前幾日，我哋先同大家講港航直飛馬爾代夫，9月打後可能會再減，結果估中！8月尾至9月，來回淨機票再劈到HK$3,300！連稅HK$5,282（紫荊會會員再減HK$100，免費申請網址：http://bit.ly/XiCJvm），呢個價絕對超級無敵抵！皆因之前最最最平嘅斯里蘭卡航空，轉機1次及曼谷中停1次，來回連稅最低見過三千幾左右，依家豪多千幾就慳番唔少時間，堅正！不過要留意機票有效期只有5日，要好好計劃先好訂飛。至於時間，去程HX789（17:00/19:40），回程HX790（20:50/06:30+1），要留意去到馬里未必趕到即日船／飛機去Resort，須留喺馬里一晚。Check過系統，話就話10月都有，但平飛集中喺8-9月，有心去就快手啦！

網址：www.hongkongairlines.com

（覺得抵請記得按Like同Share俾朋友）

港航馬爾代夫直航新航線，終於鐵定10/7開航，以後每隔2日各對飛一班，依家公佈埋首航價錢：18/7前出發，來回淨機票HK$4,280起，連稅HK$6,262（紫荊會會員再減HK$100，免費申請網址：http://bit.ly/XiCJvm），之後就HK$5,050起，連稅HK$7,032起，比起轉機大約貴HK$2K起，機票有效期得5日。係咪好平？未必，但由於係暑假出發，尚可接受，如果唔介意等，9月後淡季應該仲有價講（而且唔知今個Weekend會否推出馬代嘅Promotion Code呢？）。至於時間，去程HX789（17:00/19:40），回程HX790（20:50/06:30+1），要留意去到馬里未必趕到即日船／飛機去Resort，須留喺馬里一晚。Check過系統，開航價HK$4,280供應量唔多，有心去就快手啦！

網址：www.hongkongairlines.com

（覺得抵請記得按Like同Share俾朋友）

長榮航空為慶祝正式加入星空聯盟（Star Alliance），將會由今晚00:00起，一連6日推出一共28個航線平盤，頭炮有6個航點，包括有東京（HK$1,190，連稅HK$2,044），首爾（HK$1,610，連稅HK$2,451），北海道嘅函館（HK$2,470，連稅HK$3,112），關島（HK$2,410，連稅HK$3,212），三藩市（HK$3,310，連稅HK$5,604）同埋溫哥華（HK$3,310，連稅HK$5,504），出發日期為22/9 – 12/10週日至三，機票有效期為14日（東京／首爾／函館）或1個月（關島／三藩市／溫哥華）。以上機票，暫時以東京最平，首爾呢個價情願搭番直航，函館就幾抵搭，溫哥華連稅HK$5千多已經非常罕見啦！不如今晚00:00先搶長榮票，01:00再搶埋越南航空河內胡志明市劈盤吧！其他22個城市將會喺未來5日陸續登場，敬請留意。

網址：www.evaair.com

（覺得抵請記得按Like同Share俾朋友）

您冇睇錯，7-8月暑假高峰期都有劈！今次主角係馬航，佢晒冷式推出東南亞／澳洲／新西蘭／印度等唔同航點，先睇直航（來回計，前者出發日期為8/6 – 11/7，後者出發日期為12/7 – 25/8）：吉隆坡HK$580（連稅HK$1,296） / HK$780（連稅HK$1,496）；沙巴HK$1,180（連稅HK$1,896） / HK$1,380（連稅HK$2,096），前者竟然同AirAsia有得Flight！後者都好鬼平！但其實更推介坐商務艙：去吉隆坡如果坐737-800細機，6至8月來回一律HK$2,880（連稅HK$3,596），如果揀A380新機，來回一律HK$4,080（連稅HK$4,796），暑假可以用呢口價歎全新A380商務艙，性價比非常高。至於轉機，馬爾代夫HK$2,480（HK$5,073）/ HK$2,780（HK$5,573），奧克蘭HK$2,580（連稅HK$6,479）/ HK$2,980（連稅HK$6,879），班加羅爾HK$1,780（HK$3,272）。至於澳洲線，由於維珍同澳航鬥劈中，唔入得過。佢仲有一大批東南亞城市減，有興趣可以上馬航官網發掘下。最後出票日期為26/6。

