呢隻超筍盤，真係平到快啲去搶：專賣套票嘅AirAsiaGo推出吉隆坡飛澳洲悉尼或珀斯$0機票（稅及油附要俾），出發日期為1/3 – 31/5，最大賣點竟然連復活節假及5.1勞動節長假期都有！配間悉尼背包旅館，住5晚，每人連稅只係HK$2,418起（住少啲，更抵啲，當然可以住長啲），配合香港來回吉隆坡平平AirAsia機票（來回連稅每人約HK$1.2K），每人機票+5晚住宿+稅及油附只係HK$3,600起，仲可以一雞兩味玩埋吉隆坡，平到唔識講！記住要見到用紅色字寫住”推廣”先係$0機票（如圖），否則就Keep住按F5，話唔定下一次就Load出$0機票來！以上價格不包行李寄艙及飛機餐，最後出票日期為2/3。

網址：www.airasiago.com

（覺得抵請記得按Like同Share俾朋友）

2至4月，超級淡季，乜嘢平盤都走出嚟！尤其係台北啦！呢隻套票有得諗：Expedia呢排谷緊華航台北套票，出發日期為13/2 – 15/4，以3日2夜計，入住最平嘅愛客發商務旅館 – 西門館（http://flyagain.la/dbzr），每人來回機票 + 酒店 + 稅款只係HK$1,830起，抵過去馬交！位於西門町中心點，方便到暈。講到最抵玩，就推薦和逸‧台北忠孝館（http://flyagain.la/5m63），距離台北車站只有15分鐘步程，包埋早餐 + WiFi上網，全包每人HK$2,612起，呢間齋買房每晚連稅都要HK$1,900！拆番開，華航來回台北機票連稅只係HK$712，呢間裝修極新，性價比超強，抵住！仲有其他平套票選擇，您可以去番Expedia官網慢慢揀。機票有效期7日，最後出票日期為26/2。

網址：www.expedia.com.hk

（覺得抵請記得按Like同Share俾朋友）

澳門fans留意！AirAsiaGo剛於零晨00:00推出大劈盤，只要經佢訂吉隆坡酒店，澳門來回吉隆坡AirAsia機票淨票價可低至HK$0（稅就要俾）！出發日期由1/3 – 15/4，加埋一間2星酒店2晚，來回機+酒+稅每人大約HK$6XX，抵過去香港玩！想奪取$0機票？方法只有一個：勤力按鍵盤F5（即係Refresh網頁）！因為就算您Load網頁一刻冇$0（見到”免費機票”先算有HK$0機位），但每按一次F5，您會見到票價不斷變動，甚至突然間由冇$0機票變成有$0機票！同搶平機票唔同，AirAsiaGo會喺整段推廣期間隨時放出$0機票，所以就算呢一刻搵唔到，只要喺16/2前耐唔耐按F5（尤其係零晨時份），都有機會見到$0架！祝大家好運！

網址：www.airasiago.com

（覺得抵請記得按Like同Share俾朋友）

呢幾日平價機票排山倒海咁出，今晚又有一單，呢次係套票嚟：Expedia.com.hk剛推出曼谷超平套票，搭AirAsia連3晚住宿，最平每人只需HK$1,415起，記住係：包機票 + 包酒店 + 仲包埋稅！呢次真係馬交價飛曼谷！出發日期為08/01/2014前。Check過系統，HK$1,415嘅套票係住3星Nasa Vegas（詳情：http://flyagain.la/expedia-nasavegas），Budget鬆啲嘅，不妨揀新開張嘅Centara　Watergate Pavillion Hotel Bangkok（詳情：http://flyagain.la/expedia-centarawatergate），勁近Central World同食水門雞飯；至於位於Lumphini地鐵站旁嘅5星Sofitel So（詳情：http://flyagain.la/expedia-sofitelso），4日3夜套票只係HK$2,703起，平時間房都賣緊千幾蚊一晚啦！又近Silom夜市。想豪嘆一番嘅，入住新嘅大倉The Okura（詳情：http://flyagain.la/expedia-okura），HK$3,170起真係超值到爆。

此外，31/11前登記埋Expedia電郵通訊，仲可享10%酒店預訂優惠添。
（登記網址：http://flyagain.la/expedia-edm）

其他優惠套票詳情請睇：www.expedia.com.hk

（覺得抵請記得按Like同Share俾朋友）

一陣00:00開始，AirAsia旗下專賣套票嘅AirAsiaGo又推出買酒店送機票優惠！今次係送香港<->沙巴機票（不包燃油附加費及機場稅），出發日期為01/12 – 31/12（斷估唔會連聖誕節都有卦？一陣去F5！），訂購日期為04/11 – 10/11，以4日3夜入住2-3星酒店計，來回機+酒+稅每人應該HK$1,000左右，的確好平。不過今時唔同往日：依家沙巴有廉航香港快運，佢都劈得幾狠，就算搶唔到AirAsia $0機票，唔駛太傷心！想奪取$0機票？方法只有一個：勤力按鍵盤F5（即係Refresh網頁）！因為就算您Load網頁一刻冇$0，但每按一次F5，您會見到票價不斷變動，甚至突然間由冇$0機票變成有$0機票！同搶平機票唔同，AirAsiaGo會喺整段推廣期間隨時放出$0機票，所以就算一陣00:00搵唔到，只要喺10/11前耐唔耐按F5（尤其係零晨時份），都有機會見到$0架！祝大家好運！

