請即Like 又飛啦！Facebook Page
長榮Hello Kitty機已於上週三（23/5）起至下月21/6暫停香港<->台北服務，但22/6後，全新嘅彩繪機又會派嚟香港同大家見面！長榮已公佈兩架全新Hello Kitty彩繪機詳情：第四隻名為「歡樂機」（圖），係A330-200航機，主題為「Hello Kitty Happy Music Time」，希望為各位乘客一齊譜出旅程嘅快樂序曲，佢已經喺上週三率先飛嚟香港俾大家先睹為快，由依家到六月會不定期飛往不同地點，等多啲亞洲區內Fans好好欣賞，1/9起就會投入台北<->札幌線懷抱；而21/6起負責跑香港<->台北線嘅，會係第五隻Hello Kitty機：「雲彩機」，同樣係A330-200機，以「Hello Kitty Speed Puff」為主題，將自由自在嘅筋斗雲神話重現，飛咗上天，乘客就好比坐喺大型筋斗雲上飛翔，都幾有龍珠Feel，暫時未有真身睇住，都係等長榮稍後公佈啦。
（記得按下面「讚好」Share俾Facebook朋友）
留言