X
聯合航空為慶祝四月份開始香港<->關島航線增至四班（以後逢週一／三／五／六各對開一班直航)，推出特價機票，來回淨機票HK$3,800起，連稅HK$5,040起，機票有效期長達21日，呢口價比較少見。Check過系統，供應量充裕，連六月尾出發都有！回雞假，暑假初，一於去關島陽光與海灘啦喂！最後出發日期為30/6。
（記得按下面「讚好」Share俾Facebook朋友）
春天飛三藩市想買特價飛？依家國泰都有淨機票HK$5,900連稅HK$8,404選擇，但機票有效期只有15日，想玩耐啲？大韓有好嘢益您！由31/3至31/5出發，經首爾轉機飛美國三藩市，來回連稅HK$6,998起，機票有效期長達三個月，只要加約HK$600可延長至一年，再加HK$800更可以停留首爾，加埋亦係八千鬆啲，但可以一雞兩味，仲可以食足一年，去大韓官網出飛吧（HK$6,998供應量較少，要慢慢搵）！最後出票日期為30/4。
（記得按下面「讚好」Share俾Facebook朋友）
今次呢隻超筍盤，包您一睇眼都凸埋！短途機票臨尾劈見唔少，長途就少見，今日新航就推出3日限時劈，由依家到10/3，購買三月份直飛三藩市機票，來回淨機票HK$3,000，連稅都只係HK$5,505，仲要係坐A380呀！不過去程限11/3 – 15/3出發，即係下星期立即走，回程日子就指定揀16/3, 17/3, 19/3, 23/3, 24/3，好適合返去探親之用，又或者有假但冇地方去人士選購。真心講：呢個價，轉機都做唔到呀！
（記得按下面「讚好」Share俾Facebook朋友）
香港飛美國東岸不嬲都好鬼貴，就算轉機，慳極連稅都起碼HK$7K（國航最近有優惠）。提起阿聯酋航空，好少會聯想起飛美國，皆因一向唔平，但最近情況有變，官網終於推出美國東岸城市機票優惠：飛紐約及華盛頓，來回連稅HK$7,540，出發日期由依家到7/2；15/2至27/3；3/4至10/6，機票有效期1個月。最大賣點當然係性價比超高：只係貴國航幾舊水，來回就可以坐A380（杜拜轉機，不過四程機中可能有一程唔係A380），長途機坐A380點都舒服啲；而且阿聯酋航空最近推出咗里數推廣，搭指定班次即可獲贈額外里數，就以香港<->紐約一次來回為例，連埋Bonus可以賺16,500里左右，非常接近免費換領一張來回香港<->曼谷機票，又或者下次飛曼谷時每程用10,000里起幫自己Upgrade一個Class（例如經濟Up上商務，商務Up上頭等）；呢隻機票可以免費中停杜拜（有啲轉機時間超過10小時，仲好！嚟個Day Trip玩杜拜已經Good Enough）。最後提提您，經TopCashBack.com入阿聯酋官網可享有1.25％回贈優惠，唔知點玩回贈？按此睇睇吧！最後出票日期為6/2。
（記得按下面「讚好」Share俾Facebook朋友）
新航A380不嬲好多人Like，不過一向係走香港<->新加坡線，由28/12至24/3，佢亦會用A380飛埋香港<->三藩市！更難得嘅係，新航剛推出優惠：只要去官網訂購1/1至24/3完成來回嘅三藩市機票，如果訂N Class或以上級別，1人飛連稅HK$7,434起（機票有效期1個月），即可獲取25,500 KrisFlyer額外里數，啱啱足夠換取一張新加坡來回機票！要知道新航新加坡機票來回每張一般都要HK$1,800（未連稅），扣番條數，呢張A380來回香港<->三藩市機票連稅只係HK$5,634！就算唔換新加坡機票，亦可用里數換領其他航點機票，非常Flexible。提提您：呢個優惠只限香港或澳門作郵遞地址嘅KrisFlyer會員，並必須喺新航官網訂飛先可享有。
（記得按下面「讚好」Share俾Facebook朋友）
今年28/12起，新航會季節性改用A380執飛香港<->三藩市直航航線，直到明年24/3止。想以超值價錢，多啲時間體驗A380航機（以往新航A380香港出發只飛新加坡，4小時而已），機會嚟啦！由明年1/10至30/3出發，飛三藩市來回只需HK$4,790起，連稅HK$7,581起，機票有效期為1個月，Check過系統，除咗一月頭難搵啲外，其他日子都有唔少選擇，當然近復活節就唔見有啦！官網雖然都有呢個Promotion，但唔知點解好難搵到呢個價，真旅網就多啲，上佢度訂啦～
（記得按下面「讚好」Share俾Facebook朋友）
提起香港搭A380飛機，好多人只會諗到阿聯酋／澳航，最多會答埋剛喺6/10投入服務嘅泰航，但其實中國南方航空亦有派A380機走香港<->北京航線，只可惜時間勁差：回程08:50起飛呀陰公！有幾多港人會搭呢？其實中國南方嘅A380水準唔差架！如果想搭佢，依家又有平機會：今日起（12/10），呢隻A380機會改飛廣州<->洛杉磯直航，為慶祝呢隻巨無霸首度執飛長途航線，中國南方亦推出優惠盤，當中亦包括香港出發嘅（經廣州轉機），12/9前出發，來回HK$2,940，連稅HK$5,796，Zuji有售，不過數量非常有限，要慢慢細搵先有！由於中國南方回程需要喺廣州白雲機場等11小時，太長啦（去程只需等2小時，合理）！自己掏腰包搭火車／巴士返香港仲快啦！好在去Zuji買，佢可以幫你回程揀坐國航，北京轉機，只需停2.5小時，停少啲，總價都係多幾舊水而已，自己上Zuji慢慢發掘下吧！
（記得按下面「讚好」Share俾Facebook朋友）
「又飛啦！」好耐冇幫大家搵美洲大陸平機票，今日就帶嚟一隻美式早餐盤：由依家至明年30/6出發，搭國泰直飛芝加哥及紐約，以及由明年10/1至30/6直飛三藩市，均有優惠價：芝加哥／紐約HK$6,450起（連稅HK$9,208起），三藩市HK$4,850起（連稅HK$7,608起），以國泰直航機嚟講，呢個價算係唔錯（尤其東岸，想佢大劈都難）。Check過系統，三藩市基本上唔難搵到呢口價，芝加哥HK$6,450供應尚算充俗，不過紐約太受歡迎啦！HK$6,450主要集中喺三／四月前，五月打後就升上HK$7,020，六月更升上HK$8,320！唉！去到呢口價，搭番聯合飛EWR好過～
留意位：
1. 三藩市出發日期：10/1 – 30/6
2. 芝加哥及紐約出發日期：即日起至12/12、24/12 – 31/12、10/1 – 7/2、15/2 – 27/3、3/4 – 30/6
3. 機票有效期：0-1月（往芝加哥或紐約）；2 – 15日（往三藩市）
4. 最後出票日期：15/11
（記得按下面「讚好」Share俾Facebook朋友）
X