油價3月下調，買機票去玩已經夠抵，想再抵啲？可以考慮Priceline呢隻折扣Code：銀聯信用卡用戶（適用於卡號62開頭喺香港或澳門發行嘅指定銀聯信用卡）由依家至3月31日經Priceline訂東京、沖繩、首爾、台北、新加坡、馬來西亞、泰國或澳洲嘅機票、酒店或套票，單一簽賬滿HK$3,500（未連稅計），只需輸入指定折扣Code即減HK$500，變相86折起！啱哂去長途旅行，或成班Friend玩幾日啦。出發日期由依家至6月30日。呢隻Code只限首500個成功交易，用完即止。

折扣代碼：UNIONPAY500

網址：www.priceline.com.hk

（覺得抵可用Whatsapp同LINE Share俾朋友架）

變相86折！經Priceline用銀聯卡訂機票、酒店或套票滿HK$3,500即減HK$500，6月30日前出發

香港飛南美，機票想七八千？呢隻有故講：意大利航空（Alitalia）歐洲多個城市（布拉格／慕尼黑／馬拉加／尼斯／巴塞隆拿／法蘭克福／雅典／馬德里／維也納／布魯塞爾……）來回巴西里約熱內盧／聖保羅以及阿根庭布宜諾斯艾利斯，來回淨機票US$53（約HK$414），連稅US$387.23（約HK$3,020）起，未去到史上最平嘅TAM航空連稅二千幾，不過都好抵，話晒跨大西洋兼搭十幾粒鐘機，加埋香港飛歐洲俄航或中東三寶（尤其3月1日後再減燃油附後，來回連稅都係三千尾四千頭），兩程機只需七千八千，飛到去南美洲喎！仲可以順道玩埋歐洲添！出發日期由3月1日至6月30日（必須於6月30日完成行程），機票有效期1個月，可以上意航官網入手。

其實今晚意航出現一連串漏洞價錢，例如歐洲多地出發來回首爾（如阿姆斯特丹／巴塞隆拿／卡撒布蘭卡等地）連稅只需HK$1,700左右，主因係無計燃油附加費。至於呢隻南美平飛，見到仲有計算燃油附加費，加上首爾漏洞票官網冇售，而呢隻飛就官網有售，所以估計係漏洞機會50/50，總之老規舉：買咗後唔好訂酒店住，睇定一排先去馬啦！

網址：http://www.alitalia.com/US_EN/ （美國版先有此價）

（覺得抵可用Whatsapp同LINE Share俾朋友架）

超平！意航歐洲來回巴西及阿根庭來回連稅$3,020起，6月30日前出發

嘉魯達航空推出峇里Last Minute劈！直航來回HK$1,350起，連稅計HK$1,754起，呢口價坐Skytrax「五星航空公司」真係抵，連港航都招架唔住，出發日期由3月1至3月20日，Check過系統，Expedia賣得最平，但貨量唔多，ZUJI貴HK$64起，但貨量多啲，機票有效期7日，想買就要快手。

Expedia網址：www.expedia.com.hk

ZUJI網址：www.zuji.com.hk

（覺得抵可用Whatsapp同LINE Share俾朋友架）

宇宙最強！峇里Last Minute劈！坐嘉魯達航空來回$1,350起，3月20日前出發

冷門優惠，又有一隻（男士就Very Good，女士就不宜獨遊）：捷特航空呢隻印度超平盤，直飛新德里來回淨機票HK$1,319起，連稅HK$1,840起，以價論價，直飛印度連稅唔駛HK$2,000好少見，加上捷特唔係廉航，係包行李寄艙及飛機餐，點睇都係抵，出發日期至3月15日（換言之係Last Minute盤），Check過系統，以3月頭出發為主，日子選擇唔太多（可能水尾），最後出票日期為今日（2月22日），可上官網買。

