11:45 15/1 Updated：漏洞已封，恭喜各位搶到嘅朋友！

廉航推出$0機票已經唔係新聞，皆因燃油附加費同機場稅點都要您俾。不過今日捷星JetStar似乎要益街坊喎！是咁的：JetStar最近推出吉隆坡<->新加坡$0機票，本來乘客來回都要俾番油附同機場稅（來回約RM150 / HK$395），但今日官網系統中，吉隆坡去新加坡嗰程嘅油附同機場稅（Fee & taxes）竟然顯示為RM$0（即係免費）！由於官網冇任何宣傳，故此極大機會係大漏洞價（冇奶油倒貼機場稅做生意卦）！呢批機票為數非常之多，出發日期由21/2 – 2/8，趁依家JetStar未郁手，快啲搶啦（真係一蚊都唔駛俾架）！溫馨提示：當您進入付款頁時，唔駛輸入信用卡號碼，只需揀”Jet Vouch”，禮券號碼唔駛填，就咁按頁底右下角嘅Continue就得（因為都$0，駛乜用信用卡）！此外，有時系統會Show番到油附同機場稅（指吉隆坡飛新加坡），唔駛理佢，再按F5或重新Search或開另一Browser再Search，因為小弟初初都見到要俾錢，但後尾再Search就唔見咗，所以唔駛怕。至於香港飛吉隆坡同新加坡飛香港嘅機票，遲啲先補番啦！反正呢程機No Show都冇損失！

網址：www.jetstar.com

（記得按下面「讚好」Share俾Facebook朋友）

想暑假大旺季平飛新加坡？早買為宜！捷星剛剛低調推出暑假飛新加坡早餐盤：出發日期為2/7 – 2/8，單程淨機票HK$338，來回連稅HK$1,074，雖然唔係上次幾舊水來回咁激平，但仍然係抵買水平，起碼今次出發日期為暑假期間，如果您係學生哥，呢個價不妨入定貨（事關返學期間就算平到幾舊水您都飛唔到）；如果係上班一族，有需要者仍可入手，否則再等下冇壞～Check過系統，大量供應，除咗香港飛新加坡，新加坡飛亞洲區內城市一樣有特價。最後都係嗰句：有買趁手！優惠去到11/1 23:59。

網址：www.jetstar.com

（記得按下面「讚好」Share俾Facebook朋友）

今年聖誕，您收到乜嘢聖誕禮物呢？唔滿意？有捷星幫您！佢喺今日Boxing Day（26/12）起至28/12 23:59期間推出1月份Last Minute平機票，飛新加坡單程連稅最平HK$488，來回連稅最平HK$1,034，出發日期為8/1至31/1，呢個價當然唔包行李寄艙及飛機餐。Check過系統，去程連稅HK$488主要集中喺夜機3K696（20:25/00:20），其他就未必日日有睇供應，回程就兩班都有連稅HK$546，依家先想1月份飛新加坡，呢個價超級Good呀！

網址：www.jetstar.com

（記得按下面「讚好」Share俾Facebook朋友）

捷星（JetStar）早喺2星期前已預告會推出久違嘅買1送1優惠，當時話等佢Facebook Page Fans數目到88,888先推出喎！蝦！依家仲差幾百人，忍唔到，要出手！JetStar已率先俾登記會員依家立即優先搶飛：唔駛擔心！有好嘢我哋「又飛啦！」梗係第一時間Share俾大家啦！依家只需經以下指定Link入JetStar官網即可偷步搶飛（一般公眾就要等到明日11/12上午09:00先搶到）！出發日期為9/4 – 25/4及7/5 – 30/5兩段時間，早餐盤！來回連稅每人HK$698起（不包行李寄艙及飛機餐），已經觸及JetStar史上最低位（仲平過虎航最近做嘅HK$793，不過佢就1人飛都得）！最後出票日期為13/11 23:59，搶飛時記得必須揀雙數乘客先有買1送1優惠（例如2/4/6/8），單數就冇，除咗新加坡，其他航線都有做買1送1優惠，當中峇里來回連稅每人HK$1,489都甚有睇頭（新加坡轉機），趁依家未有太多人知，No Talk即搶！

