請即Like 又飛啦！Facebook Page
有啲航空公司會大力宣傳航線首發，但最近天津航空來港呢單料，喺香港低調到冇朋友．由7月15日開始，與香港航空/香港快運同系嘅天津航空，正式開通香港<->天津直航服務，每日對開一班，香港出發為18:30/21:20，回程為14:20/17:30。依家唯一對手國航，回程時間太早，津航開下午機，大陸客到港後可以駁到同系港航／快運去東南亞嘅夜機，我估計回程一定有需求，但去程要視乎稍後有冇推廣活動吸引港人乘搭喇！
航機採用巴西航空工業公司生產嘅E190型客機，提供6個商務客位同89個經濟客位。為慶祝首航，更特別同新浪微博搞Join Promotion，向天津市民推廣香港遊，而機身特別塗上咗新浪微博Logo，非常搶眼呢！我都好想搭下，始終我都未搭過呢款巴西製細機。價錢方面，網上訂購約HK$2,712（未連稅），同國航差唔多。鬼咩！座位咁少，邊有得減吖！
（記得按下面「讚好」Share俾Facebook朋友）
留言