網址：www.jetairways.com

（覺得抵可用Whatsapp同LINE Share俾朋友架）

最後今日！捷特航空直飛印度新德里來回$1,319起，3月15日前出發

香港直飛峇里島，自從冇咗廉航印尼虎航後，想平唯有靠港航大劈或轉機。馬來西亞廉航之一：馬印航空（Malindo Air）趁新春佳節+慶祝2週年，推出一系列馬來西亞內陸（包括檳城、浮羅交怡、古晉、沙巴、馬六甲、新山、怡保等等）、國際線如飛新加坡、曼谷及印尼航點HK$0機票大劈，最筍首推吉隆坡來回印尼峇里島，來回淨機票HK$0，連稅MYR148（HK$316）起，雖然係廉航，馬印航空有包15kg（國內線）或20kg（國際線）行李寄艙+小食+機上娛樂，呢口價真係超級無敵抵，再配合香港<->吉隆坡廉航平飛，分分鐘連稅一千左右玩晒兩地。出發日期為2月22日至10月22日，Check過系統，峇里島線要去到7月下旬後先有HK$0，其他內陸線唔太難搵，暑假都有，咁就要快手。最後出票日期為3月22日。

網址：www.malindoair.com

（覺得抵可用Whatsapp同LINE Share俾朋友架）

$0機票！暑假都有！馬印航空吉隆坡來回峇里島連稅$316起，其他城市單程連稅$75起，包行李

皇家汶萊航空翻推3個地點（經汶萊首都斯里巴加灣轉機）平飛，來回杜拜$2,362起（連稅計HK$3,895起）、墨爾本HK$2,666起（連稅計HK$4,600起）、倫敦$3,125起（連稅計HK$6,289起），基於燃油附加費跌，呢口價比上次平咗HK$100左右。最大賣點係可以免費Stopover汶萊，一雞兩味，玩哂兩個地方。皇家汶萊航空服務質素幾好架！仲用全新波音787夢幻客機，夠哂舒服。出發日期：2月25日至3月26日、4月21日至5月29日（杜拜及倫敦航線）；2月25日至3月31日、4月8日至6月26日（墨爾本航線）。Check過系統，供應集中喺3月同5月，機票有效期為30日，上ZUJI買飛，最後出票日期為3月31日。

網址：www.zuji.com.hk

（覺得抵請記得按Like同Share俾朋友）

一雞兩味！皇家汶萊航空飛杜拜$2,362、墨爾本$2,666、倫敦$3,125起，6月26日前出發

愈來愈多海外商戶接受銀聯卡，如果您身上都有一張（不論信用卡抑或提款卡），呢個優惠值得留意：由依家至2月28日，凡先登入銀聯「旅遊貼士網」即可免費下載咖啡或礦泉水贈飲券，去到香港機場只要Show銀聯卡+登機證+贈飲券，即可去Pacific Coffee換咖啡乙杯或Relay換Evian礦泉水乙支；另外去日、韓、台旅遊時憑銀聯卡消費，除享有個別商戶折扣外（例如日本丸井百貨（優惠至2015年6月30日）、日本阪急百貨（優惠至2015年12月31日）有95折），消費滿等值人民幣3,000或以上，憑收據返香港中旅社任何一間分店即可換領HK$300超巿/旅遊禮券（送完即止）。近排日Yen咁平，加上有HK$300 Coupon送，下次去日本記得用銀聯卡消費。優惠受條款及細則約束，詳情請去官網睇睇。

網址：www.unionpayintl.com/hk/travel

（覺得抵可用Whatsapp同LINE Share俾朋友架）

打孖送！帶銀聯卡去機場免費嘆咖啡或Evian，飛日、韓、台消費滿等值人民幣3,000再送$300超市禮券

復活節仲想有至平至抵選擇，仲諗？不如走翻轉峇里島啦！香港航空呢個盤來回HK$1,650起，連稅HK$2,056起，出發日期由3月27日至4月2日、4月9日至4月29日、5月3日至6月30日，想復活節出發首推4月2日晚機去，4月8日零晨機返，一日假都唔洗請，玩盡成個假期（大時大節竟然唔加價，奇聞呀）！Check過系統，大部份出發日子都有平飛，機票有效期為7日，上官網買飛。

網址：www.hongkongairlines.com

（覺得抵可用Whatsapp同LINE Share俾朋友架）

吓吓吓？港航復活節正日飛峇里島$1,650起，6月30日前出發