網址：www.jetstar.com

（記得按下面「讚好」Share俾Facebook朋友）

國泰FanFares推出新加坡機票HK$590，來回連稅HK$1,383，廉航捷星（JetStar）梗係唔手軟啦！為慶祝接待第1億個乘客，佢剛剛再度推出明年1月-3月嘅新加坡早餐盤，單程HK$318起，來回連稅HK$1,033起，呢口價比起10月頭推出嘅1月早盤差唔多，不過比起2月-3月個批就貴兩舊。Check過系統，無論平日抑或假日，好多班次都有呢口價。今次劈價，另一「亮點」係經新加坡轉機飛印尼峇里，來回連稅HK$2,091起，比直航平三千以上！趁未有人知，快啲入手喇（以上價錢不包括行李寄艙及飛機餐，廉航嘛）！

網址：www.jetstar.com

（記得按下面「讚好」Share俾Facebook朋友）

新加坡機票價格「長期低迷」，連Last Minute飛都可以咁鬼筍：捷星JetStar做緊劈價，由6/11至13/12出發，單程連稅最平HK$588起，來回連稅最平HK$1,233，同虎航之前做嘅早餐盤貴一百幾十而已，但可以即買即飛播！Check過系統，香港出發呢個價主要集中喺平日，想週末飛就冇嘞！至於回程，數量更少，不過貴一百幾十嘅飛都有唔少，連稅升至HK$1,413左右，以坐4粒鐘機而言，呢個價好抵，未去馬來西亞LegoLand玩嘅Fans，入手啦！隨咗新加坡線，捷星亦劈其他航點，香港經新加坡來往印尼峇里，來回連稅HK$3,057，當然來回唔見成日，貪平者或一心想玩埋新加坡者，可以考慮。

網址：www.jetstar.com

（記得按下面「讚好」Share俾Facebook朋友）

第二單要追報嘅筍盤就係捷星（JetStar），佢前幾日推出咗一款早餐盤：明年1月出發（1/1 – 31/1）飛新加坡，單程HK$308起，連稅HK$478起，來回連稅HK$1,013起（溫馨提示：唔包飛機餐及行李寄艙），唔知點解，Check過系統，賣到依家好多日子都仲有平飛喎（當然回程06:30嗰班3K 691就堅有，但其餘班次平日都唔難搵到）！點解咁淡靜嘅？查實呢個價以3個月中短距離嘅期貨盤嚟講，確實抵玩，當然您會話：車！新航之前都做過連稅HK$1.3K啦！不過呢種非典型劈價，十年唔逢一潤！最後出票日期為7/10，要買就快！

網址：www.jetstar.com

（記得按下面「讚好」Share俾Facebook朋友）

星期五晚，不如講單有趣嘅劈價消息。新加坡吉隆坡呢個1小時黃金短途航線，自從兩三年前重新開放營運後（以往只容許做駁機），三間廉航（包括AirAsia, JetStar同埋Tiger Airways）一直鬥到你死我活，情況就好似香港台北線咁互片。最近JetStar終於忍唔住，駛出終極一劈，推出來回$0免費機票，只要你肯俾油附同機場稅就得，來回只需SGD48（約HK$294），仲平過張香港澳門來回船飛。本來$0機票唔出奇，奇就奇在今次劈價嘅飛絕非遠期期貨，而係Last Minute嘅7月-10月！數量仲要唔少添！如果您打算暑假飛呢兩個城市，可以去JetStar買。唉！羨慕死人！如果小弟住喺新加坡／吉隆坡就幸福啦！真係個個禮拜又飛啦！

網址：www.jetstar.com

（記得按下面「讚好」Share俾Facebook朋友）