今早我哋「又飛啦！」先介紹咗越南航空平機票，雖然佢暫時只推出9月份Offer，但相信10打後出發嘅平機票會陸續有嚟（最好國泰／港龍都減啦）！今次就介紹一隻越南新廉航VietJet（2011年12月先開航，專走內陸線）筍盤，佢今日起一連三日（24/7 – 26/7）每晚21:00 – 00:00，會推出一隻超平優惠：胡志明市飛著名沿海渡假城市芽庄（Nha Trang），淨機票單程竟然只需HK$7.02（US$0.9），來回連稅只需HK$48（US$6.18）！記住！係連稅連油附！單程搭巴士入香港機場都唔得啦！真係劈盤中嘅XO！至於時間方面，胡志明市出發為晚上20:30/21:25，芽庄回程晚上22:00/22:50，一小時機，出發日期由3/8至30/12，但不包括31/8 – 30/9。Check過系統，10月打後供應量尚算充俗。芽庄海灘唔錯架！去越南簽證費唔平，一於玩多幾日去埋芽庄啦！

網址：vietjetair.com

（記得按下面「讚好」Share俾Facebook朋友）

都有一段日子冇介紹過越南筍盤，今次就介紹越南航空9月平機票優惠，最後出發日期為24/9，無論你飛河內抑或胡志明市，14日有效期機票，價錢一律HK$1,440起，連稅HK$2,159起，唔係最平，但都平過國泰/港龍千幾，起碼越南航空都係穩陣型加上少Delay，HK$1,440係值嘅！飛胡志明市VN595（15:20/16:45），回程VN594（10:40/14:20），飛河內VN593（14:30/15:30），回程VN592（10:40/13:30），午去早返．Check過系統，雖然唔係日日有，但供應量仍算不俗，不過提提您：去越南旅遊要申請簽證，宜預多少少時間處理。

網址：www.vietnamairlines.com

（記得按下面「讚好」Share俾Facebook朋友）

首先要多謝FB Fans Oscar Au Yeung今日好介紹，如果唔係走漏眼！事關我哋好少留意南非航空優惠（因為飛南非一向唔平，你睇下國泰就知），原來佢有一隻早餐盤：出發日期為1/11至10/12，飛南非（經約翰尼斯堡轉機）開普敦、德班只係HK$4,020（連稅HK$7,788），對手國泰極少有呢口價。再遠啲飛去巴西聖保羅就$9,400（連稅HK$15,597），都有參考價值。11-12月個陣應該係當地春至初夏季節，氣溫有十幾度，係非常好嘅旅遊季節。小弟兩年前飛過去開普敦睇世界盃，印象深刻：例如圖中著名景點桌山（Table Mountain）梗係要登上去睇啦！再開車沿海岸線走，大把靚海景，當然唔少得去埋好望角！仲有當地大把酒莊，既可遊覽，啲當地出產嘅紅／白酒一支廿零三十蚊有交易，水準唔差！所以餐餐都飲，仲平過買支水，諗起都想再去！

留意位：

1. 最後出票日期：23/7

2. 出發日期：1/11 – 10/12

3. 機票有效期：1個月

網址：www.flysaa.com

（記得按下面「讚好」Share俾Facebook朋友）

急報！早幾日，我哋「又飛啦！」已經喺Facebook Page度報導AirAsia X已於3/7低調開通吉隆坡<->尼泊爾首都加德滿都航線，暫時以包機形式運作，須於指定馬來西亞同尼泊爾旅行社買飛。不過AirAsia已正式宣佈：於今晚00:00（10/7）開始，會正式開放官網俾大家買飛，出發日期由4/9起，單程連稅賣RM399起（約HK$1,040起）。香港飛尼泊爾加德滿都，暫時只有港龍有直航服務，不過非常之貴，永冇劈價盤；轉機最平印度Jet Airways連稅都要HK$5-6K，依家有AirAsia X幫手，以後大可經吉隆坡飛去呢個幫你洗滌心靈嘅國度。配埋香港<->吉隆坡平機票，連稅分分鐘三千頭搞掂！至於航班方面，逢星期二及四各對開一班，吉隆坡出發D7 192（11:45/14:00），尼泊爾回程D7 193（15:30/22:25），可惜來回都唔可以駁即日機返港：咁順道去埋吉隆坡玩先返香港囉！

