今年秋冬機票有早餐盤唔奇，但今次JetStar所推出嘅新加坡早餐盤，出發日期竟然遠至明年4-5月，超遠期貨播！不過真係幾抵嘅：去程連稅HK$398，回程連稅HK$449，加埋都只係HK$847（唔包行李寄艙及飛機餐），只限週二至四出發航班。你搭國泰，唔計機票，淨俾下欄都要HK$800啦！計番條數，JetStar張機票咪變相只需HK$47？咁同免費冇分別啫！不過提提你，由於出發日期太遠，除非你假期可以自己控制，又或者輸八舊水唔志在，否則駛唔駛提早近一年訂飛？自己諗啦！

留意位：

1. 最後出票日期：27/6 02:00

2. 出發日期：9/4/2013 – 22/5/2013

網址：www.jetstar.com

（記得按下面「讚好」Share俾Facebook朋友）

錯過咗JetStar買1送1優惠？或者冇人陪你去玩？唔緊要，JetStar劈盤浪接浪，今次單買都得，唔駛同人夾。佢推出一系列下半年筍盤，單程飛新加坡連稅HK$428，來回連稅HK$910，比上次每張係貴咗三百蚊左右，但講真吖！九舊幾水來回新加坡已經好平架啦！上次只係very exceptional case而已。Check過系統，供應量甚多。至於另一推介係印尼峇里島，我哋「又飛啦！」都講過，峇里機票想佢平都幾難，不如搭JetStar轉機，單程連稅最平HK$568起，來回連稅都只係HK$1,608，只係來去時間都幾長：去程要10小時，回程要20小時（喺新加坡機場過夜），的確唔係好多人Like，不過可以慳成三千蚊，用嚟Book間靚Resort好過！

留意位：

1. 最後出票日期：14/5 09:59

2. 出發日期：4/9 – 7/11

3. 以上價格不包括行李寄艙及餐飲服務

網址：www.jetstar.com

（記得按下面「讚好」Share俾Facebook朋友）

平時我哋「又飛啦！」夜晚隻Post通常會喺十點左右出，不過呢隻突如其來嘅劈價消息，真係唔等得！JetStar今日下午突然低調推出買一送一優惠，官網仲未有Banner公佈，只有通過Email通知客戶。是咁的，只要喺11/9至7/11期間逢星期二至四（官網就咁寫，但我哋發現連星期一都有）來回，即可以享有買一送一優惠！連稅二人同行只係HK$1,396，即係除番開每人只係HK$698！嘩！呢個價淨係俾稅及油附都唔止啦！咁張機票咪直頭Free俾你？不過呢個價唔包行李寄艙及餐飲服務。剛剛Check過系統，發現大把人搶飛中（因為Server Load得頗慢），記得用以下條指定Link入JetStar先享有呢個優惠！快快快快快！截止日期為9/5 21:59。

網址：http://www.jetstar.com/hk/en/special-offers/11f4f

（記得按下面「讚好」Share俾Facebook朋友）

嘩！機票劈價消息今日接二連三！最新猛料係新加坡捷星航空，佢抄咗虎航條橋，今日推出週五限定大優惠。眾多減價航線中，香港<->新加坡來回劈到HK$656起（連稅HK$1,048），劈幅同虎航差唔多，出發日期為4/9 – 7/11，出票時限到今日（27/4）下午6時。Check過系統，中秋節同重陽節仲有平飛！快手啦！提提你，呢個價係唔包任何行李寄艙服務，如果要買，每程20KG你要俾多HK$115。新加坡邊有嘢買？唔駛寄啦！反正每人都可以免費帶一個Hand Carry上機。

