今日情人節，各間航空公司都推出限定劈盤，斯里蘭卡航空又嚟趁熱鬧，推出機票86折優惠，只限今日購票。Check過系統，最抵都係一批30/6前出發機票，例如馬爾代夫來回HK$2,700起（連稅HK$4,084），科倫坡HK$3,380起（連稅HK$4,815），巴黎HK$3,200起（連稅HK$5,682），法蘭克福HK$3,400起（連稅HK$5,978），全部都中停曼谷（不用轉機）及於科倫坡轉機，機票有效期1個月（科倫坡3個月）。Check過系統，呢批平飛主要集中喺5至6月，暑假冇，秋天會貴少少但仍屬合理範圍。飛巴黎及法蘭克福連稅唔過HK$6K都有得諗，馬代呢口價不過不失。至於曼谷，因為仍有黑色旅遊警示，暫不作推介。

網址：www.srilankan.com

（覺得抵請記得按Like同Share俾朋友）

馬航又嚟晒冷劈，不過要細心睇先唔會中伏：最抵仍然係直航嘅吉隆坡同沙巴，出發日期為15/2 – 15/4；24/4 – 30/6，前者淨機票HK$1,283起，連稅HK$2,005起，後者HK$1,183起，連稅HK$1,904起，航班冇限制睇供應，機票有效期14日。Check過系統，供應充裕。至於其他城市嘅經濟客位，因為稅費太貴，淨機票幾平都冇用，唔建議大家買，反而商務客位有睇頭（連稅計）：馬爾代夫HK$6,777起，墨爾本HK$12,650起，悉尼HK$12,782起，奧克蘭HK$15,739起，倫敦HK$20,887起，巴黎HK$19,180起，比其他航空公司平幾千蚊以上，馬航商務係好嘢嚟！呢批機票有效期30日，最後出票日期為5/3。

網址：malaysiaairlines.com

（覺得抵請記得按Like同Share俾朋友）

馬航今日又有新一輪劈劈劈，甚有睇頭！先講內容：飛吉隆坡來回淨機票HK$900起（連稅HK$1,642），來回程指定坐新開辦航班：去程MH449（14:05 / 17:55），回程MH448（09:45 / 13:25），揀其他時間會貴HK$200 – 600不等（視乎航班）；馬爾代夫來回淨機票HK$1,800起（連稅HK$4,430），建議大家坐商務，來回HK$3,600起（連稅HK$6,811），呢口價同坐直航經濟相若，但馬航係坐商務播！馬航商務質素向來唔錯，食好啲，坐好啲，機場又有Lounge用，兼且里數又賺多啲（125%），雖然只係坐細機737-800，俾多HK$2K係超值嘅！至於出發日期，吉隆坡HK$900就17/2 – 29/3，其他價格就6/2 – 31/3，馬爾代夫亦係6/2 – 31/3，機票有效期14日，最後出票日期為24/1。

網址：www.malaysiaairlines.com

（覺得抵請記得按Like同Share俾朋友）

關島機票一向唔平，聯合航空突然嚟個限時3日劈！直飛關島來回淨機票HK$2,148起，連稅HK$3,582起，比之前平一半！出發日期為02/12/2013 – 16/02/2013；28/12/2013 – 22/01/2014（逢週一／三／五／六），去程UA180 23:10/06:10+1，回程UA179 19:25/22:35，放工即閃同陽光海灘玩遊戲！機票有效期8日。Check過系統，供應量充裕。去關島之前最平坐菲律賓航空來回連稅都要三千八，仲要轉機，所以今次直航呢口價絕對係近年新低，唔好等，即入！最後出票日期為30/11/2013。官網冇呢口價，上ZUJI啦！

溫馨提示：雖然關島係美國屬土，香港居民拎特區護照及BNO去關島係免簽證嘅。

網址：www.zuji.com.hk

（覺得抵請記得按Like同Share俾朋友）

馬航又玩晒冷劈，今次航點集中東南亞／中亞及澳洲，出發日期為明年2至3月，最有睇頭依然係吉隆坡同沙巴：吉隆坡來回淨機票HK$1,133起，連稅HK$1,868起，去程限坐夜機MH433（20:40 / 00:30+），回程冇限制睇供應，如果想坐其他班次就加HK$50，仍屬射程範圍；沙巴來回淨機票HK$1,333起，連稅HK$2,068起，雖然比廉航香港快運同AirAsia貴幾舊，但馬航呢口價包埋行李寄艙同飛機餐，絕對唔輸蝕。出發日期為06/02/2014 – 31/03/2014，機票有效期14日。

