知道大家近日好辛苦搶平機票喇！搶到機票但未訂酒店？今次特別推介www.expedia.com.hk內東京／大阪／布吉精選平貨，合心水就Book埋啦！最後訂購日期為23/12/2014。

東京可以揀「東新宿 E 酒店」（提早訂購8折，每房每晚HK$723起，入住日期：01/01 – 30/10）（未連稅，下同），小弟剛剛住完，位處都營大江戶線東新宿站旁邊，距離JR新宿站只需15分鐘步程，最Like佢稍為離開歌舞妓町，冇咁嘈，但行去新宿Shopping又得喎！方便著重靜中帶旺嘅朋友。（訂購網址：http://flyagain.la/a26e）

大阪就一定揀「阪心齋橋方舟大酒店」啦（提早訂購8折，每房每晚HK$390起，入住日期：01/01 – 31/03），位處心齋橋購物區，地點贏晒！行去道頓崛食一蘭拉麵都係8分鐘咋！附近乜都有得買！連稅唔駛五舊就住正「大阪銅鑼灣」，去邊度搵？（訂購網址：http://flyagain.la/u2km）

至於布吉，想幾舊水就搵個寧靜Resort歎下？可以考慮Alpina Phuket Nalina Resort & Spa（提早訂購6折，每房每晚HK$559起，入住日期：01/01 – 30/10）。呢間4.5星酒店嘅最大賣點係性格比強：位處Kata Beach附近，非常寧靜，港客唔多見！仲包埋早餐同WiFi，基本設備亦齊全，有Pool有Gym有Spa，配合香港快運超平機票，去布吉歎Resort避下靜，機票加2晚酒店，連稅分分鐘千二有找啦！（訂購網址：http://flyagain.la/enq4）

唔啱心水？唔緊要！直接去www.expedia.com.hk都有其他好選擇（尤其係大阪，平酒店唔少添）。老規舉：訂之前，記得比價！好在www.expedia.com.hk有最低價格保證，如果您Book完後30日內發現有其他更平選擇，佢不但肯賠差價，仲送您HK$500現金券添。

訂房網址：www.expedia.com.hk

（覺得抵請記得按Like同Share俾朋友）

消委會尋日（16/12/2013）公佈今年首10個月收到336宗網購機票投訴，較去年同期101宗大增超過2倍，仲列出以下投訴案例，其實只要留意我哋以下Tips，買機票一定No Problem啦！^^

Case 1：巿民馬先生經中介網站購買到海口的機票，出發日抵機場時，獲航空公司職員告知航班已於兩個多星期前取消，由於辦公時間已過，馬先生無法聯絡購票網站，惟有更改至翌日出發的班機，損失了首晚酒店及來回機場交通費。

「又飛啦！」Tips：建議乘客喺出發前一至兩日，自己主動上航空公司網站或致電航空公司查詢航班有冇變動，唔好指意中介人主動搵您（雖然佢的確有責任）。此外出門前必須買旅遊保險，航班延誤超過6-8小時保險公司係有得賠。

Case 2：蔣先生同樣使用中介網站，購買由上海往返巴黎的特價機票，成功以信用卡付款後，收到網站發出的確認機票電郵，卻一直未收到電子機票；幾經查詢才獲知當天航空公司標錯價，只會確認已經付款的交易，但由於該中介網站未有即時向航空公司付款，令事主的定單被取消。

「又飛啦！」Tips：呢單嘢明顯講緊我哋23/06/2013首報嘅 “大漏洞！阿提哈德航空飛歐洲，上海出發來回淨機票$379，連稅$2,899起” 事件（詳情請睇：http://flyagain.la/?p=8318）。請大家千萬牢記：買漏洞機票，最好直接去航空公司官網買，因為佢可以即時出票（係有埋機票編號嘅電子機票，唔係一個有訂單編號嘅電郵），中介網站往往不是即時出票，但漏洞嘅嘢隨時byebye，唔想白白錯過咁難得嘅漏洞價，分秒必爭，下次您識點做啦！^^

Case 3：施先生在廉航官方網站買5張前往日本、可免費更改日期的機票，但當他透過電話更改出發日期時卻被要求付逾6千元差價，經消委會介入後才獲退款。

「又飛啦！」Tips：相信絕大部份旅客都唔識嘅機票知識，有必要學習：免費更改機票只代表唔駛俾手續費，但唔代表唔需要補差價。以傳統航空公司為例，如果您持有嘅機票子艙位（唔係指經濟位或商務位，係指每張機票所屬之Class Code，例如Q/Z/X/Y….，以顯示條款及售價之不同，一般喺電子機票中搵到）喺另一個日子冇位，一係再換日期，一係要改子艙位，當中好大機會要補差價。

至於廉航，仲簡單，只需直接睇兩個出發日期有冇差價，多就要補，少就唔駛，以防止乘客走漏洞用平價買旺季票。

希望以上Tips幫到大家，覺得有用就Share俾朋友吧！q^.^p

新聞來源：http://hk.apple.nextmedia.com/news/art/20131217/18554280

Jetstar最近聯同香港本土著名畫家小克，推出三條搞笑動畫（包括［貪新篇］［大飲大食篇］以及［運竹篇］），由至攪鬼嘅聾貓教您認識廉航係乜東東。Jetstar會喺Jetstar Hong Kong Facebook專頁（http://www.facebook.com/JetstarHK）一連9日同fans玩遊戲，搭開廉航嘅fans一定識答，未搭過／少搭嘅，不妨都花小小時間睇下以下三條片，認識下廉航同傳統航空公司有乜分別，答啱問題隨時有機會攞走 HK$500 Jetstar旅遊大禮券！

（覺得正請記得按Like同Share俾朋友）

11:30am 17/12 Updated：自由揀日子地點有：桂林／武漢／台北／吉隆坡／大阪／莫斯科，出發日期為06/03/2014 – 16/03/2014；指定日子出發地點有：金邊／青島／上海浦東／約翰內斯堡／米蘭，出發日期介乎19/12/2013 – 30/12/2013

國泰港龍fanfares第60週又嚟啦！記得聽早（週二）08:00開倉喎！今次推出11個城市，自由揀日子估計為06/03/2014 – 19/03/2014，指定日子估計介乎19/12/2013 – 30/12/2013，有機會聖誕節期間出發！想聖誕平飛，聽朝早起身喇！

地點　淨機票 ｜連稅價（評語）

桂林 HK$590 | HK$1,284（咁凍仲去？）
武漢 HK$590 | HK$1,284（冇乜意見）
金邊 HK$790 | HK$1,563（聖誕就Good）
青島 HK$790 | HK$1,484（去飲凍Beer？）
上海(浦東) ) HK$790 | HK$1,484（唔通聖誕？）
台北 HK$790 | HK$1,448（一般抵啦）
吉隆坡 HK$990 | HK$1,726（可以追捧）
大阪 HK$1,890 | HK$2,693（應該3月）
約翰內斯堡 HK$1,990 | HK$4,406（聖誕就正！）
米蘭 HK$1,990 | HK$4,269（聖誕Chance高）
莫斯科 HK$1,990 | HK$4,161（極度寒冷！）

以上只作參考用途，其他稅項及附加費或會有所變動。

國泰FanFares網址： www.cathaypacific.com

港龍FanFares網址： www.dragonair.com

「國泰港龍fanfares往績全紀錄」（by Google Doc)：http://bit.ly/Y5JkUl　<–記得Bookmark！

相關文章；官方親自Share！國泰港龍fanfares至勁搶飛攻略！http://flyagain.la/?p=7434

（覺得抵請記得按Like同Share俾朋友）