X
暑假呀，去旅行梗係首選陽光與海灘啦！如果假期夠嘅，飛遠少少去關島，暑假嚟講未算貴。聯合每週一及五均有一班直航對飛，時間都幾靚仔：去程夜機UA180（22:35/05:25），放工出機場兼機上瞓覺，回程UA147（18:45/21:45），最後一日都玩得足，呢張機票淨價HK$5,290，連稅HK$6,680，機票有效期5-30日，直飛嚟講，算抵，事關轉機最平坐菲航連稅都要HK$4.4K，但無論機程及質素都有距離，呢二千蚊係值得俾嘅。Check過系統，暑假好多日子都仲有呢口價。關島啲水超清，游水一流，諗起都想飛。
（記得按下面「讚好」Share俾Facebook朋友）
原來「又飛啦！」有近2個月冇提過越南筍盤，今次就同大家發掘一下。Check過系統，原來7至8月仲有大量平機票，唔加不特止，個價同一般淡季差唔多！先講胡志明市，越南航空最平可以做到HK$1,760（連稅HK$2,527），至於河內，越航就貴啲，淨機票HK$2,340（連稅HK$3,091），而更平之選就係港航HK$1,780（連稅HK$2,531），至於國泰就繼續貴一貴，連稅竟然去到五千以上，真係咁爆？會唔會遲啲嚟過反高潮，拎去做下一次嘅「限時優惠」呢？
網址：www.vietnamairlines.com （越南航空）／ www.hongkongairlines.com（香港航空）
（記得按下面「讚好」Share俾Facebook朋友）
AirAsia次次開倉，System都會非常Busy。如果你透過網站訂購，系統好有可能會先帶你進入Waiting Room排隊等候：當然係人都唔想等啦！所以「又飛啦！」特別醒你三招突破Waiting Room限制方式，非常簡單！
1. 去mobile版訂購：用手機／Tablet／電腦瀏覽器，直接登上http://mobile.airasia.com訂飛，因為AirAsia官方已指出Mobile版並無設有Waiting Room，遇上系統繁忙時亦只會以較慢速度回應，不會強迫你入Waiting Room。不過以小弟經驗，遇上大搶購時，Mobile版真係慢到冇朋友，如非必要（例如趕唔切返屋企，迫住用手機搶飛），都無謂用。
2. 第三方網站訂購：有強國熱心網友特別寫咗一個幫你跳過Waiting Room嘅Online Booking Engine。小弟試過，的確可以直搗黃龍搶飛，冇Waiting Room。星期三想搶國際線平機票（其實依家搶國內線都得），記得依家Bookmark咗先！（網址：http://elvxing.35free.net/）
3. 下載Booking Engine：強國有位網民，用Excel做咗一個Booking Marco，唔駛安裝，有Excel就得。當你輸入晒所有內容（如來回地點／時間／機票數量），佢就會幫你生成一條獨特的Booking網址，只需你Copy and Paste落任何瀏覽器上，一樣可以直搗黃龍。雖然比第2個方法麻煩（因為電腦要預載MS Office），但你知道開倉時刻，七國咁亂，我怕連呢個Booking Engine都死埋。呢個Marco程式下載後就屬於自己嘅，最有保證啦！下圖為使用教學，非常易用（請按此下載Excel Marco程式，電腦內須先安裝MS Excel軟件）。
（記得按下面「讚好」Share俾Facebook朋友）
AirAsia今日公佈一系列新舉動，除咗展示以亞洲為本嘅企業新形象，以及週末空服人員新制服外（男女會改穿牛仔褲，增加Weekend氣息），當然仲有大家至關心嘅平機票優惠啦！今次唔止平，仲有啲直頭唔駛錢（當然要俾油附）！國際航線平機票將會於下週三16/5 零晨00:00正式開倉，而馬來西亞／泰國／印尼嘅國內線會率先於下週一14/5 零晨00:00推出。至於包括邊啲航線，AirAsia話會喺明日週六下午公佈，估計樣樣都有架啦！出發時間為明年4/1/2013 – 22/5/2013遠期期貨。不過都係個句：根據近年AirAsia開倉經驗，佢啲筍盤通常集中Weekday，大時大節更免問，所以估計到時唔會太多網友搶到心水飛（Server一定爆硬），有就有，冇就隨緣啦各位旅遊師主～～～～
