馬航又嚟晒冷劈，不過要細心睇先唔會中伏：最抵仍然係直航嘅吉隆坡同沙巴，出發日期為15/2 – 15/4；24/4 – 30/6，前者淨機票HK$1,283起，連稅HK$2,005起，後者HK$1,183起，連稅HK$1,904起，航班冇限制睇供應，機票有效期14日。Check過系統，供應充裕。至於其他城市嘅經濟客位，因為稅費太貴，淨機票幾平都冇用，唔建議大家買，反而商務客位有睇頭（連稅計）：馬爾代夫HK$6,777起，墨爾本HK$12,650起，悉尼HK$12,782起，奧克蘭HK$15,739起，倫敦HK$20,887起，巴黎HK$19,180起，比其他航空公司平幾千蚊以上，馬航商務係好嘢嚟！呢批機票有效期30日，最後出票日期為5/3。

網址：malaysiaairlines.com

（覺得抵請記得按Like同Share俾朋友）

馬航今日又有新一輪劈劈劈，甚有睇頭！先講內容：飛吉隆坡來回淨機票HK$900起（連稅HK$1,642），來回程指定坐新開辦航班：去程MH449（14:05 / 17:55），回程MH448（09:45 / 13:25），揀其他時間會貴HK$200 – 600不等（視乎航班）；馬爾代夫來回淨機票HK$1,800起（連稅HK$4,430），建議大家坐商務，來回HK$3,600起（連稅HK$6,811），呢口價同坐直航經濟相若，但馬航係坐商務播！馬航商務質素向來唔錯，食好啲，坐好啲，機場又有Lounge用，兼且里數又賺多啲（125%），雖然只係坐細機737-800，俾多HK$2K係超值嘅！至於出發日期，吉隆坡HK$900就17/2 – 29/3，其他價格就6/2 – 31/3，馬爾代夫亦係6/2 – 31/3，機票有效期14日，最後出票日期為24/1。

網址：www.malaysiaairlines.com

（覺得抵請記得按Like同Share俾朋友）

馬航又玩晒冷劈，今次航點集中東南亞／中亞及澳洲，出發日期為明年2至3月，最有睇頭依然係吉隆坡同沙巴：吉隆坡來回淨機票HK$1,133起，連稅HK$1,868起，去程限坐夜機MH433（20:40 / 00:30+），回程冇限制睇供應，如果想坐其他班次就加HK$50，仍屬射程範圍；沙巴來回淨機票HK$1,333起，連稅HK$2,068起，雖然比廉航香港快運同AirAsia貴幾舊，但馬航呢口價包埋行李寄艙同飛機餐，絕對唔輸蝕。出發日期為06/02/2014 – 31/03/2014，機票有效期14日。

每次馬航晒冷劈，聰明嘅朋友都會吼埋佢商務艙優惠，皆因的確堅抵，例如飛馬爾代夫來回淨機票HK$4,333起，連稅HK$7,227起，呢個價買國泰直航都只能坐經濟位；至於悉尼同墨爾本，來回淨機票HK$8,333起，連稅計，悉尼HK$12,558起，墨爾本HK$12,423起，呢個價買國泰／維珍／澳航只可以坐豪華經濟位！衰在轉機啫！從另一角度睇，搭耐啲咪歎耐啲囉！以上機票有效期為30日。

網址：www.malaysiaairlines.com

（覺得抵請記得按Like同Share俾朋友）

馬航又晒冷式推出一系列馬來西亞及其他國際航點平機票，一如以往，都以馬來西亞線最有睇頭（航線夠多嘛），包括吉隆坡HK$1,030起（連稅HK$1,768），沙巴HK$1,490起（連稅HK$2,228），浮羅交怡HK$1,250起（連稅HK$2,494起），新山（去Hello Kitty + Lego Land）HK$2,494起，機票有效期14日，最後出發日期為23/01/2014；至於其他國家航點，我哋認為唔算抵買，例如飛馬爾代夫馬航連稅HK$4,968起，港航直航分分鐘仲平啲添；至於峇里，馬航連稅HK$2,906起，記住年尾有廉航虎航幫手呢！人家仲要係直航呀！點推介得落？至於澳洲，供應量亦有限，或者您又去ZUJI發掘下吖～最後出票日期為05/11/2014。

