連稅幾舊水，就可以包晒機票加酒店？Expedia有啦！佢推出全新泰國及馬來西亞嘅套票優惠，目的地包括沙巴、曼谷、布吉、清邁、吉隆坡，出發日期由依家至6月30日，以3日2夜套票為例（日子冇定，只係舉例），每人來回機票 + 3星酒店 + 所有稅款大概HK$748起，真係迫您飛！今次就介紹啲心水酒店俾大家：

沙巴：文華東方酒店（http://flyagain.la/ckdl）3日2夜全包價每位HK$1,035起，喺市中心嘅假日市場隔離，交通好方便，旁邊有好多餐廳，離怡豐，天天，佑記，新記都好近，食盡馬來西亞各種美食；

曼谷：檸檬茶酒店（http://flyagain.la/2ffx）3日2夜全包價每位HK$1,690起，位於水門市場，唔洗小小編多講都知有好多好野食啦，行10分鐘就係Big C同大型商場，您識揀啦；

布吉：新諾酒店（http://flyagain.la/5hsp）3日2夜全包價每位HK$1,206起，酒店設有泳池同桌球室，坐10分鐘車就到Central Festival同BigC，加上房內嘅mini bar仲係免費食用，Hea嘆一流；

清邁：Arte House（http://flyagain.la/702q）3日2夜全包價每位HK$1,572起，酒店以民宿設計，位於古城區內，去周日市場只需8分鐘，小小編提議參加一天Local Tour可去西門（Tha Phae Gate）搵比利叔叔報團，由酒店行去只需5分鐘；

吉隆坡：卡普里弗雷澤酒店（http://flyagain.la/35td）3日2夜全包價每位HK$1,737起，首先推介位於33樓嘅無邊泳池，酒店裝修舒適，獲得97%Expedia房客推薦，係性價比高嘅選擇。

仲有其他平房，可上番佢官網望望。最後出票日期：泰國各航點為2月22日、馬來西亞各航點為3月1日。

沙巴套票預訂網址：http://flyagain.la/8o1f

曼谷套票預訂網址：http://flyagain.la/cn78

布吉套票預訂網址：http://flyagain.la/pco2

清邁套票預訂網址：http://flyagain.la/6qgs

吉隆坡套票預訂網址：http://flyagain.la/blmw

（覺得抵可用Whatsapp同LINE Share俾朋友架）

Expedia全新沙巴、曼谷、布吉、清邁、吉隆坡套票優惠，每位$748起，6月30日前出發

以前買AirAsia平機票一定要早大半年甚至一年前訂，依家？唉～唔劈都難突圍，就好似呢隻盤咁，來回連稅計：沙巴$696起、吉隆坡$784起、布吉$1,106起、清邁$1,206起、曼谷$1,266起，出發日期由2月23日至6月30日，勝在即買即食，唔駛再擺入雪櫃咁煩，當中以沙巴最抵，吉隆坡都OK Good，布吉旺季近尾水，有去趁手！至於澳門出發同樣有平（來回連稅計）：吉隆坡MOP794起、曼谷MOP1,136起、清邁MOP1,732起，似乎得吉隆坡同曼谷有睇頭。Check過系統，以3, 5, 6月較易搵到。以上價格不包行李寄艙及飛機餐，最後出票日期為2月22日。

網址：www.airasia.com

（覺得抵可用Whatsapp同LINE Share俾朋友架）

即食盤！AirAsia來回連稅沙巴$696，吉隆坡$784，布吉$1,106，清邁$1,206，曼谷$1,266起，6月30日前出發

情人節大餐勁貴，不如飛一轉仲抵（仲可以趁機同佢Sweet Sweet）！所以我哋Check過系統：如果揀2月11日去15日返，最平機票來回連稅計：亞航吉隆坡HK$844起、亞航沙巴HK$896起、華航台北 / 高雄HK$1,194起、華航台南HK$1,414起、聯合航空新加坡HK$1,457起、阿聯酋航空曼谷HK$2,097起、越航胡志明市HK$2,366起、港航沖繩HK$2,695起，其他地方Check過價位未見吸引，平飛機位有限，同Honey傾完就拿拿聲上Expedia買喇～