網址：www.airasiago.com

（覺得抵請記得按Like同Share俾朋友）

想睇北極光？又想搭遊輪暢遊中美州？Citibank信用卡客戶由依家到31/03/2014，於EGL Tours東瀛遊參加精選旅行團可享額外折扣高達HK$2,000，例如購買「海洋榮光號20天中南美洲國際豪華郵輪探索之旅」勁減HK$2,000；重點推介「黃金假期暢遊芬蘭及挪威8 天團」即減HK$500，可以去睇北極光 + 聖誕老人村 + 搭破冰船 + 活捉皇帝蟹，仲可親身體驗雪犬拉雪橇同馴鹿拉雪橇，值得去呀！

此外由依家到31/12/2013，憑Citibank信用卡喺海外或網上以外幣簽賬，而同月累積總零售簽賬滿HK$8,000，就可得到最多HK$1,400現金券，記得登記啦！

受條款及細則約束。

（覺得抵請記得按Like同Share俾朋友）

買旅遊產品，又有折扣Code喇！今次係永安旅遊，想買機票或套票，無論係短途抑或長途，都有唔同程度嘅折扣（連澳門都有），Check過真係堅減，唔係谷大條數再減番咁鬼衰。記住：必須係永安旅遊網上會員先可享用折扣（免費申請Link：http://members.wingontravel.com/Register/Signup.aspx），要喺第四步”付款”輸入正確折扣Code先有得減，數量有限，用完即止。

折扣Code包括：

全線機票（折扣Code：AT050，名額1,000個）：每張減HK$100
（詳情請睇：http://bit.ly/19EFXOz）
買台灣或大陸短途機就最抵。

亞洲及中國自由行（折扣Code：AA050，名額800個）：每人減HK$200
（詳情請睇：http://bit.ly/1asAnLC）
筍盤推介：台北香港航空3天自由行套票，低至HK$972起（原價HK$1,172，未連稅，下同），住迪樂商旅；長榮航空4天自由行套票低至$1,049起（原價HK$1,249），同樣住迪樂商旅

澳門、廣東短線自由行（折扣Code：AS050，名額2,000個）：每人減HK$100
（詳情請睇：http://bit.ly/1asydvz）
筍盤推介：澳門2天自由行套票，低至HK$520起（原價HK$620），坐噴射飛航，住麗景灣酒店；番禺2天自由行套票，低至HK$99起（原價HK$199），深圳出發，住阿爾戈斯酒店

長線自由行（折扣Code：AL050，名額300個）：每人減HK$500
（詳情請睇：http://bit.ly/1g58KiT）
筍盤推介：倫敦國泰航空5天自由行套票，低至HK$6,322起（原價HK$6,822），住Best Western Phoenix Hotel

如果您有MasterCard，買任何曼谷套票每位直減HK$500（折扣Code：MC822，名額100個）
筍盤推介：曼谷香港航空4天自由行，低至HK$950起（原價HK$1,450），住H Residence Sathorn

其他筍盤請睇：http://bit.ly/GM74vj

（覺得抵請記得按Like同Share俾朋友）

12:00pm 08/10 Updated：最後出票日期已順延至22/10中午12點正，請留意

港航呢排出咗唔少平機票，咁套票呢？都有架！知道有啲Fans鍾意買套票，所以今日特登幫大家搵嚟一批熱門旅遊點嘅港航Package，出發日期27/10 – 20/12/2013及2/1 – 22/1/2014，優惠包括14個目的地。以3日2夜套票為例，台北低至$890起、三亞都係$999起咋（未連稅，下同）；想玩4日3夜嘅，沖繩同曼谷都有大把選擇，最平$1099起．重點推介以下選擇，啱心水即Call安運滿FUN遊訂位（電話號碼：3913 6000）。溫馨提示：必須於15/10 中午12點正前出票。

曼谷新酒店Holiday Inn Sukhumvit 22（3日2夜$1,499起，4日3夜$1,699起，包早餐）走Hip Hotel路線，今年4月先開幕，鄰近Emporium同Phrom Phong BTS 站，超方便。（詳情：http://bit.ly/17Ljg95）

如果筆直高少少，不如坐商務客位吖！Lohas Suites Sukhumvit商務套票（3日2夜 $2,499起 包早餐）（詳情：http://bit.ly/1hvwR5B），連稅唔駛三千左右，就可以豪歎商務客位兼有埋2晚4星酒店，入住嘅Executive Suite，房間面積高達400呎，擺幾多戰利品都唔覺逼。

趁Weekend去番轉台北，Relax下浸下溫泉，入住1晚皇家季節酒店（北投館）+ 1晚台北皇家季節酒店（台北市）只係$1,399起，來往呢兩間酒店都有免費專車接送！幫您慳時間，夠晒貼心。(詳情：http://bit.ly/GHImMk）

依家去沖繩，無謂日日留喺Resort咁齋。如果想3晚住晒那霸，入住Mercure Okinawa Naha包埋早餐都係$2,599起（詳情：http://bit.ly/19t8fvo ），平時旺季一張機票都唔止啦！

想知更多港航套票優惠，可以去http://bit.ly/17ehs44 睇睇

查詢電話：3913 6000

（覺得抵請記得按Like同Share俾朋友）