每次馬航晒冷劈，聰明嘅朋友都會吼埋佢商務艙優惠，皆因的確堅抵，例如飛馬爾代夫來回淨機票HK$4,333起，連稅HK$7,227起，呢個價買國泰直航都只能坐經濟位；至於悉尼同墨爾本，來回淨機票HK$8,333起，連稅計，悉尼HK$12,558起，墨爾本HK$12,423起，呢個價買國泰／維珍／澳航只可以坐豪華經濟位！衰在轉機啫！從另一角度睇，搭耐啲咪歎耐啲囉！以上機票有效期為30日。

網址：www.malaysiaairlines.com

（覺得抵請記得按Like同Share俾朋友）

依家飛馬爾代夫，愈來愈平！新加入者係廉航虎航，佢宣佈由24/01/2014起開辦新加坡<->馬爾代夫新航線，逢週一／三／五／日出發，首航特價來回SGD269.95（約HK$1,674）起（已包括硬食之手續費，不包行李寄艙及飛機餐），出發日期由24/01/2014 – 30/09/2014，遲啲再買埋香港<->新加坡廉航機票（例如虎航／捷星／Scoot等，來回連稅約HK$1,000左右），加埋都只係HK$2,674左右（若然Scoot稍後又發癲推出來回連稅HK$700就仲正啦）！Check過系統，除咗農曆新年／復活節冇之外，其他日子唔太難搵，最正係連暑假都有呢口價呢！唉！馬代馬代！咪引我哋去啦！最後出票日期為01/12/2013。

新加坡<->馬爾代夫航班時間如下：

TR2502 SIN 09:50 – 11:25 MLE 320 1,3,5,7
TR2503 MLE 12:15 – 19:45 SIN 320 1,3,5,7

即係來回都須要停新加坡一晚，大家要計埋額外住宿成本

網址：www.tigerair.com

（覺得抵請記得按Like同Share俾朋友）

我冇寫錯！您冇睇錯！HK$2,388連稅飛馬爾代夫！自從港航同國泰相繼宣佈開辦香港<->馬爾代夫航線後，去Dream Island嘅機票不斷創新低，今次又有破低價！AirAsia旗下飛長途線嘅AirAsia X，將於28/9起開辦吉隆坡->馬爾代夫->可倫坡（斯里蘭卡）->吉隆坡循環線，逢週二／四／五／日執飛一班，10月出發有優惠，吉隆坡飛馬爾代夫來回連稅低至HK$1,548起，至於香港<->吉隆坡，AirAsia 10月份一樣有Promo：來回連稅低至HK$876起，兩條數加埋即係HK$2,388起，真係平到無嘢講！提提您：買吉隆坡<->馬爾代夫（馬里）來回機票時，建議拆開兩個單程買，去程目的地揀可倫坡，價錢會比揀馬爾代夫平一半約HK$500，但飛可倫坡之前的確先停馬爾代夫嘛！若然冇寄艙行李，到步後落機就得，不過如果有寄艙行李，千祈唔好制！

網址：www.airasia.com

（覺得抵請記得按Like同Share俾朋友）

自國泰宣佈27/10起開通馬爾代夫直航後，進擊之港航又做嘢啦！佢趁國泰未開航前嘅9至10月時間（26/10前出發），將來回淨機票狠劈至HK$2,320起，連稅HK$4,302起，紫荊會會員再減HK$50（免費申請網址：http://bit.ly/XiCJvm），埋單HK$4,252起，呢個價仲平過之前嘅HK$3,300（當時連稅HK$5,282），即係平多HK$1,000！呢口價真係無可再Cheap吧！之前平霸斯里蘭卡航空，轉1次機+中停1次，來回連稅歷史最低價為HK$3,584，兩者只相差HK$800！平得太恐怖！機票有效期5日，港航官網有得賣。

溫馨提示：請用”多個目的地／中途停留”去Search，先可以用呢個價買到，用番一向”來回”方法去Search，係就見到HK$2,260選擇，但再Click入去就冇呢！記住喇！

網址：www.hongkongairlines.com

（覺得抵請記得按Like同Share俾朋友）