馬航好耐冇推出晒冷式早餐盤，今日又嚟啦！包括吉隆坡／檳城HK$1,250（未連稅，下同）、浮羅交怡HK$1,450、沙巴HK$1,500，仲有好多人鐘意嘅馬爾代夫呢！都只係HK$3,250！訂票日期直到22/2 ，出發日期去到31/10添！當然暑假唔用得啦～～～除咗以上熱門地方之外，仲有經吉隆坡轉機去印度、澳洲、印尼等東南亞城市，有興趣可上官網睇睇。

留意位

1. 最後出票日期：22/2

2. 出發日期：6/2 – 28/3；11/4 – 30/6；1/9 – 26/9；4/10 – 31/10

3. 機票有效期：0 – 14日（亞洲區）；0 – 30日（其他地方）

網址：www.malaysiaairlines.com

（記得按下面「讚好」Share俾Facebook朋友）

係咪好掛住馬來西亞嘅「勒死你阿媽」（椰漿飯）、「嗲打力」（拉茶）、「阿蔭哥令」（雞炒飯）等等馬來美食呢？2月份一於平平哋搵個Weekend飛去馬拉食番夠本！Check過系統，2月份AirAsia仲有大把平飛賣，去檳城連稅價最平可以造到HK$1,200（連稅價，下同），Weekend飛大約HK$1,300左右；吉隆坡方面，最平約HK$1,283，Weekend飛大約HK$1,400-1,700左右；而充滿陽光與海灘嘅沙巴，最平可以HK$1,284，Weekend飛就貴啲，大約預HK$2,000左右啦！農曆新年個陣起碼要你一個Double架！

網址：www.airasia.com

（記得按下面「讚好」Share俾Facebook朋友）

臨到聖誕，國泰推出馬來西亞新Offer，送大禮益街坊！由明年1/1至31/3（農曆年20/1-27/1除外）出發，飛吉隆坡或檳城都只係HK$1,600（未連稅，下同）。Check過系統，大把你揀。之前佢曾經推出限時優惠HK$1,100左右，如果你唔急去咪繼續等下先，否則已有假期喺手，又想搵個平地方逛下，呢個Offer都制得過架！雖然AirAsia一樣有平機票去馬來西亞，始終國泰有其合理溢價，唔可以直接同廉航比較。

網址：www.cathaypacific.com

（記得按下面「讚好」Share俾Facebook朋友）

AirAsia又有早餐盤益街坊，今次又輪番熱門地點：泰國嘅曼谷、布吉，同埋馬來西亞嘅吉隆坡、檳城，由依家到25/12前訂購明年1/4 – 30/6出發嘅機票，前者來回連稅HK$1,358起，後者來回連稅HK$1,340起，Check過系統，4月頭近復活節個陣就真係所餘無幾（除非你肯好夜去啦），之後都唔難搵呢啲平飛，上次開倉執唔到筍嘢嘅你，呢次唔駛同人搶喎！諗得過！

網址：www.airasia.com

（記得按下面「讚好」Share俾Facebook朋友）

呢排成日報日本台灣韓國筍盤，係時候換下口味喇！國泰今日剛推出明年冬春早餐盤，一次過推出四個城市，包括馬來西亞嘅檳城同吉隆坡HK$1,190（未連稅，下同），呢個價仲平過依家先訂AirAsia；莫斯科HK$2,990，係就貴過俄航成千蚊，不過講安心你都會揀番國泰；阿姆斯特丹HK$3,990，呢個價少做到，不過依家凍冰冰去北歐，嗯！出發時間各有不同，去阿姆斯特丹或莫斯科由明年1/2 – 31/3；去吉隆坡或檳城由1/1 – 19/1 及 1/2 – 31/3，即係唔包農曆新年，訂購日期去到10/12零晨，手快有手慢冇。

留意位：

1. 機票期限：阿姆斯特丹或莫斯科2 – 14日；吉隆坡或檳城 2 – 7日

網址：www.cathaypacific.com

（記得按下面「讚好」Share俾Facebook朋友）

AirAsia又有一排冇喺香港推平機票喇！正所謂靜極思動，一向鐘意推早盤優惠嘅佢，剛剛推出明年1/4 至30/6 嘅香港飛泰國及馬來西亞平機票，單程飛馬來西亞吉隆坡同檳城就HK$393起（未連稅，下同），飛泰國曼谷同布吉就HK$423起。泰國洪水開始退卻，下年4月一定冇事啦！趁依家冇乜人敢提去泰國，快手啦！馬來西亞來回連稅都只係港紙千三四，有心去呢口價都值得去馬，20/11前就截止啦！

網址：www.airasia.com

（記得按下面「讚好」Share俾Facebook朋友）

尋日我哋先介紹過AirAsia推出明年春季早餐盤，雖然馬航依家同AirAsia變Friend咗，咁減價呢家嘢，梗係「共同進退」啦下話！官網又低調推出新一批平機票，今次同AirAsia一樣賣明年春天Early Bird，但出發日期短啲：1/2/2012至28/3/2012，唔包復活節，飛吉隆坡來回HK$1,100起（連稅就HK$1,771），飛沙巴就HK$1,390起（連稅就HK$2,061），雖然貴AirAsia三舊水，但始終都係Full Service Carrier，呢個溢價係合理嘅！

網址：www.malaysiaairlines.com

（記得按下面「讚好」Share俾Facebook朋友）

AirAsia日前推出香港飛吉隆坡同檳城明年春季Early Bird特價機票：出發日期為1/2/2012  – 26/4/2012，出票日期為24/10/2011 – 30/10/2011。票價方面，香港飛檳城單程全包價（即係包稅同油附）HK$688，飛吉隆坡單程全包就HK$768；檳城同吉隆坡回港就一樣HK$611。Check過系統，明年復活節（4/4/2012 – 9/4/2012）仲有呢批平飛賣，AirAsia粉絲們，快啲買啦喂！

P.S. AirAsia終於推出名為「Big」嘅飛行積分計劃，憑飛行里數賺取積分，換取指定產品（包括旗下Tune酒店），詳情按此收睇（想入會要先登記，AirAsia會收你少量入會費）。

網址：www.airasia.com

（記得按下面「讚好」Share俾Facebook朋友）