網址：www.airasia.com

（記得按下面「讚好」Share俾Facebook朋友）

現時香港並無定期直航機來回柬埔寨吳哥窟（暹粒），要平去，一係搭越南航空經河內或胡志明市轉機，一係自己拼兩程AirAsia（香港<->曼谷 + 曼谷<->吳哥窟［暹粒］)，不如試下由廣州出發吖！中國南方航空有直航飛吳哥窟（暹粒），去程下午16:35，回程下午19:25，機程2:55分鐘。票價方面，提前60天訂約HK$1,086起，30天前約HK$1,316，15天前訂約HK$1,550起，稅及油附就HK$1,248，總之三千之內有找。Check過系統，平機票要等7月尾打後出發，9月中後期去HK$1,086都幾充裕，想去睇呢個著名古蹟，去一起飛出票啦！

網址：hk.yiqifei.com

（記得按下面「讚好」Share俾Facebook朋友）

國泰好耐冇推出限時劈價盤，今日終於返嚟啦！今次佢揀咗新加坡／上海浦東／胡志明市嚟劈，出手極狠，全部一律平到淨飛HK$990，以連稅價計，新加坡就HK$1,790、上海HK$1,727，胡志明市HK$1,757，出發日期去到12/7（即係Last Minute啦），暑假唔包當然有啲失望，不過算啦！胡志明市極少平成咁，首選！上海就真係睇你心水，因為佢只能搭番國泰航班，港龍唔得，但國泰班次疏；新加坡以廉航價搭國泰，當然正斗！優惠去到本週六（16/6）23:59咋！

留意位：

1. 出發日期：往新加坡 – 25/6 – 12/7；往上海浦東- 17/6 – 12/7；往胡志明市 – 17/6 – 28/6 及 2/7 – 12/7日

2. 機票有效期：2 – 7日

3. 航班限制：此優惠只適用於由國泰航空營運的航班。香港往新加坡只適用於CX659/CX691/CX635/CX711，新加坡往香港只適用於CX650/CX690/CX636/CX714

網址：www.cathaypacific.com

（記得按下面「讚好」Share俾Facebook朋友）

估唔到Post咗斐濟心形小島Tavarua Island相片上Facebook後，竟然咁大迴響，執筆之時已錄得超過9,400個Like！其實去呢個浪漫天堂一啲都唔難，亦都唔貴，今次就介紹去斐濟嘅筍盤。太平洋航空Air Pacific每逢週四及六都有一班機對開（以前有埋週一，不過依家Cut咗），直航機嚟，香港出發FJ392 16:55/07:05(+1)，回程FJ391 08:25/14:50，如果上佢官網買，最平可以淨機票HK$3,307，連稅HK$6,465，最後出票日期為26/7。Check過系統，呢個Fare唔難搵到，一於趁暑假同Honey飛去Tavarua Island同佢講「我愛您」啦！提提你，呢班機佢同國泰聯營，喺國泰網頁一樣可以訂到，不過最平都要HK$5,060，去番Air Pacific訂算數，還掂都冇里數賺。

網址：http://www.airpacific.com/

（記得按下面「讚好」Share俾Facebook朋友）

我哋「又飛啦！」有時會幫大家搵啲廣州出發嘅筍盤，通常都集中講國泰嘅，皆因貪佢回程可以直接喺香港落機返屋企，變相去程轉機（香港）回程直航。今次講呢隻廣州飛奧克蘭優惠，我哋曾經喺26/3報過，當時來回票價HK$3,025，依家國泰叫Encore，最後出發日期可以去到25/6（官網就寫30/6，不過Check過26/6打後冇啦），你大可以7月尾先返。淨飛HK$2,647，睇落好似平3舊，實情油附加咗，連稅HK$5,930同上次HK$6,000差無幾。當然依家新西蘭凍啦！但如果學生哥想Cheap Cheap地趁暑假玩盡呢個咁靚嘅國家，呢隻筍盤值得考慮，事關香港出發來回要轉機嘅，都一定唔止呢個價（連稅亦然），但國泰回程直航喎！

網址：www.cathaypacific.com

（記得按下面「讚好」Share俾Facebook朋友）