無見一排嘅「港歐廣/港歐台」翻嚟喇！大家仲記唔記得點玩呀？香港出發坐德國漢莎來回歐洲，返港後再加單程香港-廣州，來回連稅HK$3,134起！歐洲城市選擇眾多，包括阿姆斯特丹、米蘭、斯德哥爾摩、巴塞羅那、馬德里、哥本哈根、畢爾包、赫爾辛基等，如果最後一程唔揀廣州，揀單程飛台灣（台北/台中/高雄都得），連稅HK$3,625起，仲可以變相拆開一個歐洲同台灣之旅添。

就以今年11月出發為例（11月9日香港往歐洲，11月17日返回香港，同日或24小時內轉飛台灣［北中高］或廣州），整套「港歐廣」（前）/「港歐台」（後）票來回連稅如下：

斯德哥爾摩 HK$3,134起 / HK$3,704起
畢爾包HK$3,185起 / HK$3,625起
巴塞羅那 HK$3,205起/ HK$3,645起
馬德里HK$3,272起 / HK$3,712起
哥本哈根 HK$3,373起 / HK$4,565起
赫爾辛基 HK$3,444起 / HK$4,237起
阿姆斯特丹 HK$3,555起 / HK$4,565起
米蘭 HK$4,042起 / HK$4,132起

以上只屬舉例，可選組合極多，亦可Openjaw選不同歐洲城市回程，彈性極大，大家可上Expedia用多個目的地功能泰尋。以上各價以唔打算中停香港計算（即係到港翌日或即日轉飛廣州/台灣），如打算喺香港中停一段短時間再飛廣州/台灣，將以上價錢加約HK$500-800左右，行李就一定可以喺香港提取，如果諗住飛台灣，建議之後搭配HK Express由台中回香港的單程機票，或香港航空間中都會有由台北飛香港嘅單程平飛，變相拆開一次歐洲同台灣之旅。如果飛廣州仲簡單，可揀直通車或火車返香港，即刻上去搵您嘅心水組合喇。

【出發日期】即日至2017年3月（旺季除外）
【機票有效期】1個月
【最後訂票日期】售完即止

【訂購網址】www.expedia.com.hk
【預訂教學】http://flyagain.la/34618

（覺得抵可用Whatsapp同LINE Share俾朋友架）

又嚟港歐台！香港來回歐洲＋單程飛廣州/台灣連稅$3,134起，2017年3月前出發

HK Express正式宣布推出全新會員積分計劃reward-U ，只要成為reward-U會員，以後訂購HK Express機票時便會自動賺取積分。積分有甚麼用呢？可以換機票、機上餐飲、行李費、座位費等等附加服務！比其他廉航更走前一步！尤其是近日HK Express宣布調升行李費，可以用積分換昂貴行李費，也是一種慳錢策略呢！至於怎樣申請與怎樣儲積分？等小編一次過向大家介紹！

A. 如何加入reward-U成為會員？

1. 登入官方網址http://www.reward-u.com，按右邊”即時加入”。

2. 填妥個人資料，包括姓名、電話、地址、電郵等等。

3. 完成後，您會獲得reward-U會員賬號，記得先影相／Screen Cap記下會員賬號，稍後電郵會收到一個激活通知（約等數分鐘）。

4. 收到電郵後，記得按”賬戶確認”，方可完成整個申請程序。

B. 系統簡介

1. 在主頁（http://www.reward-u.com）上登入網站。可用會員號碼或直接用登記電郵登入。

2. 成功登入後，會見到主頁，顯示您最新賬目情況。您亦可以設定日期搜尋，查詢該時段賬目情況。

3. 在管理我的訂位上，如果您訂票時已輸入reward-U號碼或電郵，這頁便會顯示您的訂位紀錄，按航班旁的圖示即可進入HK Express內管理我的訂位專頁，您可以於專頁內重發電子行程單、更改航班、選擇座位、加入餐點或購買託運行李額。如果訂票時沒有輸入，可以透過重新登入HK Express網站（並非reward-U網站）在管理我的訂位中重新輸入（小編試過，在HK Express網站上不能補寫reward-U會員號碼（會出現The request is invalid字眼），相信稍後會修服吧）。