預祝各位 情人節快樂！

網址：www.expedia.com.hk

（覺得抵可用Whatsapp同LINE Share俾朋友架）

情人節至冧盤！來回連稅吉隆坡$844、沙巴$896、台北/高雄$1,194、台南$1,414、新加坡$1,457、曼谷$2,097、胡志明市$2,366、沖繩HK$2,695起

AirAsia正式宣佈即日起取消燃油附加費，隨即推出全線大劈！出發日期為2015年8月3日至2016年3月26日，來回連稅計：吉隆坡HK$604起、沙巴HK$696起、清邁$806起、曼谷$986起、布吉$1,186起，去其他城市包括澳洲都有平，包括珀斯HK$3,069起、黃金海岸HK$3,116起、墨爾本HK$3,275起。澳門出發方面：吉隆坡MOP$554起、曼谷MOP$956起、清邁MOP$1,016起，當然您要有信心搭先好買啦！同埋太遠期出發都唔建議買住。Check過系統，好多時候係去平返貴，或去貴返平，短程想拼來回平飛，要花啲時間搵。以上價格不包行李寄艙及飛機餐，最後出票日期為2月1日。

網址：www.airasia.com

（覺得抵請記得按Like同Share俾朋友架）

免燃油附加費！AirAsia期貨盤，來回連稅吉隆坡$604，沙巴$696，清邁$806，曼谷$986，布吉$1,186起，2016年3月26日前出發

距離暑假雖然仲有半年，但想要平飛就要依家開始留意喇！特別係您打算暑假飛歐洲（英國／德國），呢隻平飛就同您Perfect Match喇！今次嘅Double Open Jaw（不同城市來回）筍盤由阿提哈德航空提供，出發日期由3月1日至9月13日，舉例由香港去倫敦／曼徹斯特／羅馬／法蘭克福／慕尼克／布魯塞爾／蘇黎世，回程柏林／杜塞爾多夫返曼谷，來回淨機票HK$3,170起（連稅HK$4,695起）。至於回程由曼谷返香港，最抵係買一張單程斯里蘭卡航空，連稅約HK$1,000左右，已包行李寄艙同埋同一機場飛，兩程加埋都唔過HK$6K，暑假都有此靚價！以阿提哈德航空嘅質素，仲可以順便玩埋曼谷，呢口價真係抵買！Check過系統，淡季如3月同5月都有唔少貨，至於暑假旺季都有充足貨源，機票有效期1個月，最後出票日期為1月16日，啱就上Expedia買啦。

未搭過阿提哈德航空？可以參考下我哋乘搭報告：https://www.facebook.com/media/set/?set=a.656779451045338.1073741827.192678424122112&type=1

網址：www.expedia.com.hk

（覺得抵可用Whatsapp同LINE Share俾朋友架）

超正Double OpenJaw！阿提哈德航空香港飛歐洲，德國返曼谷，來回$3,170起，暑假都有！

想平飛歐洲，呢期最平一定係俄航（詳情請睇：http://flyagain.la/18321）。想質素好啲，呢隻Double Open Jaw（不同城市來回）筍盤一定要睇：搭阿提哈德航空由吉隆坡去倫敦，歐洲返香港（城市選擇有阿姆斯特丹，都柏林，布魯塞爾，法蘭克福），來回連稅最平HK$3,557起，出發日期由2015年1月12日至3月19日（回程必須於3月19日返），農曆新年出發都有！去程只需加一張香港落吉隆坡嘅AirAsia機票，1月連稅約HK$800（不包行李寄艙，下同），3月頭最平可以HK$467添（不過2月就貴至HK$1,500，如有里數不如兌換抵啲）！加埋都係四千頭，以阿提哈德質素而言，呢口價極品抵買（仲可以順道玩埋吉隆坡）！要留意最後出票日期係12月21日（即係聽日），官網有得賣，不過要以馬來西亞令吉結算，信用卡會收海外手續費，建議去番Expedia買，可以用港幣結算。

提提您：回程阿布扎比返香港係坐同系嘅塞舌爾航空。未搭過阿提哈德航空？可以參考下我哋乘搭報告：https://www.facebook.com/media/set/?set=a.656779451045338.1073741827.192678424122112&type=1

