AirAsia將會於3月23日（週一）凌晨00:00開賣Big Sale優惠，但如果唔想同全亞洲朋友一齊搶，可以提早一日（即係今晚零晨00:00）上Expedia買套票，咁機票就可以率先用Big Sale價入手。價錢方面，2人同行來回AirAsia機票 +2晚2-3星酒店（只係舉例，其實您住幾多日住邊間都得） +所有稅款（不包行李及飛機餐），每位計：吉隆坡HK$773起、沙巴每人HK$914起、清邁HK$1,104起、曼谷HK$1,170起、布吉HK$1,228起。嘩！平成咁，睇埋酒店心水就快快趣訂啦：
1. 曼谷：素坤逸13柑橘酒店（http://flyagain.la/011a）3日2夜全包價每位HK$1,436起，行去BTS Nana站約5分鐘，附近已有百貨公司同唔少地道小食，酒店後面就係Sukhumvit 11街，夜晚都唔驚冇嘢玩；
2. 曼谷：標誌酒店（http://flyagain.la/0w9g）3日2夜全包價每位HK$1,481起，行去BTS Nana站約10分鐘，酒店對面有超市，方便大家買手信，行15分鐘就到Central World，另外，酒店頂樓有泳池同健身室，性價比高嘅4星酒店；
3. 沙巴：尊圖酒店（http://flyagain.la/l3vg）3日2夜全包價每位HK$1,692起，酒店對面就係巴士總站，方便往返機場同來往唔同地區，行10分鐘就到Gaya street（週日市集），可以搜羅紀念品、旅遊紀念T恤、手工藝品、水果同馬拉小食，當然唔少得名店怡豐茶室叻沙或牛雜、五星海南雞飯、佑記肉骨茶啦；
4. 布吉：Novotel Phuket Karon Beach Resort And Spa（http://flyagain.la/medq）3日2夜全包價每位HK$2,132起，住喺國際品牌Novotel絕對有品質保證，行3分鐘就到卡隆沙灘，而酒店亦設有3個泳池，啱哂想去布吉Hea番個假期；
5. 布吉：貝斯特韋斯特巴東海灘酒店（http://flyagain.la/4sgu）3日2夜全包價每位HK$1,948起，酒店旁邊有一個小夜市，而行5分鐘就到Jungcylon購物商場，行去巴東沙灘約10分鐘，絕對係方便之選啦；
6. 清邁：都喜 D2 （http://flyagain.la/oleb）3日2夜全包價每位HK$1,612起，酒店行3分鐘就係Night Bazaar，—至於離古城區都係15分鐘路程，酒店屬於5星級品牌，入往會有小驚喜，如果撞正生日仲有蛋糕添，加上服務水平高，呢口價絕對抵住。
出發日期由4月1日至2016年2月15日，估計平飛集中淡季。想睇其他平房可以上番Expedia搵。
提提您：去Expedia搶Big Sales票有幾個好處：1. 訂購時唔會遇上Waiting Room（即俗稱嘅小黑屋）阻頭阻勢；2. 週日零晨買咗，週日遲起身都冇問題啦！週一凌晨搶就…….；3. 反正您訂平機票都要訂酒店，一次過買埋免煩。4. 只要喺Search Engine度揀選”我只需要在部分旅程中入住酒店”，再揀埋需要住房嘅日子就掂，其他日子您住邊都得，勁有彈性。最後訂房日期為3月29日，即刻去發掘下其他筍套票啦～
網址：www.expedia.com.hk
（覺得抵可用Whatsapp同LINE Share俾朋友架）
Expedia早一日開賣AirAsia Big Sale票！2人同行飛吉隆坡、沙巴、清邁、曼谷、布吉套票每位$773起，2016年2月15日前出發
