好多人都想搭商務艙，甚至頭等艙，但來回價錢貴呢！例如坐馬航去吉隆坡咁，來回機票HK$3,840（未連稅，下同），雖然唔貴（機程有三小時以上，夠時間享用商務艙應有尊貴服務），如果你想俾少啲又想豪一豪，不如考慮馬航呢個Promotion吖！佢俾你揀一程坐商務，一程坐經濟，咁價錢可以平番唔少：實情係分開計數，一半商務價錢再加一半經濟價錢。用番吉隆坡為例，佢依家單程經濟最低為HK$760左右，而單程商務最低就HK$1,920左右，咁加埋就約HK$2,680囉！幫你慳番HK$1,200之餘，又可以試下商務艙滋味，都算係一種聰明旅遊方法。講番呢隻筍盤先，飛吉隆坡／檳城就HK$2,600起，沙巴就HK$2,650起，其他馬來西亞城市HK$2,800起；馬爾代夫就HK$4,650起；澳洲各城市HK$7,200起（澳洲咁長途，搭商務抵呀），不過呢種組合飛，官網冇得訂，要去各大旅行社或Call馬航熱線出飛。

留意位：

1. 最後出票日期：27/4

2. 出發日期：3/5 – 31/8

查詢電話：2916 0088

（記得按下面「讚好」Share俾Facebook朋友）

AirAsia今晚00:00起會推出一系列全新早餐盤，由1/10/2012 – 31/1/2013出發，香港出發飛曼谷／檳城單程連稅HK$525起（來回連稅約HK$1,049），飛沙巴／吉隆坡單程連稅HK$625起 （來回連稅約HK$1,154），經吉隆坡轉機飛澳洲，珀斯單程連稅HK$1,567 （來回連稅約HK$4,035），墨爾本／黃金海岸單程連稅HK$1,831（來回連稅約HK$4,726），同新廉航Scoot有得Flight！至於澳門朋友，梗有你份！澳門飛曼谷／清邁單程連稅MOP335起（來回連稅約MOP764），吉隆坡單程連稅MOP565起（來回連稅約MOP1,109），抵到無朋友！仲有東南亞城市短途對飛優惠，今晚00:00一於趁開倉搶飛啦！（不過據經驗，呢啲平飛唔會日日都包括，究竟邊日有邊日冇？一陣開倉自己睇）

留意位：

1. 最後出票日期：1/4

2. 出發日期：1/10 – 31/1

3. 以上所有價錢均為連稅

網址：www.airasia.com

（記得按下面「讚好」Share俾Facebook朋友）

我哋「又飛啦！」曾經報導過秘道平訂AirAsia方法，以下又有一個超正嘅「秘道」介紹，未有好多人知！是咁的，外國著名旅遊訂購網站Expedia最近正式落戶香港，其中一炮勁嘢係同AirAsia合作，可以喺Expedia買AirAsia嘅飛。為慶祝其事，依家透過 Expedia買AirAsia嘅指定機票都有一定折扣，例如曼谷就HK$1,278起（連稅及連埋HK$30信用卡手續費，下同），吉隆坡就HK$1,298起，檳城平到HK$1,388，沙巴就HK$1,238起，圍起張機票單程只賣三四舊港紙，平過官網同日同程一大截！就以去曼谷過潑水節為例，依家官網賣緊單程未連稅四至九舊幾港紙，佢就單程HK$350，連稅HK$1,278，官網收你近二千啦！呢個神秘優惠去到10/3止，趁未咁多人知，拿拿林去Expedia出飛啦！

留意位：

1. 最後出票日期：10/3

2. 出發日期：1/4 – 31/8

3. 每次使用信用卡付帳，每人均收取HK$30手續費

網址：www.expedia.com.hk

（記得按下面「讚好」Share俾Facebook朋友）

繼東京後，國泰又推出另一隻31/3後嘅優惠，今次係馬來西亞嘅吉隆坡同檳城，同樣劈到HK$1,600，最後出發日期只去到30/4，唔夠喉播！不過呢個價去馬來西亞走一轉都抵嘅。額外一提，依家國泰直飛檳城已由每日一班，增至逢二／四／六兩班，多增一班係去程早上07:55（二／四）或08:20（六），終於可以早去啦！回程13:00/16:45，再唔駛捱晨早機，可以同AirAsia鬥喎！一於搵個Weekend飛去食嘢啦喂～～～