呀！仲有仲有！AirAsia X 又公佈一條新航線，呢次係吉隆坡飛北京！22/6起啟航，以取代天津航線。北京去程開紅眼機零晨02:50！咁突然嘅舉動，好多強國網友都喺新浪微博鬧爆AirAsia冇特別善後～～～其實係人都知，AirAsia不嬲以天津為北京之輔助航點，既然主角有著落，做阿二光榮謝幕，唔出奇，只係點解唔做一至兩個月嘅Parallel Run？
（記得按下面「讚好」Share俾Facebook朋友）
華航每日有一班機來回雅加達，之前我哋「又飛啦！」都報過佢筍盤，不過始終雅加達唔係熱門旅遊地點，好少人按Like，自此我哋已甚少再提。今日得知華航由7/5起，每逢週一／三／五加開來回一班凌晨機，去程凌晨01:15/05:00，回程凌晨00:50/06:50，真係用盡紅眼機時段！依家做緊72小時特價，劈到HK$650（連稅HK$1,299）！仲平過買印傭機票！真係平到痴孖根～～～但夜媽媽去，夜媽媽回，我就情願益家中印印回鄉放假算啦！又或者買嚟轉機去峇里，都唔錯吖！
留意位：
1. 出發日期：7/5 – 20/5
2. 機票有效期：30日
（記得按下面「讚好」Share俾Facebook朋友）
「又飛啦！」講過唔少地方平機票，不過就從未講過中南美洲，今次就率先帶大家去墨西哥食Tacos。一般飛中南美洲，淨機票好難唔過一萬港紙，不過加航有一隻平機票優惠，做到今個月月底，由依家到六月底出發，飛墨西哥城中停溫哥華，來回只需HK$8,180，連埋稅亦只係HK$10,992，平嘅代價係去程要喺溫哥華停一晚（來回亦不可中停），回程就OK，喺溫哥華等個零鐘就轉得。呢張機票有效期長達3個月，方便你去勻晒成個中南美洲，尤其係學生哥，暑假去南美，夢寐以求啦！當然墨西哥城本身係全球城市人口最多之一，淨係呢度都大把嘢睇。
留意位：
1. 出發日期：即日至30/6，逢一至四
2. 機票有效期：3個月
3. 不設中途停留加拿大
（記得按下面「讚好」Share俾Facebook朋友）
今日又要返工，聽日先放復活節長假，不過我相信呢幾日全港各大小公司都唔見咁大批同事返工（包括我，哈哈哈）。復活節想收到禮物？華航有喎！佢推出復活節期間訂機票6%優惠，優惠期依家去到9/4 23:59止，無論你訂乜嘢行程、幾時出發（2012年內）、邊個艙位等等，只要經佢特別網址訂購，均可獲機價6%折扣（不包括稅及油附）。PayPal回贈優惠由1/4起已經冇咗，相信呢6%可幫補一下大家（特別係訂長途機票，6%效力就更大），記得9/4前訂購！
留意位：
1. 必須喺以下網址訂購先有優惠：calec.china-airlines.com
2. 最後出票日期：9/4 23:59
3. 6%不包稅及油附
4. 公司代碼 ：EASTER-6PCENT / 密 碼：6PCENT
（記得按下面「讚好」Share俾Facebook朋友）
香港天氣開始回暖，但3至4月仲未係陽光與海灘嘅時間呢！關島呢排又有排平機票出，搭聯合航空（以前係美國大陸航空執飛，依家合併咗又由番聯合航空負責）直航去關島，30/4前飛連稅只係HK$5,580咋！扣番稅錢，齋飛收你HK$4,144，直航嚟講抵爆（之前我哋介紹過搭長榮轉機都要HK$3,600）。依家聯合逢週一及週五有直航往返（去程UA180 22:35/05:25，回程UA147 18:45/21:45，時間正到爆），其他日子去關島當然得，轉機囉！不過收費仲貴過直航，俾你都唔劑啦！想去關島結婚或影婚紗相？快啲買飛！
（記得按下面「讚好」Share俾Facebook朋友）
X