自從開通咗香港<->斐濟直航航線後，喺旅遊局同航空公司不斷賣電視廣告宣傳下，愈來愈多香港人飛去斐濟旅遊，皆因當地景色真係幾正，而且污染少，好適合游水潛水歎世界，最重要係唔似個啲熱門渡假勝地咁多遊客。斐濟航空最近推出直航機票筍盤，去一起飛訂，來回直航香港<->南迪2人同行票價只係HK$3,369（未連稅），以坐10個鐘機嚟講算係非常超值，最重要係呢條航線根本係獨市生意（連國泰都走去同佢做Code Sharing），無必要大減（事實上國泰官網都賣緊五千幾蚊），今次咁筍益街坊，梗係第一時間話俾大家知啦！

留意位：

1. 航班時間：

FJ392   香港-南迪  16:40   06:50+1   逢周一,四,六
FJ391   南迪-香港  08:25   14:50       逢周一,四,六

2. 最後出票日期：31/10
3. 出發日期：1/11/2011 – 30/1/2011；1/2/2012 – 31/3/2012

網址：hk.yiqifei.com

（記得按下面「讚好」Share俾Facebook朋友）

之前我哋都介紹過南航A380機艙佈局，話咁快原來連首航日子都確定埋！強國做嘢真係爽過人。南航首班A380航班將於17/10首航，當日早上10時從北京起飛，下午4時由廣州飛返北京。17/10號首航不設賣票，18/10開始到26/10會開放俾公眾購票乘搭。官網依家都有得賣，經濟艙賣緊CNY1,620，頭等艙賣CNY3,680，冇折扣。雖然我相信各位唔少都搭過A380（如新航同阿聯酋），但今次始終係國內首間航空公司執飛A380，係國內航空界大事嚟架！反正我哋對其經濟位同頭等位甚感興趣，係咪如想像中咁大？

網址：www.csair.com

（記得按下面「讚好」Share俾Facebook朋友）

捷特航空（Jet Airways）據聞質素好過印航多多聲，想去印度旅遊，可以考慮呢間航空公司（至於Kingfisher翠鳥…..我真係怕佢執笠，而國泰就好少做印度特價，因為大把鄉里搭唔憂做）。一起飛旅遊網做緊特價，一年期機票，香港來回新德里同孟買兩大城市，只需HK$2,096（未連稅，下同），抵過國泰一半有多，況且佢仲用777-300ER飛，國泰只係用747-400飛咋！呢個優惠去到明年4月尾，擺明長期作戰喎！

留意位：

1. 旅行日期：5/10/11 – 30/4/12

2. 出票期限：30/4/12

3. 1年有效期

網址：hk.yiqifei.com

（記得按下面「讚好」Share俾Facebook朋友）

大韓航空旗下廉航真航（Jin Air）繼今年落戶澳門後，最近宣佈兩項大計，於30/10起：1. 首爾<->澳門航班由每週3班增至5班；2. 新開首爾<->香港航線！暫時每週5班，香港去程為LJ012（12:50/17:15）；回程為LJ011（09:00 / 11:50），所有航班均由737-800執飛。計埋真航，依家首爾<->香港一共有8間航空公司提供服務，睇怕機票價格仲有下調空間，以後飛去首爾過Weekend就更方便！

真航一向以搞鬼見稱，機身／制服顏色鮮艷唔在講，仲有時推出創意推廣，例如俾乘客租PSP玩咁，又睇下真航遲啲會否宣佈超特價首航優惠？

網址：www.jinair.com

（記得按下面「讚好」Share俾Facebook朋友）

Facebook網友Ka Yan查詢 11月有冇柬埔寨金邊嘅平機票或套票。由於依家只有港龍做直航，所以齋機票唔慌平得去邊（除非你肯轉機，可以搭越南航空，通常機票價二千鬆啲），跟Package有So．學聯有一隻港龍3日2夜金邊Package，坐港龍住最平嘅Juliana Hotel HK$2,390，但我建議不如住靚啲，例如金邊洲際Intercontinental Phnom Penh都只係HK$3,010（1/10後加價到HK$3,280），齋房都要千二三；而我個人心水係Amanjaya Pancam Hotel（HK$2,830，1/10後HK$2,950），呢間4星級酒店，室內設計好有柬埔寨南亞風情，距離皇宮非常近，行去就得，而且位於河畔，附近嘅沿河公園環境優美，值得一住。