留意位：

1. 出發日期：即日至2/4；8/4 – 30/4

2. 機票有效期：2 – 7日

網址：www.cathaypacific.com

（記得按下面「讚好」Share俾Facebook朋友）

又有一間航空公司推出3月後筍盤：就係大家至愛嘅AirAsia！出發日期由20/3至12/8，香港出發飛曼谷單程HK$369起，飛檳城就HK$399起，來回連稅就HK$1,255起；澳門出發仲筍！飛曼谷同吉隆坡最平單程由MOP$236起，來回MOP$910咋！真係幸福。Check過系統，6月之前唔難搵到呢個價，7-8月就難少少，不過只係貴三幾百，有心暑假想飛嘅您，依家訂定先啦（最後出票日期為26/2）！

網址：www.airasia.com

（記得按下面「讚好」Share俾Facebook朋友）

一眾施主，搶糧啦喂！今晚凌晨00:00 AirAsia正式開倉，大賣出發日期為11/9至明年31/1嘅秋冬早餐盤。香港飛吉隆坡單程$143（來回連稅HK$818）；檳城HK$163（來回連稅HK$981）；沙巴／曼谷／布吉單程HK$193（來回連稅HK$843）；搭AirAsia X經吉隆坡轉飛墨爾本單程HK$405（來回連稅HK$3,157）；黃金海岸HK$471（來回連稅HK$3,158）；珀斯HK$289（未回連稅HK$3,026）。之前同大家分析過，東南亞冇連稅八九舊就唔好去馬，剛剛就符合我哋要求，咁梗係堅搶啦！特別係一眾澳洲筍盤，連稅三千頭，喂講真吖，香港直航啲稅都要你二千幾呀陰公！仲有其他馬來西亞／曼谷出發嘅航點，有啲短途航線都係$0，依家去以下網址Check下價錢先，今晚早啲返屋企捕佢開倉喇！一次過開手機／iPad／電腦狂轟啦～～～

網址：www.airasia.com

（記得按下面「讚好」Share俾Facebook朋友）

呢排報咗唔少航空公司2至3月淡季筍盤，又點會少得AirAsia個份？好多航線都有得平，例如香港飛曼谷約HK$688（單程連稅，下同）啦，曼谷南落布吉抑或北上清邁同樣HK$256；吉隆坡飛峇里就HK$418，落新加坡平到HK$129（平到痴根～）；總之大把Offer你不如上佢官網睇睇。順帶一提，AirAsia X都推出咗香港經吉隆坡轉機飛珀斯（HK$1,526）／墨爾本（HK$1,656）／黃金海岸（HK$1,656）／基督城（HK$2,350）優惠，雖然出發日期為1/5 – 30/6係秋天接近入冬時間，不過叫起手要去嘅，呢個價堅抵。

留意位

1. AirAsia亞洲區2 – 3月優惠：訂位日期至8/2，出發日期至31/3

2. AirAsia X 5-6月優惠：訂位日期至14/2，出發日期1/5 – 30/6

網址：www.airasia.com

（記得按下面「讚好」Share俾Facebook朋友）

今年復活節同清明差唔多同期放，只需請5/4（週四）一日，就可以合共放6日，簡直抵放到暈。正因為咁，好多人已經Plan緊復活節飛邊度。依家仲有2個月，入定貨啦！Check過系統，如果以亞洲區計，真係揀得落手嘅只有新加坡同吉隆坡呢兩個城市（曼谷都得—如果你回程肯搭早上06:30班AirAsia嘅話！）。如果以4/4去9/4返早去午返嘅Pattern嚟計，呢一刻訂飛，去新加坡坐虎航就HK$2,197（連稅，下同），坐JetStar就HK$2,297，都好抵坐，有咁多日假，可以順便玩埋馬來西亞南部城市；吉隆坡坐AirAsia回程搭13:50就HK$2,886，搭16:40就HK$3,072（以去程同樣搭11:45個班計），其他嘅一定Over HK$3K以上，咁都捨得俾？我哋就唔會囉。一係把心一橫等Last Minute睇下有冇炒燶飛推出，又或者等埋春秋航空，因為3月尾起嘅上海機票價仲未出，一見有HK$199/HK$299優惠就要即搶。

虎航網址：www.tigerairways.com

JetStar網址：www.jetstar.com

（記得按下面「讚好」Share俾Facebook朋友）