網址：www.expedia.com.hk

（覺得抵可用Whatsapp同LINE Share俾朋友架）

嘩！阿提哈德航空吉隆坡往倫敦，歐洲返香港，來回連稅$3,557起，農曆新年都有！

尋晚AirAsiaGo已率先開賣AirAsia Big Sales平套票（詳情請睇：http://flyagain.la/17409），如您只想買機票，今晚00:00就要去番AirAsia.com搶票喇（不過要同全亞洲朋友一齊搶）！出發日期為2015年6月10日至2016年1月17日（超遠期貨），香港出發來回連稅計：沙巴HK$510起，吉隆坡HK$824起，曼谷／清邁HK$986起，布吉HK$1,186起；澳門出發來回連稅計：吉隆坡HK$489起，曼谷／清邁HK$1,025起。其他AirAsia短途及AirAsia X長途航線都一齊劈。當中香港<->沙巴以及澳門<->吉隆坡為淨機票HK$0之選，低無可低，雖然係超遠期貨，依然值得優先去馬（如果您本身係AirAsia Big卡會員，依家已經可以登入Big卡戶口用0分換購（網址：http://redemption.airasiabig.com），只需俾番稅金就出票，唔駛今晚同人迫）。至於其他航點，香港<->吉隆坡來回連稅唔過HK$1,000當然可以入手，其他嘅唔急可以等下。以上價格不包行李寄艙及飛機餐，最後出票日期為11月16日。

網址：www.airasia.com （如果未得，請稍後再試）

（覺得抵可用Whatsapp同LINE Share俾朋友架）

AirAsia今晚00:00大Big Sales！香港沙巴及澳門吉隆坡淨機票$0！2015年6月10日至2016年1月17日出發

每年11月7至9日係泰國水燈節，泰國人會祭祀河神，祈求來年風調雨順，一切平安，放水燈就係將自己過去一年嘅所有罪惡送走，希望新一年新開始。當中以清邁水燈節最有睇頭，今年想去？可以留意AirAsiaGo平套票，出發日期由10月27日至12月31日，來回機票+4晚3星酒店（只係舉例，想住多幾晚又得，住邊間酒店都得）+所有稅款（不包行李及飛機餐），每位最筍價HK$2,300起，如果有機票喺手，淨買酒店都有平架。唔想去清邁？曼谷一樣有平，今次參與酒店多達33間，包括：

1. 清邁：坤巴雅森塔拉精品度假村（Khum Phaya Resort & Spa, Centara Boutique Collection）5日4夜（下同）全包價每位HK$3,221起，由酒店行出去門口就係便利店同Big C，而週五同週六喺酒店外更有小型夜市，酒店仲有泳池、Spa同健身中心等，呢間酒店絕對適合度假抖抖；

2. 清邁：平那康懷喬酒店（At Pingnakorn Huaykaew Hotel）全包價每位HK$2,757起，筆值唔多可諗諗。歐式建築，想前往市中心同夜市大概坐10分鐘的士，不過酒店免費提供單車方便遊客，另外行10分鐘就有一間有地道Shopping Mall，都算好方便；

3. 曼谷：素坤逸樂活套房超級酒店（Lohas Suites Sukhumvit by Superhotel）全包價每位HK$3,221起，商住式酒店房間面積大，而且有小廚房，仲有洗衣機免費使用，一家大細齊齊住就最好，行10分鐘會到BTS Phloen Chit站，不過酒店有接駁車方便大家；

4. 曼谷：國賓大酒店（The Ambassador Hotel）全包價每位HK$3,255起，行3分鐘會到BTS Nana站，附近已經有食店同街邊小食，Robinson大型商場等，絕對係方便嘅選擇。

此外，經AirAsiaGo買套票可以免費Stay Behind：只要喺Search Engine度揀選”我只需要在部分旅程中入住酒店”，再揀埋需要住房嘅日子就掂，其他日子您住邊都得，勁有彈性。即刻去AirAsiaGo發掘下其他筍套票啦。最後出票日期為11月2日。

網址：www.airasiago.com

（覺得抵可用Whatsapp同LINE Share俾朋友架）

平玩泰國水燈節，AirAsiaGo清邁曼谷5日4夜套票連稅$2,300起，12月31日前入住