網址：www.zuji.com.hk

（覺得抵請記得按Like同Share俾朋友）

馬航為慶祝馬來西亞國慶，推出新一批秋季飛馬來西亞各大城市平機票，出發日期24/8 – 24/9；07/10 – 31/10，直飛吉隆坡來回淨機票HK$1,283起（連稅HK$1,956起），沙巴HK$1,483起（連稅HK$2,156起），其他馬來西亞城市（經吉隆坡轉機）就淨機票HK$1,483起（連稅HK$2,644起），包括亞羅士打／丁加奴（熱浪島）／新山（LegoLand）／浮羅交怡／古晉／檳城／山打根等等，機票有效期7日，香港來回吉隆坡嗰程可以坐A380班次（去程MH73 14:45/18:25，回程MH72 09:15/13:05）。Check過系統，供應量充裕，呢個價可以歎A380又的確有睇頭，加上飛馬來西亞其他城市，搭馬航唔駛煩轉機問題（因為行李直送），AirAsia係抵啲，但轉機要自己搞掂行李，兼且再喺吉隆坡Check-in多一次，想平定要舒服，自己揀啦！最後出票日期為11/9。

網址：www.malaysiaairlines.com

（覺得抵請記得按Like同Share俾朋友）

中秋節機票已經開始漲價喇！梗係啦！今年補假係週五，連埋六／日，唔請假又有一個短Trip了！剛同大家Check過亞洲區熱門地點，暫時仲有少量筍盤，其中就係今次推介嘅吉隆坡：搭馬航，週四（19/9）中秋節夜搭MH433（20:30/00:10+1），週日（22/9）搭MH78（19:15/23:05），來回淨機票HK$1,868，連稅HK$2,545，一日假都唔駛請（假設返五日工）。由於對手AirAsia同日來回連稅都要HK$2,048，但AirAsia呢個價唔包寄艙行李同飛機餐，加上回程最夜只係搭AK1654（16:40/20:35），馬航遲三小時走兼包行李寄艙同飛機餐，計落抵啲。都係嗰句：熱門日子，筍盤有限，行動要快！

網址：www.mas.com.my

（覺得抵請記得按Like同Share俾朋友）

您冇睇錯，7-8月暑假高峰期都有劈！今次主角係馬航，佢晒冷式推出東南亞／澳洲／新西蘭／印度等唔同航點，先睇直航（來回計，前者出發日期為8/6 – 11/7，後者出發日期為12/7 – 25/8）：吉隆坡HK$580（連稅HK$1,296） / HK$780（連稅HK$1,496）；沙巴HK$1,180（連稅HK$1,896） / HK$1,380（連稅HK$2,096），前者竟然同AirAsia有得Flight！後者都好鬼平！但其實更推介坐商務艙：去吉隆坡如果坐737-800細機，6至8月來回一律HK$2,880（連稅HK$3,596），如果揀A380新機，來回一律HK$4,080（連稅HK$4,796），暑假可以用呢口價歎全新A380商務艙，性價比非常高。至於轉機，馬爾代夫HK$2,480（HK$5,073）/ HK$2,780（HK$5,573），奧克蘭HK$2,580（連稅HK$6,479）/ HK$2,980（連稅HK$6,879），班加羅爾HK$1,780（HK$3,272）。至於澳洲線，由於維珍同澳航鬥劈中，唔入得過。佢仲有一大批東南亞城市減，有興趣可以上馬航官網發掘下。最後出票日期為26/6。

網址：malaysiaairlines.com

（覺得抵請記得按Like同Share俾朋友）

17:00 20/5 Updated：呢隻筍盤已經喺馬航官網手機版率先推出！官網網站版及其他網站未有得賣，快手啦！

唔怪得AirAsia暑假可以劈到連稅HK$936喇！原來係馬航為慶祝加開每日第三班航班（去程MH433，20:30/00:10+1，回程MH432，15:40/19:30），由15/6至11/7出發，只要來回都揀新航班，來回淨機票怒劈到HK$390，連稅HK$1,146，機票有效期為14日。喂！馬航係傳統航空公司，呢個價係包行李寄艙同飛機餐播（雖然呢兩班機只係坐737-800，同AirAsia一樣係細機類別）！至於去程時間，到達吉隆坡雖然係零晨12點，但最後一班機場快線（KL Ekspres）係開1:00am，理論上如果入境一切順利都可以趕到尾班車（非繁忙時間每20分鐘一班，車程約28分鐘到達KL Sentral），唔駛擔心夜媽媽冇車入市區。最後出票日期為26/5。

網址：flymas.mobi

（記得按下面「讚好」Share俾Facebook朋友）