網址：www.hkst.com

（記得按下面「讚好」Share俾Facebook朋友）

今日國泰終於喺官網宣佈，新一輯以員工為主角嘅形象廣告好快喺世界各地推出，呢套就係因露鳥事件而臨門叫停嘅環球廣告。點解咁快解凍？咪就係要趕年尾條大數囉！

今年航空業的確難做。小弟最近參與一個飯局，席間有做旅行社嘅朋友話今年暑假條數唔靚，唔係一間半間航空公司喎，而係整體數都跌，粗略計約6-8%，原因莫過於環球經濟轉差（你睇世界股市今年係咁跌就明）。有睇開新聞都知，今年國際貿易萎縮不斷，作為世界工廠嘅中國，今年都有唔少工廠倒閉，只係香港人主力做金融服務業，唔係太多人Feel到呢鼓經濟寒氣。

近呢一兩個月，我哋都報導過唔少淡季機票優惠。本來淡季減價唔奇，但今年真係減得幾過份，尤其係國泰及港龍，劈起價上嚟，仲狼過唔少細公司甚至廉航。最慘係個別啲平飛去貨速度比往年弱好多，就睇下港航吖，連續兩個禮拜都推出同一款限時優惠就明啦！據聞呢股減價風暴會一直吹落去，事關老細唔可以俾載客量跌得多，影響年尾條數，點樣交代俾財金界人士？航空業萎縮唔單止香港有，睇遠啲，我哋都提過馬來西亞兩大航空巨頭：AirAsia同馬航上個月竟然由死對頭變成同盟。無他嘅，利之所在，大家都為咗慳成本，被迫一笑泯恩仇。

的確，站於旅客角度，你最好日日減，等我哋個個禮拜又飛啦！但呢個世界邊有咁多免費午餐？唔夠收入，又點可以保持優質服務及飛行安全？我就怕咁鬥法，會令部份財力弱嘅航空公司倒閉，導致旅客因貪得貧，冇咗錢不得止，連個寶貴假期都冇埋就唔抵！所以奉勸大家，買平機票前，最好Google下佢最近有冇財政問題新聞，如果有，寧願忍手，切忌貪小便宜！

（記得按下面「讚好」Share俾Facebook朋友）

之前都報導過，擁有全球首部波音787 Dreamliner嘅ANA全日空會將全球首航獻俾香港，佢依家正式公佈首航包機日期。26/10由東京成田機場直航香港，27/10由香港返東京成田機場。咁點樣買飛呢？ANA透露經濟艙會以抽籤形式，抽出100位喺ANA Mileage Club申請購買呢程包機套票嘅會員，1/9起日本時間早上10:00開始認購，11/9星期日日本時間晚上23:59截止（唔知我有冇機會抽中呢？）；商務艙機票則以慈善拍賣方式出售，預計於9月中舉行，所得收益將撥捐兩間駐日國際慈善組織：國際保育協會（http://www.conservation.or.jp）同埋國際產業精神文化促進會（http://www.oisca.org），佢地都為日本地震災區提供援助。有興趣競投者，9月初可到ANA專屬網頁留意最新消息。

首航過後，ANA Dreamliner會展開一連串新任務，包括：

網址：www.ana.co.jp/787/

（記得按下面「讚好」Share俾Facebook朋友）

「又飛啦！」會員Happy第一擊：由依家到22/9/2011（星期四）23:59，Fans記得去http://www.facebook.com/flyagainla?sk=app_167110672433，分享您下一次最想飛邊度，再Post落你FB Wall度，即可參加抽獎，有機會送您１張香港<->台北來回機票！記得叫埋班Friend一齊玩！祝大家好運！

留意位：

1. 記得一定要經以上連結進入先可參加抽獎，你就咁Post去「又飛啦！」FB Wall係唔算數架！（即按圖中紅圈”做Fans送台北機票”）

2. 要最少1,000人參加，抽獎活動方可成立。

3. 機票只限香港出發。

4. 不包括機場稅及燃油附加費。得獎者需於出票前向「又飛啦！」付清。

5. 參加者必須年滿18歲及持有有效護照。

6. 需超過1,000人參加，活動方可成立。

7. 得獎者須於抽獎結果公佈日3天內（即24/9/2011 – 26/9/2011）電郵「又飛啦！」確認領獎（須附上真實姓名，護照號碼，護照類別及有效日期），愈期作廢。

8. 如有任何爭議，「又飛啦！」擁有最終解釋及決定權。

網址：http://www.facebook.com/flyagainla?sk=app_167110672433

（記得按下面「讚好」Share俾Facebook朋友）