4. 您可以透過更新個人資料頁更新居住地／地址／聯絡電話及電郵／偏好語言／願意收取宣傳電郵／新登入電郵（即可以更改登入電郵名稱，但會員號碼就不會更改）／新登入密碼等等。完成後記得按”確定”鍵儲存設定。

5. 最重要的部份！reward-U可以讓您與親戚朋友以團隊形式合作賺取積分，換言之可把眾人之分數集合一齊，方便更快換取機票或禮品，但您首先要在此頁設定誰是隊長（即負責管理所有您現有及未來所賺取的積分），一經設定，一年內不能更改，所以設定前要好好考慮清楚（小編試過，暫時未開放功能，會出現”系統錯誤，再試一次”字眼）。

6. reward-U設有積分轉贈功能，可以隨時轉讓與任何一位會員。不論轉贈多少積分，HK Express每次均劃一收取每次手續費HK$250。建議有超多分數才作轉換，否則手續費分分鐘比積分價值還要高。

7. 如果您乘搭航班30日後仍未看到積分存入戶口內，或者訂票時沒有輸入reward-U號碼又完成行程，您可以透過補發積分頁面向HK Express申請補發，只需輸入訂單編號+航班編號+出發日期+來回航點，再按提交便可。頁下面亦有顯示欄查看到您的索償記錄。獲補發積分將於6星期內顯示於您的交易記錄中。不過超過6個月的航班，HK Express不會補發積分給您，謹記！

此外，HK Express透露於指定日期前（但沒有說明確實日期）登記成為reward-U會員，便登記補發自2016年1月1日起因搭乘HK Express航班或惠顧指定增值服務而可賺取的積分。至於購買日期是否一定於2016年1月1日後？HK Express沒有說明，建議各2016年1月1日前已購買但於1月1日至申請成功日期間已乘搭的旅客，向HK Express申請補發積分。

8. 您可以列印會員卡，不過暫時未有實際功能（因為儲及使用積分均在網上完成）。

9. 至於賺取積分方面，HK Express暫時只透露每HK$1有效消費即可賺取10分，一旦累積超過40,000 reward-U積分便可以兌換機票給任何人士。您可選擇全數以積分兌換，或只使用部分積分再額外付款以兌換機票，但詳細兌換表及究竟稅款可否賺取分數，HK Express並未有正式公佈，一於等待吧！

如有任何問題，歡迎留言發問！

之前曾介紹過虎航優惠平飛度假天堂馬爾代夫，如果有多啲筆直，不如花多少少錢坐靚靚新航去歎世界！依家坐新航香港經新加坡轉飛馬爾代夫（馬累），來回HK$2,482（連稅HK$4,544）起，呢口價唔係話好平，但供應量多好多，4-6月份出發適用，而且加少少錢可中停新加坡玩幾日，兼有機會坐A380，包30kg行李，又可享受星級質素，的確幾吸引！

想訂中停新加坡？方法好簡單
1. 先Search到香港至馬爾代夫有平飛的日子（例如5月4日去、5月11日返），抄底呢個日子；
2. 用多個目的地功能Search，輸入三段航程，例如：A. 香港-馬爾代夫、B.馬爾代夫-新加坡、C. 新加坡-香港；舉例5月4日飛馬爾代夫，5月11日馬爾代夫往新加坡，5月13日回程，連稅HK$4,708起。

【出發日期】即日至6月30日
【機票有效期】14日
【最後訂票日期】4月30日

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

5星航空飛馬代！新加坡航空來回馬爾代夫$2,482起，可中停新加坡，6月30日前出發