網址：malaysiaairlines.com

（覺得抵請記得按Like同Share俾朋友）

又有馬爾代夫平機票，今次主角又係平霸斯里蘭卡航空。佢每月20號都推出精選優惠，今期就係大家至Like嘅馬爾代夫首都馬里。香港出發來回淨機票HK$2,200起，連稅HK$3,584起，話就話出發日期可以去到8月尾，不過Check過系統，只有6月份先有呢口價，而且供應都幾少，同埋來回日子難搵到短時間內完成嘅組合。反而我哋建議大家豪多HK$580，可以中停哥倫坡或／及曼谷，順便一雞兩味（甚至三味）玩埋斯里蘭卡同埋曼谷添！即時將機票大增值！機票有效期為1個月（夠您玩夠三個地方啦），最後出票日期為31/5（不過相信好快賣光）。

網址：www.srilankan.com

（記得按下面「讚好」Share俾Facebook朋友）

飛馬爾代夫又有平選擇！今次輪到馬航，佢今日曬冷式推出吉隆坡出發嘅國際線平機票，云云咁多地點中，以馬爾代夫首都馬里最有睇頭：來回連稅MYR1,100，折合HK$2,750！最緊要係呢隻Fare出發日期由13/3一直到30/11，暑假可以！復活節都得！正到吖！至於香港<->吉隆坡？Easy啦！最經濟就買張AirAsia，Check過暑假香港<->吉隆坡連稅都係一千頭，兩套來回加埋唔駛HK$4,000！記住係暑假喎！就算想坐豪少少，國泰fanfares成日都有吉隆坡HK$990之選，來回連稅都係HK$1,800左右，加埋又係HK$4,550左右，都好化算呢！機票有效期為1個月，最後出票日期為31/3，暑假一於平飛馬代！

網址：www.mas.com.my

（記得按下面「讚好」Share俾Facebook朋友）

情人節，有冇收到禮物呢？冇？一於接實斯里蘭卡航空帶俾您呢隻超震撼筍盤！為慶祝情人節，斯航特別推出機票86折優惠，只限今日至明日（15/2）香港時間早上8時，機票出發日期為1/3至15/5，當中以飛馬爾代夫最抵，中停科倫坡，來回淨機票折實後HK$2,382起，連稅HK$3,766起，分分鐘平過飛日韓（當然馬代嘅酒店係超級貴啦）！另外，飛曼谷坐商務艙一樣平到喊！淨機票折實$1,608起，連稅都只係$2,368起，真係以Airxxxx價錢就坐到！仲要係有Flatbed呢！Check過系統，馬代供應量呢一刻仲算充裕，曼谷商務艙平飛只集中喺2月同3月，貼復活節嘅暫時仲有25/3去，4/4返，請太多日假喇！以上機票有效期同樣為一個月。請留意：斯航香港來回曼谷只係逢一、四、六先有，去程UL423（18:25/20:10），回程 UL422（13:20/17:10）。想享用86折優惠，記得喺斯航官網輸入優惠Code：V14FBS2。

網址：www.srilankan.com

（記得按下面「讚好」Share俾Facebook朋友）

您冇睇錯！香港飛馬爾代夫來回只需HK$2,200（連稅HK$3,584）！是咁的，斯里蘭卡航空公司向來係飛馬爾代夫至平之選，佢今日起推出馬爾代夫機票優惠，28/2/2013前出發，個別日子來回機票劈到HK$2,200，1個月有效期，不過就唔可以Stay Behind斯里蘭卡首都科倫波或曼谷。呢個價同飛東京北京南京差唔多！之前飛馬爾代夫最平係卡塔爾航空連稅HK$4,376，呢次斯航平多八舊水，劈到史上新低，再跌機會唔大。Check過系統，平飛主要集中喺明年1月至2月，又唔係雨季（馬爾代夫雨季係5月-10月），咁嘅價錢，呢鑊仲唔「被迫去」？最後出票日期為30/11，建議去程盡量唔好揀UL107，到達馬爾代夫為早上00:55，半天吊，寧願喺科倫波機場瞓覺等轉機好過。

網址：www.srilankan.com

（記得按下面「讚好」Share俾Facebook朋友）