日子嘅飛，未來呢幾期都係賣緊7月份出發。AirAsia同國泰fanfares相差約六舊水，7月份出發嘅，唔急可以睇埋國泰先（因為呢批AirAsia小劈飛唔慌咁快賣清光），自問一蚊都要慳，咁依家買AirAsia都唔差幾。
（記得按下面「讚好」Share俾Facebook朋友）
又有暑假平機票嘞！今次係大家至Like嘅曼谷：AirAsia剛又開倉，來回曼谷（廊曼機場）連稅最平HK$1,186（不包行李寄艙及飛機餐），出發日期為1/7 – 31/10，包埋暑假，學生哥又有平旅行去！Check過系統，七月供應量OK，八月就好多，都幾容易併到Weekend Trip，係時候入手！九月打後就幾乎日日有。至於中秋節當晚（19/9）去程三班都有平（單程連稅HK$608就係今次劈價），回程一係搭22/9週日超早機06:35，否則要搭16:30嗰班先有單程連稅HK$1,048，來回連稅HK$1,656，大時大節唔請假去曼谷算係咁啦！遲啲買乜鬼Package，實貴到無倫，依家入手，時間正好！最後出票日期為5/5。
（記得按下面「讚好」Share俾Facebook朋友）
17:08 16/4 Updated：AirAsiaGo今日突然放出新一批$0來回吉隆坡機票（唔包稅及油附），去程供應量極多！回程雖然較少，但都叫住有！執筆之際仲有……
去程日子：1（勞動節假期）, 2, 3, 4, 5, 6, 7, 8, 9, 11, 12, 14, 15, 17（佛誕假期）, 18, 19, 20, 21, 22, 23, 24, 25, 26, 27, 28, 29, 30（差唔多日日都有）
回程日子：7, 8, 9, 16, 21, 22, 28, 29
當然來回時間未必靚仔（Last Minute賣嘅$0機票，仲想點），但見到3晚4星酒店連來回機票連稅都只係HK$1,xxx時，真係好心動！建議大家Keep住Check，以防佢又突驚無神倒新$0飛入系統度．至於澳門出發就比較易搵啲．
04:25 15/4 Updated：AirAsiaGo於週一00:00提早開賣！Check過系統，只得去程有免費機票，日子為：8, 9, 12, 15, 29/5
17:00 14/4 Updated：AirAsiaGo宣佈延期一天，由原定的15/4 00:00延後至16/4 00:00，敬請留意！
AirAsia又有$0機票賣！今次係佢旗下專賣套票嘅子網站AirAsiaGo，佢宣佈將於今晚00:00起，訂購香港/澳門飛吉隆坡嘅”機票+酒店”，只要係1/5 – 30/5出發，機票就有機會係$0（當然機場稅及油附要俾番）！Last Minute買吉隆坡機票都有$0？咁鬼So？單程定來回呢？官網冇提過，一於週二（即係15/4週一晚）00:00上AirAsiaGo.com望望先！除咗香港/澳門飛吉隆坡外，您仲可以買吉隆坡飛檳城/浮羅交怡/新加坡/峇里島，曼谷飛布吉/清邁等等，都會有$0機票蹤影。記住：只限首5,000張！手快有手慢冇！
（記得按下面「讚好」Share俾Facebook朋友）
X