東瀛遊成日都有只限網上訂購嘅超筍盤，今次就介紹東京Package，9-10月指定日子出發，搭達美航空連5日4夜酒店房，最平可做到HK$3,099起，呢個只係27/9或29/9出發，選擇前者更可免費獲贈單程成田機場巴士券。至於10月份雖然唔係日日都有呢口價，一般佢指定出發日子都係HK$3,499，計番條數，張機票算你HK$1,400都唔駛，話晒達美係早去午返吖！真係俾你玩足5日4夜！特別推介13/10（週四）出發，可以橫跨週末，價錢只係HK$3,299起，呢口價可以入住池袋太陽城太子酒店Semi-Double房，位置上距離JR新宿同池袋各8分鐘，位置尚可，平價搭夠。

網址：www.egltours.com

（記得按下面「讚好」Share俾Facebook朋友）

H.I.S.旅遊推出一個超特價曼谷Package優惠，搭港航去曼谷，包3晚酒店，最平入住3 星級酒店 Centric Ratchada（位於Ratchada區，距離Phra Ram 9 MRT站一街之隔，唔錯！）及Ratchada Resort & Spa Hotel（間酒店頗殘，唔揀！）只需HK$1,398！呢兩間酒店喺Agoda都賣緊兩舊幾水一晚，計番條數，即係張機票賣一千蚊俾你，都算筍，呢個Package優惠只限首50名顧客，之後就加HK$140一位，我估呢篇Blog出街個陣已經賣晒架啦！不過你又唔駛灰心，事關小弟睇完成份價目表，發覺無論你揀邊間酒店，張港航機票計番都係HK$1,000左右，同泰航週四特價飛差唔多，但港航你可以揀佢中午12:35/14:05去，回程揀15:15/19:15，時間靚仔啲，兼且日日都飛得。有效期到今年年底，部份時間會收附加費，詳情請睇佢單張。

詳情：www.his.com.hk

訂購網站：booking.globaltop.hk

（記得按下面「讚好」Share俾Facebook朋友）

去得歐洲咁遠，都唔會去一兩度地方咁少卦？一般都會花啲時間穿州過省去唔同國家玩。如果來回程可以自定，唔駛走回頭路，既可慳時間又唔駛拎咁多重行李周圍走，你話幾好呢？呢啲情況Open-Jaw機票就大派用場（即係來回程地點不相同），但如果獨立出呢類機票都幾金！想喺秋天飛歐洲者，不妨參考國泰假期推出嘅歐洲套票，有唔同國家你揀，如倫敦5日3夜只需HK$6,390起（未連稅，下同），巴黎就HK$6,970，米蘭就HK$6,830起，但呢個Package最大賣點係回程城市任揀，就算你幫襯佢倫敦Package，回程揀巴黎返港都得，咁呢個價就真係抵嘞！除咗莫斯科有效日期去到今年年底（31/12）外，其他城市一律到31/10。

網址：www.cxholidays.com

（記得按下面「讚好」Share俾Facebook朋友）

遲啲大家會收到政府送嚟嘅HK$6,000，您諗住點駛呢？一於與民同樂！東瀛遊推出四個地點4日3夜HK$6,000一口價結伴同遊套票（未連稅），由依家到10月尾喺指定日子出發，去日本東京搭國泰，2人同遊加埋都只係HK6,000；去新加坡搭港航，3人同遊加埋共HK$6,000；曼谷一樣搭港航，HK$6,000可以4人一齊去！台中一樣4人同價；至於三亞，由於住靚靚渡假村（三亞亞太國際會議中心暨海航渡假村），所以只能玩3日2夜，不過一樣4人同遊。咁抵，你大可以拎政府俾你嘅Happy Money，請晒朋友家人豪一豪佢（30/9截止啦）！

