期待已久嘅AirAsia Big Sales將於週一（24/2）零晨00:00（即週日晚）開始，想提早一日入手+唔想同人迫Server，可以考慮買套票吖！專賣AirAsia套票嘅AirAsiaGo將於今晚00:00起開賣超平套票（即冇得齋買機票）。據消息人士報料：AirAsia機票+4日3夜3星酒店+所有稅款，吉隆坡HK$1,100起（每人計，下同），清邁HK$1,200起，曼谷及沙巴HK$1,300起，布吉HK$1,600起，仲有額比／浮羅交怡／檳城等，出發日期為01/10/2014 – 30/04/2015。假設酒店每晚每房HK$400計，除番開，來回機票連稅吉隆坡HK$700起，清邁HK$800起，曼谷及沙巴HK$900起，布吉HK$1,100起，已知今次Big Sales有幾筍，尤其係布吉，年尾係旅遊旺季，早買早享受！實際價錢要等今晚00:00先知。反正您都要訂酒店，今晚一於提早入貨，避開聽晚萬人空巷嘅人潮吧！

AirAsiaGo網址：www.airasiago.com

優惠網址：https://www.airasiago.com/zh-hk/p/big_sale_feb14

（覺得抵請記得按Like同Share俾朋友）

呢隻超筍盤，真係平到快啲去搶：專賣套票嘅AirAsiaGo推出吉隆坡飛澳洲悉尼或珀斯$0機票（稅及油附要俾），出發日期為1/3 – 31/5，最大賣點竟然連復活節假及5.1勞動節長假期都有！配間悉尼背包旅館，住5晚，每人連稅只係HK$2,418起（住少啲，更抵啲，當然可以住長啲），配合香港來回吉隆坡平平AirAsia機票（來回連稅每人約HK$1.2K），每人機票+5晚住宿+稅及油附只係HK$3,600起，仲可以一雞兩味玩埋吉隆坡，平到唔識講！記住要見到用紅色字寫住”推廣”先係$0機票（如圖），否則就Keep住按F5，話唔定下一次就Load出$0機票來！以上價格不包行李寄艙及飛機餐，最後出票日期為2/3。

網址：www.airasiago.com

（覺得抵請記得按Like同Share俾朋友）

澳門fans留意！AirAsiaGo剛於零晨00:00推出大劈盤，只要經佢訂吉隆坡酒店，澳門來回吉隆坡AirAsia機票淨票價可低至HK$0（稅就要俾）！出發日期由1/3 – 15/4，加埋一間2星酒店2晚，來回機+酒+稅每人大約HK$6XX，抵過去香港玩！想奪取$0機票？方法只有一個：勤力按鍵盤F5（即係Refresh網頁）！因為就算您Load網頁一刻冇$0（見到”免費機票”先算有HK$0機位），但每按一次F5，您會見到票價不斷變動，甚至突然間由冇$0機票變成有$0機票！同搶平機票唔同，AirAsiaGo會喺整段推廣期間隨時放出$0機票，所以就算呢一刻搵唔到，只要喺16/2前耐唔耐按F5（尤其係零晨時份），都有機會見到$0架！祝大家好運！

網址：www.airasiago.com

（覺得抵請記得按Like同Share俾朋友）

又有酒店折扣Code，今次輪到AirAsia旗下套票網站AirAsiaGo，打9折，Code：save10，最低訂購金額為HK$1,200起，入住日期由依家到31/10/2014都得，最正係可以Book大型連鎖酒店（例如澳門喜來登酒店，AirAsiaGo可以用9折Code但其他網站唔得）！呢個先係main point嘛！

點樣輸入Code？好簡單：去到俾錢嗰頁右邊有”推廣代碼”一欄，輸入save10再按Enter就得。記住：”機票+酒店”不適用，訂之前，先比價。

網址：www.airasiago.com

（覺得抵請記得按Like同Share俾朋友）

一陣00:00開始，AirAsia旗下專賣套票嘅AirAsiaGo又推出買酒店送機票優惠！今次係送香港<->沙巴機票（不包燃油附加費及機場稅），出發日期為01/12 – 31/12（斷估唔會連聖誕節都有卦？一陣去F5！），訂購日期為04/11 – 10/11，以4日3夜入住2-3星酒店計，來回機+酒+稅每人應該HK$1,000左右，的確好平。不過今時唔同往日：依家沙巴有廉航香港快運，佢都劈得幾狠，就算搶唔到AirAsia $0機票，唔駛太傷心！想奪取$0機票？方法只有一個：勤力按鍵盤F5（即係Refresh網頁）！因為就算您Load網頁一刻冇$0，但每按一次F5，您會見到票價不斷變動，甚至突然間由冇$0機票變成有$0機票！同搶平機票唔同，AirAsiaGo會喺整段推廣期間隨時放出$0機票，所以就算一陣00:00搵唔到，只要喺10/11前耐唔耐按F5（尤其係零晨時份），都有機會見到$0架！祝大家好運！

網址：www.airasiago.com

（覺得抵請記得按Like同Share俾朋友）

剛剛00:00，AirAsia旗下專賣套票嘅AirAsiaGo又推出買酒店送機票優惠，香港出發飛曼谷或沙巴有機會有$0機票！出發日期為1/9 – 15/10，包括中秋節／國慶／重陽節等，剛剛Check過，大時大節竟然有$0，不過數量非常有限，快手搶喇！提提大家：喺搶飛之時，請大家先去http://www.hotelcombined.com，計下酒店本身喺其他網站係訂幾多錢，再睇埋AirAsia賣獨立機票幾多錢，機票+酒店加埋都平過AirAsiaGo嘅先好去馬！因為有啲日子表面上機票係賣HK$0，但實情係酒店費貴咗，總之咪衰衝動！最後出票日期為18/8。

網址：www.airasiago.com

（覺得抵請記得按Like同Share俾朋友）

AirAsiaGo自本週一提早推出$0機票，短短幾粒鐘曼谷已經被人搶光咁濟，可能大家太專注曼谷啦！吉隆坡其實仲有少量$0機票，有一對日子直頭可以做到來回$0，配間2晚2星級乾淨酒店，來回連稅每人只係HK$807左右（唔介意差啲，HK$600都得，不過唔敢推介，自己揀啦），真係連去馬交都唔得！Check過系統，執筆一刻仲有以下日子有$0機票：

去程6月：4，24，28（28號可以貼到回歸假Long Weekend喎！）

回程6月：5，26

（註：唔可以揀4/6去5/6返，因為起碼要留3日2夜先出到$0機票）

最後出票日期為週日（12/5）23:59，郁手啦！

網址：www.airasiago.com

（記得按下面「讚好」Share俾Facebook朋友）

新春伊始，AirAsia就同大家恭喜發財！佢旗下嘅酒店網AirAsiaGo.com推出優惠Code，年初一至年初七（17/2）適用，入住日期為18/2 – 30/4，不過Check過系統，唔知點解到執筆一刻打極個Code都話無效，係咪初一冇人返工搞好佢？點都好，一陣再望下囉！溫馨提示：請訂房之前去http://www.hotelcombined.com做下比價，唔好盲目見有優惠Code就去訂，自己衡量下，買貴咗就唔好話我哋冇提您喇！^.^

優惠Code：GONGXIFACAI

網址：www.airasiago.com

（記得按下面「讚好」Share俾Facebook朋友）