網址：www.jetstar.com

（記得按下面「讚好」Share俾Facebook朋友）

JetStar香港就有排等，不過JetStar新加坡同澳洲嘅優惠就繼續有嚟。1月尾個陣我哋報過佢暑假平飛，依家就推出秋季早餐盤，價錢相若，單程連稅飛新加坡HK$428，經新加坡轉機飛峇里HK$767、飛墨爾本HK$1,928、飛奧克蘭HK$2,050，全部優惠出發期去到7/11（出發日期各有不同，請睇留意位），依然保持勁抵本色。澳洲同奧克蘭10 – 11月剛好入春，天氣唔錯！新加坡來回一千連稅就梗係有殺錯冇放過～～～不過執筆之時官網Booking Engine仲未搵到以上Offer，大家睇實啦！

留意位：

1. 出發日期：新加坡、峇里、吉隆坡、河內4/9 – 7/11；墨爾本10/10 – 7/11；奧克蘭16/10 – 7/11

2. 最後出票日期：5/4 17:59

3. 此票價只限攜帶1件手提行李，寄艙行李需額外收費

網址：www.jetstar.com

（記得按下面「讚好」Share俾Facebook朋友）

今年復活節同清明差唔多同期放，只需請5/4（週四）一日，就可以合共放6日，簡直抵放到暈。正因為咁，好多人已經Plan緊復活節飛邊度。依家仲有2個月，入定貨啦！Check過系統，如果以亞洲區計，真係揀得落手嘅只有新加坡同吉隆坡呢兩個城市（曼谷都得—如果你回程肯搭早上06:30班AirAsia嘅話！）。如果以4/4去9/4返早去午返嘅Pattern嚟計，呢一刻訂飛，去新加坡坐虎航就HK$2,197（連稅，下同），坐JetStar就HK$2,297，都好抵坐，有咁多日假，可以順便玩埋馬來西亞南部城市；吉隆坡坐AirAsia回程搭13:50就HK$2,886，搭16:40就HK$3,072（以去程同樣搭11:45個班計），其他嘅一定Over HK$3K以上，咁都捨得俾？我哋就唔會囉。一係把心一橫等Last Minute睇下有冇炒燶飛推出，又或者等埋春秋航空，因為3月尾起嘅上海機票價仲未出，一見有HK$199/HK$299優惠就要即搶。

虎航網址：www.tigerairways.com

JetStar網址：www.jetstar.com

（記得按下面「讚好」Share俾Facebook朋友）

呢排好多Facebook網友問印尼峇里幾時有平機票？我哋可以肯定答你：直航死咗條心吧啦！連港航最平都只係做HK$3.4K未連稅，轉機啦唯有！今次就介紹隻筍盤！搭JetStar暑假飛新加坡，單程連稅只需HK$428！轉飛峇里單程亦只需連稅HK$910！不過去程呢個價要喺新加坡停十幾粒鐘，唔想過夜，俾多少少，單程連稅約HK$1,080就可即日落到峇里；至於回程，Well！佢開下午機，點都駁唔到即日機返香港，不如單獨買張單程機票去新加坡玩幾日先囉！講番新加坡，呢個價來回連稅約HK$904，比國泰2人同行連稅平近一千！喂喂！暑假嚟架！斷估到時國泰都再冇2人同行HK$1,100未連稅優惠卦？？？

留意位：

1. 出發日期：26/6 – 7/8

2. 最後出票日期：3/2 23:59

3. 此票價只限攜帶1件手提行李，寄艙行李需額外收費

網址：www.jetstar.com

（記得按下面「讚好」Share俾Facebook朋友）

呢單筍盤，應該係「又飛啦！」有史以嚟最筍！JetStar為慶祝成立7週年，特別推出買1送1優惠，飛新加坡，來回淨機票每位除番開只係HK$364咋！來回呀！連稅都只係HK$778！嘩！乜平到咁呀！呢隻優惠屬早餐盤，出發日期為明年11/4 – 23/5 以及 26/6 – 7/8，連暑假都包埋，呢劑仲唔叫筍爆？Check過系統，呢一刻仲有唔少選擇，不過要快啲搶喇！皆因訂購日期只去到本週五23:59。記住！一定要2人同行，逢單數者不能享受此優惠。

網址：www.jetstar.com

（記得按下面「讚好」Share俾Facebook朋友）