網址：www.egltours.com

（記得按下面「讚好」Share俾Facebook朋友）

北京依家開始入秋，冇咁熱，好玩啲！傲遊天地嘅港龍北京套票做緊買2晚送1晚優惠，入住北京桔子旗下10間酒店，任揀一間住3晚，套票價只係HK$2,599起咋！有效期仲去到31/12。桔子酒店集團喺全國一共有19間分店，遍佈北京、天津、寧波、杭州、南京，走精品商務酒店路線，裝修型格，其中嘅水晶建國門分店喺國際旅遊評論網站TripAdvisor.com中，排全北京第77位（共3,498間酒店）！啱晒追求性價比強嘅旅客。雖然套票唔包早餐，但包免費上網。早餐出街食啦！反正大把北方正宗早點任你嘆。

網址：www.bliss-travel.com.hk

（記得按下面「讚好」Share俾Facebook朋友）

港航成日推出平機票，連帶啲套票都平過人。想搵個Weekend飛去越南河內走番轉，食下生牛肉檬，可以留意下Holiday Express嘅香港快運套票，3日2夜最平HK$1,990起入住 Chains First Eden Hotel，不過我哋建議住豪少少，揀 Mercure Hanoi La Gare酒店，價錢只係HK$2,450（30/9前）/HK$2,590（1/10 – 29/10），位處於市中心，搭的士去購物街都係10分鐘，況且Mercure係Accor酒店集團中比較高檔類別，而呢間酒店建築亦充滿法歐風情，Agoda齋房都賣緊七舊幾水，呢個價入住簡直抵到震。

留意位：

1. 房間供應有限，詳情請向旅行社查詢

2. 燃油附加費和服務費約HK$660

3. 機票有效期：2 – 7日

網址：www.holidayexpresshk.com

（記得按下面「讚好」Share俾Facebook朋友）

專營上海平套票嘅傑靈旅運，同Groupon聯手推出上海超平套票優惠。如果你肯提早喺出發前半年（180日）預訂東航4日3夜套票，住上海曼哈頓 (外灘) 商務酒店，只係HK$1,388（未包稅，下同），可以做到咁低，全因係東航近月做緊Early Bird優惠，就以呢套Package為例，每晚房間收你HK$480，計落張機票只係HK$668，同廉航春航差唔多。如果你唔想早半年預訂，可以揀早60日前預訂，只係加HK$400，合理吖！至於澳門嘅朋友，呢套HK$1,788 Package一樣啱你哋，去程可以揀澳門出發搭上海航空，澳門出發不嬲貴啲，依家張機票只係HK$1,068，好筍！如果想住靚啲嘅4星級上海錦江湯臣洲際大酒店，180日前預訂就HK$2,488，60日前預訂就HK$2,888，都係一樣，60日前個隻可以由澳門出發。

呢個Package除咗聖誕同農曆新年唔適用外，其他香港節日都可以使用（如復活節，新曆新年，勞動節等等），如果你肯提早Plan定明年行程，依家訂又唔駛捱附加費，抵啦！

留意位：

1. 有效旅遊日期：1/10/2011 – 20/12/2011；27/12/2011 – 18/1/2012；10/2/2012 – 30/6/2012

2. 必須於18/10/2011前預訂

3. 需另付機場稅及油附予傑靈旅運．香港出發：HK$690；澳門出發：HK$878

網址：www.groupon.hk

（記得按下面「讚好」Share俾Facebook朋友）

Facebook網友Ka Yan查詢 11月有冇柬埔寨金邊嘅平機票或套票。由於依家只有港龍做直航，所以齋機票唔慌平得去邊（除非你肯轉機，可以搭越南航空，通常機票價二千鬆啲），跟Package有So．學聯有一隻港龍3日2夜金邊Package，坐港龍住最平嘅Juliana Hotel HK$2,390，但我建議不如住靚啲，例如金邊洲際Intercontinental Phnom Penh都只係HK$3,010（1/10後加價到HK$3,280），齋房都要千二三；而我個人心水係Amanjaya Pancam Hotel（HK$2,830，1/10後HK$2,950），呢間4星級酒店，室內設計好有柬埔寨南亞風情，距離皇宮非常近，行去就得，而且位於河畔，附近嘅沿河公園環境優美，值得一住。

網址：www.hkst.com

（記得按下面「讚好」Share俾Facebook朋友）